DANIEL 2:42 - BUKUIT NE TILIL

⁴² Ak ko u ye ko bo morikab keldebesaik kebebertab karnet, ak kebebertab menet, ko u noto kimitu kebebertab bounatonoto, ak kobutok kebeberta age.

Bukuit Ne Tilil

⁴² Ak ko uu ye ko po mooriigap keldebesaik kebebertap karnet ak kebebertap meneet, ko uu nooto pounatonooto, kimitu kebeberta age ak kobutok kebeberta age.

DANIEL 2:42 Referencias Cruzadas

DANIEL 2:41

Ak ko u ye koigeer keldebesaik koboto morik, ne kebebertab menetab cheptereniot ak kebebertab karnet, koegu bounatet ne pcheoksei; ago mi orinnyi kimnatetab karnet, amu koigeer karnet ko burugot ak menet ne boto ng’ung’unyek.

DANIEL 2:43

Ak ko u ye koigeer ko burugot karnet ak menet ne boto ng’ung’unyek, koburuchegei ak iyotetab bik; ago manamegei age ak age, ko u ye maburuchegei karnet ak menet.

DANIEL 7:24

Ak eng’ kuinoichuto taman, komong’une bounatonito laitorinik tamanu: ak ye ibata komong’ age ne isubu ichek; ak egu ne ter eng’ che bo tai, ak koterter laitorinik somok.

NG'ANG'UTYET 13:1

Ak kiageer tiondo kotogosu eng’ nyanjet, ne tinyei kuinoik taman ak metowek tisab, ak nariosiek taman eng’ kuinoikyik, ak kimi metowekyik kainaikab chubisiet.