တမန်တော်ဝတ္ထု 26:20 - ခေတ်သစ်​မြန်မာ သမ္မာကျမ်း

²⁰ ဦးစွာ ဒမတ်စကပ်​မြို့သူမြို့သားများ၊ ထို့နောက် ဂျေရုဆလင်​မြို့သူမြို့သားများ၊ ယုဒ​ပြည်သူပြည်သားများ​နှင့် လူမျိုးခြားများ​အား ‘သင်တို့​သည် နောင်တရ​၍ ဘုရားသခင်​ထံ ပြောင်းလဲကြ​ရမည်။ နောင်တ​နှင့် လျော်ကန်သည့်​အကျင့်​ကို ကျင့်ကြ​ရမည်’ ဟု ဟောပြောခဲ့၏။

Common Language Bible

²⁰ ဦး​စွာ​ဒ​မာ​သက်​မြို့၊ ထို​နောက်​ယေ​ရု​ရှ​လင်​မြို့ မှ​စ​၍ ယု​ဒ​ပြည်​တစ်​ပြည်​လုံး​ရှိ​လူ​တို့​အား လည်း​ကောင်း၊ လူ​မျိုး​ခြား​တို့​အား​လည်း​ကောင်း အ​ကျွန်ုပ်​ဟော​ပြော​ပါ​၏။-

Garrad Bible

²⁰ ဦး စွာ ဒ မာ သက် မြို့ နှင့် ယေ ရု ရှ လင် မြို့ မှ စ သော ယု ဒ ပြည် တစ် လျှောက် လုံး တွင် လည်း ကောင်း၊ လူ မျိုး ခြား တို့ အား လည်း ကောင်း၊ နောင် တ ရ ၍ ဘု ရား သ ခင့် အ ထံ တော် သို့ လှည့် ဝင် ပြီး လျှင် နောင် တ ရ ခြင်း နှင့် ထိုက် လျော် သော အ ကျင့် များ ကို ပြု မူ ကြ စေ ရန် ဟော ကြား ပါ သည်။

Judson Bible

²⁰ လူ​တို့​သည် နောင်​တ​ရ​ရ​မည်။ နောင်​တ​ရ​ခြင်း​နှင့် ထိုက်​တန်​သော အ​ကျင့်​ကို ကျင့်​ရ​မည်။ ဘု​ရား​သ​ခင် အ​ထံ​တော်​သို့ ပြောင်း​လဲ​ရ​မည်​ဟူ၍ ဒ​မာ​သက်​မြို့၌ ရှေ့​ဦး​စွာ ဟော​ပြော​ပြီး​လျှင်၊ ယေ​ရု​ရှ​လင်​မြို့​မှ​စ၍ ယု​ဒ​ပြည်​အ​ရပ်​ရပ်၌​နေ​သော သူ​တို့​အား​လည်း​ကောင်း၊ တစ်​ပါး​အ​မျိုး​သား​တို့​အား​လည်း​ကောင်း၊ ဟော​ပြော​ပါ၏။-

မြန်​​​မာ့​​​စံ​​​မီ​​​သမ္မာ​​​ကျမ်း​​

²⁰ ဦးစွာ ဒမတ်စကပ်​မြို့​၌​ရှိ​သော​သူ​တို့​ကို​လည်းကောင်း၊ ထို့နောက် ဂျေရုဆလင်​မြို့​နှင့် ယုဒ​နယ်​တစ်နယ်လုံး​၌​ရှိ​သော​သူ​တို့​ကို​လည်းကောင်း၊ လူမျိုးခြား​တို့​ကို​လည်းကောင်း နောင်တရ​၍ ဘုရားသခင်​ထံ​ပြောင်းလဲ​ကာ နောင်တ​နှင့်​ထိုက်တန်​သော​အမှု​များ​ကို ပြု​ကြ​ရန် ဟောပြော​ခဲ့​ပါ​သည်။

တမန်တော်ဝတ္ထု 26:20 Referencias Cruzadas

မဿဲ 3:2

“ကောင်းကင်​နိုင်ငံတော် ပေါ်ထွန်းချိန်​နီးပြီ​ဖြစ်​သောကြောင့် သင်တို့​၏​အပြစ်များ​အတွက် နောင်တရ​၍ ဘုရားသခင်​ထံတော်သို့ ပြန်လာကြလော့” ဟု ဟောလေ၏။

