ЭКЛЕЗІЯСТА 9:1 - Біблія (пераклад В. Сёмухі)

Усё гэта ў сэрца я ўзяў, каб дазнацца, што праведнікі і грэшнікі і іх учынкі - у Божай руцэ і што чалавек ні любові ні злосьці ня знае ва ўсім, што перад ім.

Біблія (пераклад А.Бокуна)

Да ўсяго гэтага я прыклаў сэрца сваё, каб спасьцігнуць усё гэта, што праведныя і мудрыя, і ўчынкі іхнія — у руцэ Божай, і таксама любоў і нянавісьць. І чалавек ня ведае ўсяго таго, што перад ім.

Кнігі Святога Пісання - Біблія - Біблія — пераклад Чарняўскага (выданне 2017 года)

Усё гэта сабраў я ў сэрцы маім, каб дэталёва асэнсаваць, што справядлівыя і мудрыя і іх учынкі — у руцэ Божай. Што любоў, а што нянавісць, — чалавек зусім не ведае: усё — перад ім.

ЭКЛЕЗІЯСТА 9:1 Крыжаваныя спасылкі

ЁВА 12:10

У Ягонай руцэ душа ўсяго жывога і дух усякі чалавечай плоці.

ЁВА 27:12

Вось, усе вы і самыя бачылі; і навошта вы столькі пустасловіце?

ЁВА 5:8

Але я да Бога зьвярнуўся б, аддаў бы дзею маю Богу,

ПСАЛТЫР 31:5

Але Я адкрыў табе грэх мой і ня ўтоіў беззаконьня майго; я сказаў: «вызнаю Госпаду злачынствы мае»; і Ты зьняў зь мяне віну грэху майго.

ПСАЛТЫР 73:3

Падымі Твае ногі да вечных руінаў: усё вораг разбурыў у сьвятыні.

ВЫСЛОЎІ 16:3

Даручы Госпаду дзеі твае, і намеры твае зьдзейсьняцца.

ЭКЛЕЗІЯСТА 1:17

І паклаў я на сэрца помысел мой, каб мудрасьць уведаць, спасьцігнуць шаленства і неразумнасьць; спазнаў, што і гэта - пагоня за ветрам.

ЭКЛЕЗІЯСТА 10:14

Дурны шмат чаго нагаворыць, хоць ня ведае чалавек, што будзе, і хто скажа яму, што пасьля яго станецца?

ЭКЛЕЗІЯСТА 7:15

Нагледзеўся я ў дні марноты сваёй усялякага ўдосыць: справядлівы гіне ў сваёй справядлівасьці; бязбожны доўга жыве ў бязбожнасьці сваёй.

ЭКЛЕЗІЯСТА 7:25

І паклаў я на сэрца помысел мой, каб дазнацца, дасьледаваць, і знайсьці мудрасьць і розум, і каб ведаць бязбожнасьць дурноты, невуцтва і шаленства.

ЭКЛЕЗІЯСТА 8:14

Ёсьць на зямлі і такая марнота: праведнага спасьцігае тое, чаго заслугоўваюць дзеі бязбожных, а зь бязбожнымі чыніцца тое, чаго заслугоўваюць дзеі праведнікаў. І сказаў я: і гэта - марнасьць!

ЭКЛЕЗІЯСТА 8:16

Калі паклаў я на сэрца помысел мой, каб мудрасьць спазнаць і пабачыць справы, што робяцца на зямлі і сярод якіх чалавек ані ўдзень, ані ўночы спачыну ня мае:

ЭКЛЕЗІЯСТА 8:7

бо ня ведае ён, што будзе; і як яно будзе - хто скажа яму?

ЭКЛЕЗІЯСТА 9:6

і любоў іхняя, і нянавісьць іхняя, і зайздрасьць іхняя ўжо зьніклі, і няма болей учты ім вавекі ні ў чым, што пад сонцам робіцца.

ІСАІ 26:12

Госпадзе! Ты даруеш нам мір; бо ўсе дзеі нашыя Ты ўладжваеш нам.

ЕРАМІІ 43:6

мужоў і жонак і дзяцей, і дачок цара і ўсіх тых, каго Навузардан, начальнік целаахоўцаў, пакінуў з Гадоліем, сынам Ахікамавым, сына Сафанавага, і Ерамію прарока, і Варуха, сына Нірыінага;

ДРУГІ ЗАКОН 33:3

У ісьціне Ён любіць народ; усе прысьвечаныя Яго ў руцэ Тваёй, і яны прыпалі да ступакоў Тваіх, каб уважаць словам Тваім.

2 ЦІМАФЕЯ 1:12

З гэтай прычыны я і пакутую так; але не саромеюся. Бо я ведаю, у Каго ўвераваў, і ўпэўнены, што Ён мае сілу захаваць заруку маю на той дзень.

1 ПЯТРА 1:5

сілаю Божаю празь веру ахаваным на ратаваньне, якое гатова адкрыцца ў апошні час.

1 ЦАРСТВАЎ 2:9

Сьляды сьвятых Сваіх Ён захоўвае, а беззаконьнікі ў цемры зьнікаюць: бо ня сілаю моцны чалавек.