တမန်တော်ဝတ္ထု 11:24 - ခေတ်သစ်​မြန်မာ သမ္မာကျမ်း

²⁴ ဗာနဗ​သည် သူတော်ကောင်း​ဖြစ်​၍ သန့်ရှင်းသော​ဝိညာဉ်တော်​နှင့် ယုံကြည်ခြင်း​တို့​ဖြင့် ပြည့်ဝသော​သူ​ဖြစ်၏။ ထို့ကြောင့် မြောက်မြားစွာသော​လူတို့​သည် သခင်ဘုရား​ထံသို့ ပြောင်းလဲလာကြ၏။

Common Language Bible

²⁴ ဗာ​န​ဗ​သည်​သူ​တော်​ကောင်း​ဖြစ်​၍​သန့်​ရှင်း သော​ဝိ​ညာဉ်​တော်​နှင့်​လည်း​ကောင်း၊ ယုံ​ကြည် ခြင်း​နှင့်​လည်း​ကောင်း​ပြည့်​ဝ​သ​ဖြင့်​များ​စွာ သော​သူ​တို့​အား​သ​ခင်​ဘု​ရား​ကို​ယုံ​ကြည် စေ​၏။

Judson Bible

²⁴ ထို​သူ​သည် သူ​တော်​ကောင်း​ဖြစ်၍၊ သန့်​ရှင်း​သော ဝိ​ညာဉ်​တော်​နှင့်​လည်း​ကောင်း၊ ယုံ​ကြည်​ခြင်း​နှင့်​လည်း​ကောင်း၊ ပြည့်​စုံ​သော​အား​ဖြင့်၊ လူ​များ​အ​ပေါင်း​တို့​သည် သ​ခင်​ဘု​ရား​ထံ​သို့ ဝင်​စား​ကြ၏။

မြန်​​​မာ့​​​စံ​​​မီ​​​သမ္မာ​​​ကျမ်း​​

²⁴ အကြောင်းမူကား သူ​သည် သူတော်ကောင်း​ဖြစ်​၍ သန့်ရှင်း​သော​ဝိညာဉ်​တော်​နှင့်​လည်းကောင်း၊ ယုံကြည်​ခြင်း​နှင့်​လည်းကောင်း ပြည့်ဝ​သော​သူ​ဖြစ်​၏။ ထိုအခါ များစွာ​သော​လူ​တို့​သည် သခင်​ဘုရား​ထံသို့ ပြောင်းလဲ​လာ​ကြ​၏။

တမန်တော်ဝတ္ထု 11:24 Referencias Cruzadas

မဿဲ 12:35

ကောင်းသော​သူ​သည် ကောင်းသော​အရာများ​ကို ကောင်းသော​စိတ်နှလုံး​ဘဏ္ဍာတိုက်​အတွင်း​မှ ထုတ်ဖော်တတ်၏။ မကောင်းသော​သူ​သည်လည်း မကောင်းသော​အရာများ​ကို မကောင်းသော​စိတ်နှလုံး​ဘဏ္ဍာတိုက်​အတွင်း​မှ ထုတ်ဖော်တတ်၏။

မဿဲ 19:17

ယေရှု​က “ကောင်းမှု​နှင့်​ပတ်သက်၍ အဘယ်ကြောင့်​ငါ့​ကို မေးသနည်း။ ကောင်းမြတ်သော​အရှင် တစ်ပါးတည်း​သာ​ရှိ၏။ ထာဝရ​အသက်​ကို ရလို​လျှင် ပညတ်တော်များ​ကို လိုက်နာလော့” ဟု မိန့်တော်မူ၏။

လုကာ 23:50

ထို​အချိန်​တွင် ဖြောင့်မတ်​၍ သူတော်ကောင်း​ဖြစ်သော ယုဒပြည် အရိမဿဲမြို့သား ယောသပ်​ဟု ခေါ်သည့်​သူ​တစ်ဦး​ရှိ၏။ သူသည် တရားလွှတ်တော်​အဖွဲ့ဝင်​တစ်ဦး​ဖြစ်ပြီး

ရှင်ယောဟန် 7:12

လူထု အထဲ​တွင်လည်း ကိုယ်တော်​အကြောင်း​ကို အမျိုးမျိုး​တီးတိုး​ပြောဆို​လျက်​ရှိကြ၏။ တချို့​က “သူ​သည် သူတော်ကောင်း​တစ်ဦး​ဖြစ်သည်” ဟု ဆိုကြ၏။ တချို့​ကမူ “သူတော်ကောင်း မဟုတ်။ သူ​သည် လူထု​ကို လှည့်ဖြားသူ​ဖြစ်သည်” ဟု ဆိုကြ၏။

တမန်တော်ဝတ္ထု 11:21

သခင်ဘုရား​၏​တန်ခိုးတော်​သည် ထို​သူတို့​နှင့်အတူ ရှိ​သဖြင့် မြောက်မြားစွာသော​လူတို့​သည် ယုံကြည်လာကြပြီး သခင်ဘုရား​ထံသို့ ပြောင်းလဲလာကြ၏။