မဿဲ 3:8

အပြစ်​အတွက် နောင်တရ​၍ ဘုရားသခင်​ထံတော်သို့ ပြန်လာကြောင်း​ကို သင်တို့​အကျင့်​ဖြင့် သက်သေထူကြလော့။

မဿဲ 4:17

ထို​အချိန်​မှ​စ​၍ ယေရှု​က “ကောင်းကင်​နိုင်ငံတော် ပေါ်ထွန်းချိန်​နီးပြီ​ဖြစ်​သောကြောင့် နောင်တရကြလော့” ဟု စတင်​ဟောပြောတော်မူ၏။

မဿဲ 9:13

‘ယဇ်ပူဇော်ခြင်း​ထက် သနားကြင်နာတတ်ခြင်း​ကို ငါ​ပို၍​အလိုရှိ၏’ ဟူသည့် ကျမ်းစကား​ကို သင်တို့ သွား​၍ သင်ယူကြလော့။ ဖြောင့်မတ်သောသူတို့​ကို နောင်တရ​စေရန်​အတွက် ငါ​လာ​၍ ခေါ်သည်​မဟုတ်။ အပြစ်သားများ​ကို နောင်တရ​စေရန်​အတွက် လာ​၍ ခေါ်သည်” ဟု မိန့်တော်မူ၏။

ရှင်မာကု 6:12

တပည့်တော်တို့​သည်လည်း ထွက်သွား​၍ လူတို့​ကို အပြစ်များ​မှ နောင်တရ​၍ ဘုရားသခင်​ထံသို့ ပြောင်းလဲ​ရန် ဟောပြောကြ၏။

လုကာ 1:16

သူ​သည် အစ္စရေးလူမျိုး​များစွာ​ကို သူတို့​၏​ဘုရားသခင် ထာဝရဘုရား​ထံသို့ ပြန်လည်​ပို့ဆောင်​ပေး​လိမ့်မည်။

လုကာ 13:3

ထိုသို့​မဟုတ်ပါ။ သင်တို့​အား ငါ​ပြောဆိုသည်​မှာ သင်တို့​သည်လည်း နောင်တ​မရ​လျှင် ထို​နည်းတူ​ပျက်စီးကြ​လိမ့်မည်။

လုကာ 13:5

ထိုသို့​မဟုတ်ပါ။ သင်တို့​အား ငါ​ပြောဆိုသည်​မှာ သင်တို့​အားလုံး​သည်လည်း နောင်တ​မရ​လျှင် ထို​နည်းတူ ပျက်စီးကြ​လိမ့်မည်” ဟု မိန့်တော်မူ၏။

လုကာ 15:10

သင်တို့​အား ငါ​ပြောဆိုသည်​မှာ ထို​နည်းတူ အပြစ်သား​တစ်ဦး နောင်တရ​သောအခါ ဘုရားသခင်​၏​ကောင်းကင်တမန်များ ဝမ်းမြောက်ကြသည်” ဟူ၍ ဖြစ်၏။

လုကာ 15:7

ထို​နည်းတူ ဖြောင့်မတ်​၍ နောင်တရ​ရန် မလိုသော​သူ ကိုးဆယ့်ကိုးဦး​အတွက် ဝမ်းမြောက်သည်​ထက် အပြစ်​မှ နောင်တရ​၍ ဘုရားသခင်​ထံ ပြန်လာသော​သူ​တစ်ဦး​အတွက် ကောင်းကင်ဘုံ​တွင် ပို၍ ဝမ်းမြောက်ခြင်း​ရှိ​လိမ့်မည်။

တမန်တော်ဝတ္ထု 11:18

ဤ​အကြောင်းအရာများ​ကို ထို​သူတို့​ကြားရ​သောအခါ ငြိမ်သက်သွားကြပြီး “ဤသို့​ဆို​လျှင် ဘုရားသခင်​သည် လူမျိုးခြားတို့​အား ထာဝရ​အသက်ရှင်​စေရန်​နောင်တရခြင်း​အခွင့်​ကို ပေးသနားတော်မူပြီ” ဟု ဆို​၍ ဘုရားသခင်​ကို ချီးမွမ်းကြ၏။

