ПСАЛТЫР 120 - Кнігі Святога Пісання - Біблія - Біблія — пераклад Чарняўскага (выданне 2017 года)

1 Песня ўзыходжання.

¹ Песня ўзыходжання. Паколькі я ў бядзе, то паклікаў Госпада, і Ён выслухаў мяне.

² Божа, вызвалі душу маю ад вуснаў маны, ад языка падступнага.

³ Што яшчэ даць табе ці што яшчэ дадаць да цябе, язык падступны?

⁴ Вострыя стрэлы волата з вуглямі ядлаўцовымі.

⁵ Гора мне, што я чужы ў Масоку, пасяліўся ля палатак Кедара!

⁶ Доўга пражыла душа мая з тымі, што ненавідзяць супакой.

⁷ Я быў супакоетворцам; але калі прамаўляў, яны нападалі на мяне.