ПСАЛТЫР 140 - Кнігі Святога Пісання - Біблія - Біблія — пераклад Чарняўскага (выданне 2017 года) Кнігі Святога Пісання - Біблія - Біблія — пераклад Чарняўскага (выданне 2017 года)
ПСАЛТЫР 140

¹ Кіраўніку хору. Псальм. Давідаў.

² Вырві мяне, Госпадзе, ад ліхога чалавека, сцеражы мяне ад гвалтаўніка.

³ Яны задумваюць у сэрцы ліхое, цэлы дзень узнімаюцца на бойкі.

⁴ Востраць языкі свае, як змяя, яд змяіны — у вуснах іх.

⁵ Усцеражы мяне, Госпадзе, ад рукі грэшніка, ухавай мяне ад гвалтаўніка.

⁶ Пыхліўцы хаваюць пятлю на мяне і шнуры расцягваюць, як сетку.

⁷ Кажу Госпаду: Ты мой Бог, Госпадзе, выслухай голас малення майго.

⁸ Госпадзе, Божа, магуцце збаўлення майго, Ты ўхавай галаву маю ў дзень бою.

⁹ Не спаўняй, Госпадзе, жадання бязбожніка і не выконвай намераў яго. Хай не падымаюць

¹⁰ галавы тыя, што акружаюць мяне, хай злоснасць іх вуснаў пакрые іх.

¹¹ Хай спадуць на іх вуглі агністыя, укінь іх у яму, і няхай не падымуцца.

¹² Балбатун хай не застанецца на зямлі, ліха апануе гвалтаўніка на пагібель.

¹³ Уведаў я, што Госпад учыніць суд над убогім і адпомсціць за беднага.