တမန်တော်ဝတ္ထု 15:19

ထို့ကြောင့် ကျွန်ုပ်တို့​သည် ဘုရားသခင်​ထံသို့ ပြောင်းလဲလာသော​လူမျိုးခြားများ​ကို အခက်​မတွေ့စေဘဲ

တမန်တော်ဝတ္ထု 17:30

ဤသို့ ယခင်​အချိန်ကာလများ​တွင် လူတို့​၏​မသိ​နားမလည်ခြင်း​ကို ဘုရားသခင်​သည် အမှုမထားခဲ့​သော်လည်း ယခု​မှာ နေရာ​အသီးသီး​တွင်​ရှိသော လူ​အပေါင်းတို့​ကို နောင်တရ​ရန် အမိန့်ပေးတော်မူ၏။

တမန်တော်ဝတ္ထု 2:38

ပေတရု​က “သင်တို့​အပြစ်များ​ကို ခွင့်လွှတ်ခြင်း​ခံရ​ရန် နောင်တရ​လျက် ယေရှု​ခရစ်တော်​၏​အမည်​နာမ​၌ သင်တို့​အားလုံး နှစ်ခြင်းမင်္ဂလာ​ခံယူကြလော့။ ထိုသို့​ပြုလျှင် သင်တို့​သည် သန့်ရှင်းသော​ဝိညာဉ်တော်​တည်းဟူသော လက်ဆောင်​ကို လက်ခံရရှိ​လိမ့်မည်။

တမန်တော်ဝတ္ထု 20:21

နောင်တရ​၍ ဘုရားသခင်​ထံတော်​သို့ ပြန်လာကြ​စေရန်​နှင့် ကျွန်ုပ်တို့​၏​သခင်​ယေရှု​ကို ယုံကြည်​စေရန် ဂျူးလူမျိုးများ​နှင့် ဂရိလူမျိုးများ​ကို လေးနက်စွာ ဟောပြောခဲ့၏။

တမန်တော်ဝတ္ထု 26:17

ငါ​သည် ဂျူးတို့​၏​လက်​မှ​လည်းကောင်း၊ လူမျိုးခြားတို့​၏​လက်​မှ​လည်းကောင်း၊ သင့်​ကို​ကယ်တင်မည်။ သင့်​ကို​လူမျိုးခြားများ​ထံသို့ ငါ​စေလွှတ်မည်။

တမန်တော်ဝတ္ထု 26:19

ထို့ကြောင့် အရှင်​အဂြိပ္ပမင်းကြီး… အကျွန်ုပ်​သည် ကောင်းကင်​မှ ရသော​ထို​ရူပါရုံ​ကို မနာခံဘဲ​မနေပါ။

တမန်တော်ဝတ္ထု 3:19

ထို့ကြောင့် သင်တို့​၏​အပြစ်များ​ကို ဘုရားသခင် ဖြေလွှတ်တော်မူ​စေရန် နောင်တရ​၍ ပြောင်းလဲကြလော့။

တမန်တော်ဝတ္ထု 9:15

သို့သော် သခင်ဘုရား​က “သွားလော့။ ထို​သူ​သည် လူမျိုးခြားများ၊ ဘုရင်များ​နှင့် အစ္စရေးလူမျိုးတို့​ရှေ့​တွင် ငါ့​အကြောင်း​ကို ပြောကြား​ရန် ငါ​ရွေးကောက်ထားသော တန်ဆာပလာ​ဖြစ်၏။

တမန်တော်ဝတ္ထု 9:35

လုဒ္ဒမြို့​နှင့် ရှာရုန်ဒေသ​ရှိ​လူများ​သည်လည်း အဲနေ​ကို မြင်​၍ သခင်ဘုရား​ထံတော်​သို့ ပြောင်းလဲလာကြ၏။

ရော​မ 2:4

သို့မဟုတ် ဘုရားသခင်​၏ ကြင်နာခြင်း​သည် သင့်​ကို နောင်တရ​စေရန်​ဖြစ်သည်​ကို နားမလည်ဘဲ ကိုယ်တော်​၏ ကြွယ်ဝသော​ကျေးဇူးပြုခြင်း၊ စိတ်ရှည်ခြင်း​နှင့် သည်းခံခြင်းတို့​ကို သင်​သည် မထီမဲ့မြင်​ပြုသလော။