တမန်တော်ဝတ္ထု 2:4

ထို​သူတို့​အားလုံး​သည်လည်း သန့်ရှင်းသော​ဝိညာဉ်တော်​နှင့် ပြည့်ဝ​၍ ဝိညာဉ်တော်​ပေးသနားတော်မူသည့်​အစွမ်း​အတိုင်း အမျိုးမျိုးသော​ဘာသာစကားများ​ကို ဟောပြောကြ၏။

တမန်တော်ဝတ္ထု 2:47

ဘုရားသခင်​ကို ချီးမွမ်း​၍ လူအပေါင်းတို့​၏​ရှေ့တွင် မျက်နှာရကြ၏။ သခင်ဘုရား​သည် ကယ်တင်ခြင်း​ခံရသော​သူတို့​၏​အရေအတွက်​ကို နေ့စဉ်​နှင့်အမျှ တိုးပွားစေတော်မူ၏။

တမန်တော်ဝတ္ထု 24:16

ထို့ကြောင့် အကျွန်ုပ်​သည် ဘုရားသခင်​နှင့် လူ​အများ​ရှေ့​တွင် အစဉ်အမြဲ လိပ်ပြာသန့်​နိုင်ရန် ကြိုးစားပါ၏။

တမန်တော်ဝတ္ထု 5:14

ဘုရားသခင်​ကို​ယုံကြည်သော အမျိုးသား၊ အမျိုးသမီးတို့​၏​အရေအတွက်​သည် အလွန်​များပြားလာကြ၏။

တမန်တော်ဝတ္ထု 6:3

သို့ဖြစ်၍ ညီအစ်ကို​မောင်နှမတို့… ဝိညာဉ်တော်​နှင့်​လည်းကောင်း၊ ဉာဏ်ပညာ​နှင့်​လည်းကောင်း ပြည့်စုံ​၍ ဂုဏ်သတင်း​ကောင်းမွန်သော လူ​ခုနစ်ယောက်​ကို သင်တို့​အထဲ​က ရွေးချယ်ကြလော့။ ဤ​ကိစ္စ​ကို စီမံခန့်ခွဲ​နိုင်ရန် ကျွန်ုပ်တို့​သည် ထို​သူတို့​အား ခန့်အပ်ထားကြမည်။

တမန်တော်ဝတ္ထု 6:5

တမန်တော်တို့​ပြောသော​အရာများ​ကို ယုံကြည်သူများ​အားလုံး​သည် နှစ်သက်ကြ​လျက် ယုံကြည်ခြင်း​နှင့်​လည်းကောင်း၊ သန့်ရှင်းသော​ဝိညာဉ်တော်​နှင့်​လည်းကောင်း ပြည့်စုံသော​သတေဖန်​နှင့်တကွ ဖိလိပ္ပု၊ ပြောခေါ်၊ နိကနော်၊ တိမုန်၊ ပါမေန​နှင့် ဂျူးဘာသာဝင်​ဖြစ်လာသူ အန္တိအုတ်မြို့သား​နိကောလ​တို့​ကို ရွေးချယ်ကြ၏။

တမန်တော်ဝတ္ထု 6:8

သတေဖန်​သည် ကျေးဇူးတော်​နှင့်လည်းကောင်း၊ တန်ခိုးတော်​နှင့်လည်းကောင်း ပြည့်ဝ​လျက် ကြီးမားသော​အံ့ဖွယ်​ဖြစ်ရပ်များ​နှင့် နိမိတ်​လက္ခဏာများ​ကို လူများ​ရှေ့​တွင် ပြု၏။

တမန်တော်ဝတ္ထု 9:31

ထို့နောက် ယုဒပြည်၊ ဂါလိလဲပြည်​နှင့် ရှမာရိပြည်​တစ်လျှောက်​၌ အသင်းတော်​သည် ငြိမ်းချမ်း​၍ တည်တံ့ခိုင်မြဲ​လာ၏။ သခင်ဘုရား​ကို ကြောက်ရွံ့ခြင်း​နှင့် သန့်ရှင်းသော​ဝိညာဉ်တော်​၏​နှစ်သိမ့်အားပေးခြင်း​တို့​ဖြင့် ရှင်သန်​၍ အသင်းသား​အရေအတွက်​သည်လည်း တိုးပွားလာ၏။

ရော​မ 15:15

မည်သို့ပင်​ဖြစ်စေ အကြောင်းအရာ​တချို့​နှင့်​ပတ်သက်၍ သင်တို့​ကို သတိပေးရာ​တွင် ကျွန်ုပ်​သည် ဘုရားသခင်​ပေးသနားတော်မူသော အခွင့်ထူး​ကို ထောက်​၍ ရဲရင့်​စွာ ရေးလိုက်ပါ၏။

ရော​မ 5:7

ဖြောင့်မတ်သူ​အတွက် အသေခံမည့်သူ ရှိခဲ၏။ သူတော်ကောင်း​အတွက်​မူ အသေခံဝံ့သူ ရှိကောင်း​ရှိ​လိမ့်မည်။