DANIEL 2:22 - BUKUIT NE TILIL

²² ng’anyei tuguk che looen ak ko ung’otin: ingen tuguk che mi mesundeito, ak komenyei lapkeiyet koboto inendet.

Bukuit Ne Tilil

²² Ng'aanyei tuguuk che looen ak ko ung'ootiin. Ingen tuguuk che mi mesundeito, ak komenyei lapkeiyet kobooto ineendet.

DANIEL 2:22 Referencias Cruzadas

TAUNET 41:16

Ak kiwolji Josep Parao kolenji, Mabota ane: igochin Kamuktaindet Parao wolunet ne bo kalyet.

Kitabuutap JOB 12:22

Nyoru tuguk che ung’otin eng’ mesundeito, Ak koibu uruetab meet konyo lapkeiyet.

Kitabuutap JOB 26:6

Mi buch oldab che kigobek eng’ tainnyi, Ama tinyei Ng’emisiet kit ne kituge.

TIENWOGIKAL 104:2

Inye ne itugege lapkeiyet ko u ngoriet; Iitoi kipsengwetisiek ko u ngoriet;

TIENWOGIKAL 25:14

Mitei ung’otietab Jehovah koboto ichek che iywei inendet; Ak koborji ichek arorutiennyi.

TIENWOGIKAL 36:9

Amu mi oldang’ung’ kondab beekab sobon: Kigeere lapkeiyet eng’ lapkeiyeng’ung’.

AMDOINDET 8:1

Ng’o ne kergei ak chito ne ng’om? Ak ng’o ne ingen kaweegetab kiy? Igochin ng’omnatetab chito togennyi koluu, ak kowalak uuindab togennyi.

ISAIAH 41:22

Ingoib ichek, ak komwawech kit ne biitu: omwa tuguk che bo tai, kit ne u, si kobiit kibwat, ak kenai kagesunenywa, anan oboruech tuguk che tun bwanei.

ISAIAH 41:26

Ng’o ne kigomwa ng’olyondoni koboch taunet, si kobiit kenai? Ak ne kisib komwa, si kobiit kemwa kele, Bo inendet imanda? Ee, mami agot agenge ne mwaei, ee, mami agot agenge ne iboru, ee, mami agot agenge ne kasei ng’alekwok.

ISAIAH 42:9

Ogeero, kagosulda tuguk che bo tai, ak amwaitoi tuguk che leelach: amwawok kotomo kobiit.

ISAIAH 45:7

Ayae lapkeiyet, ak ayae mesundeito; ayae kalyet, ak ayae yaitiet; a Jehovah, ne yaei tuguchuto tugul.

JEREMIA 23:24

Tos imuchi chi kounygei eng’ komoswek che ung’otin, kot ko mageer inendet? Mwaei Jehovah. Tos ma anyi kipsengwet ak ng’ony? Mwaei Jehovah.

JEREMIA 33:3

Kuura, si awolun, ak aborun tuguk che eechen, ak ko uuen, che mengen.

DANIEL 2:11

Ak ko kit ne ma bo kotugul ni kateeb laitoriat, ama mi age ne imuchi koborji laitoriat, kobate cheptalelisiek, che mamenyei ak bik.

DANIEL 2:19

Kiging’ang’ji anyun Daniel ung’otionoto eng’ ng’ang’utiet ne bo kemoi. Kiilos anyun Daniel Kamuktaindetab kipsengwet.

DANIEL 2:47

Kowolji laitoriat Daniel kolenji, Iman Kamuktaindeng’wong’ ko Kamuktaindet ne bou cheptalelisiek, ak ko Kiptaiyatab laitorinik, ak ng’ang’indetab ung’otik, amu kaimuch ing’any ung’otioni.

DANIEL 5:11

mitei chito eng’ bounateng’ung’ ne menyei tamirmirietab cheptalelisiek che tililen; ak kiginyorji chichoto eng’ betusiekab kwandang’ung’ lapkeiyet ak naet ak ng’omnatet, ne u ng’omnatetab cheptalelisiek: ak kiinde laitoriat Nebukadnesar kwandang’ung’, ne inendet ko laitoriat kwandang’ung’, kiinde inendet koek kiptaiyatab bik che ng’omen che ng’orsei, ng’omotikab kecheik, Kaldeik ak kipsogeinik;

DANIEL 5:14

Koagas agobo inye kele menyin tamirmirietab cheptalelisiek, ak kele itinye lapkeiyet ak naet ak ng’omnatet ne siirtoot.

MATAYO 13:13

Noto anyun ang’alaljini eng’ kalewanaik; amu nganda keertoi, ko mageerei kiy, ak kastoi, ama kasei kiy, anan koguiyo.

JOHANA 1:9

Kimi lapkeiyet ne bo iman, ne nyonei ng’ony, ne iluuchin chi tugul.

JOHANA 21:17

Kolenji ne bo somok, Simon, weritab Johana, ichama? Koarogen Petero amu kamwachi ne bo somok, kolenji, Ichama? Ak kolenji, Kiptaiyandani, ingen tuguk tugul; ingen ile achamin. Kolenji Jesu inendet, Bai kechirekyuk.

JOHANA 8:12

Kimwachi Jesu anyun ichek kogeny, kolenji, A lapkeiyet ne bo ng’ony: inendet ne isuba ko mawendoti eng’ mesundeito, ago nyoru lapkeiyetab sobondo.

1 KORINTOEK 4:5

Noto anyun amat oruokyi kiy kotom koit betut, agoi konyo Kiptaiyat, ne tun ng’anyei tuguk che ung’otin che bo mesundeito, ak kobarta kabwatutik che bo mugulelwek; si konyor chi age tugul anyun kalosunennyi eng’ Jehovah.

EPESOEK 3:5

ne kima kiborji werikab bik eng’ ibinwek alak ko u ye kageng’ang’ji nguno che kiyoktoi chechik che tililen ak maotik eng’ Tamirmiriet;

NG'ATUTIK 29:28

kiitut Jehovah ichek komong’ eng’ emenywa eng’ neregek ak eng’ nyitatet, ak eng’ ng’wanindo, koonji emet age ko u rani.

1 TIMOTEO 6:16

ne tinyei inegei sobondab koigeny, ne menyei eng’ lapkeiyet ne magimuchi kerikyi; ne tomo kogeer chi, ama imuchi kogeer: ingobunji inendet teegisto ak kamuktaet koigeny. Amen

HEBRANIK 4:13

Ama mi kiy age tugul ne kigiyai ne ma toogu eng’ tainnyi: ago ng’ang’otin ak yatotin tuguk tugul eng’ taitab konyek che bo inendet ne tun kitetyini atebosiekyok.

JAKOBO 1:17

Kagoitoet age tugul ne mie ak konunotiot age tugul ne igesunotgei ko bo barak, chorugei eng’ Kwanda ne bo lapkeiyosiek, ne mami eng’ inendet kit ne walaksei, anan ko uruet ne bunu waletab ge.

1 JOHANA 1:5

Ak ni ng’olyot ne kigigas eng’ inendet, ak keamwok, kele lapkeiyet Jehovah, ama mi mesundeito eng’ inendet agot kitigin.