၂ ကော 3:16

သို့သော် တစ်စုံတစ်ယောက်​သည် သခင်ဘုရား​ထံသို့ ပြန်လှည့်လာ​သောအခါ ထို​ပဝါ​သည် သူ့​ထံမှ ဖယ်ရှား​ခံရ၏။

၂ ကော 7:10

ဘုရားသခင်​၏ အလိုတော်​နှင့်​ညီသော ဝမ်းနည်းခြင်း​သည် ကယ်တင်ခြင်း​ကို ရရှိစေမည့် နောင်တစိတ်​ကို ဖြစ်ပေါ်စေ​ပြီး ပူဆွေး​ဝမ်းနည်းရခြင်း​မျိုး မရှိပေ။ သို့သော် လောကီ​နှင့်ဆိုင်သော ဝမ်းနည်းခြင်း​သည် သေခြင်းတရား​ကို ဖြစ်ပေါ်စေ၏။

ဧ​ဖက် 4:17

ထို့ကြောင့် ဘုရားသခင်​ကို မသိသော​လူမျိုးခြားများ​ကဲ့သို့ မနေထိုင်ကြ​ရန် သခင်ဘုရား​၏ အခွင့်အာဏာ​ဖြင့် သင်တို့​ကို ကျွန်ုပ် သတိပေး​လို၏။ ထို​သူတို့​၏ တွေးခေါ်ကြံဆမှု​သည် အကျိုး​မရှိပေ။

၁ သက် 1:9

သင်တို့​ထံ ကျွန်ုပ်တို့​ရောက်ခဲ့​စဉ် သင်တို့​သည် ကျွန်ုပ်တို့​ကို မည်သို့ လက်ခံခဲ့ကြောင်း​ကိုလည်းကောင်း၊ အသက်ရှင်​၍ စစ်မှန်သည့် ဘုရားသခင်​ကို အစေခံ​ရန် သင်တို့​သည် ရုပ်တု​ကိုးကွယ်နေခဲ့ရာ​မှ ဘုရားသခင်​ထံ မည်သို့​ပြောင်းလဲခဲ့ကြောင်း​ကိုလည်းကောင်း ထို​ဒေသ​တွင် နေထိုင်သူများ​က ပြောပြကြ၏။

ဗျာ​ဒိတ် 16:11

သူတို့​သည် ခံစားရသော​ဝေဒနာ​နှင့် အနာစိမ်း​တို့​ကြောင့် ကောင်းကင်ဘုံရှင်​ဘုရားသခင်​ကို ကျိန်ဆဲကြ၏။ မိမိတို့​၏​အကျင့်ဆိုးများ​အတွက်​လည်း နောင်တ​မရကြ။

ဗျာ​ဒိတ် 2:21

ငါ​သည် သူ့​အား နောင်တရ​ရန် အခွင့်အရေး​ပေးခဲ့​သော်လည်း သူ​သည် တရား​နှင့်​မညီသော မေထုန်​ပြုခြင်း​အတွက် နောင်တရ​ရန် ငြင်းဆန်ခဲ့၏။

ဗျာ​ဒိတ် 2:5

ထို့ကြောင့် သင်​ကျဆင်းသွားသည့်​အပိုင်း​ကို ဆင်ခြင်လော့။ နောင်တ​ရ​လျက် အစဦး​၌ ပြု​သကဲ့သို့ ပြုလော့။ ထိုသို့​နောင်တ​မရ​ပါက ငါ​သည် သင့်​ထံသို့​လာ​၍ သင့်​ဆီမီးတိုင်​ကို နေရာ​မှ ဖယ်ရှားမည်။

ဗျာ​ဒိတ် 3:3

ထို့ကြောင့် သင်​သည် ကြားနာ​၍ ခံယူပြီးသော​အရာ​ကို သတိရ​လျက် လိုက်နာလော့။ နောင်တရလော့။ သင်​မနိုးထ​လျှင် သူခိုး​ကဲ့သို့ ငါ​လာမည်။ မည်သည့်​အချိန်​၌ လာမည်​ကို သင်​သိရမည်​မဟုတ်။