ПСАЛТЫР 121 - Кнігі Святога Пісання - Біблія - Біблія — пераклад Чарняўскага (выданне 2017 года) Кнігі Святога Пісання - Біблія - Біблія — пераклад Чарняўскага (выданне 2017 года)
ПСАЛТЫР 121

¹ Песня ўзыходжання. Падымаю свае вочы на горы: адкуль мае прыйсці мне дапамога?

² Дапамога мая ў Госпада, Які стварыў неба і зямлю.

³ Не дасць Ён пахіснуцца тваёй назе, не задрэмле Той, Хто пільнуе цябе.

⁴ Вось жа не задрэмле і не заспіць Той, Хто пільнуе Ізраэль.

⁵ Госпад пільнуе цябе, Госпад — шаты твае праваруч цябе.

⁶ Сонца не зашкодзіць табе днём, ані ноччу месяц.

⁷ Госпад будзе пільнаваць цябе ад усялякага ліха; пільнаваць будзе душу тваю Госпад.

⁸ Госпад будзе пільнаваць выхад твой і ўваход твой ад гэтага часу і навечна.