РЫМЛЯНАЎ 9:30 - Біблія (пераклад В. Сёмухі)

Што ж скажам? Што язычнікі, якія ня шукалі праведнасьці, атрымалі праведнасьць, праведнасьць ад веры;

Біблія (пераклад А.Бокуна)

Дык што скажам? Пагане, якія не імкнуліся да праведнасьці, атрымалі праведнасьць, праведнасьць праз веру.

Кнігі Святога Пісання - Біблія - Біблія — пераклад Чарняўскага (выданне 2017 года)

Дык што можам сказаць? Што пагане, якія не імкнуліся да справядлівасці, атрымалі справядлівасць, але справядлівасць, якая ёсць з веры.

РЫМЛЯНАЎ 9:30 Крыжаваныя спасылкі

ВЫСЛОЎІ 15:9

Агіда Госпаду - шях бязбожнага, а таго, хто ідзе шляхам праўды, Ён любіць.

ВЫСЛОЎІ 21:21

Хто трымаецца праўды і ласкі, знойдзе жыцьцё, праўду і славу.

ІСАІ 51:1

Паслухайце Мяне, хто імкнецца да праўды, хто шукае Госпада! Зірнеце на скалу, зь якой вы высечаны, і ў глыбіню рова, зь якога вас дасталі.

РЫМЛЯНАЎ 10:10

бо сэрцам вераць дзеля праведнасьці, а вуснамі вызнаюць на збавеньне.

РЫМЛЯНАЎ 10:20

А Ісая сьмела маўляе: «Мяне знайшлі тыя, хто ня шукаў Мяне, Я адкрыўся тым, хто ня пытаўся пра Мяне».

РЫМЛЯНАЎ 10:6

А праведнасьць ад веры так кажа: «не кажы ў сэрцы тваім: хто ўзыдзе на неба?» - каб Хрыста зьвесьці;

РЫМЛЯНАЎ 3:5

А калі нашая няпраўда выяўляе праўду Божую, дык што скажам? няўжо будзе Бог несправядлівы, калі паказвае гнеў? - кажу, па-чалавечы разважаючы.

РЫМЛЯНАЎ 4:11

І знак абразаньня ён атрымаў, як пячатку праведнасьці празь веру, якую меў у неабразаньні, так што ён стаўся бацькам усіх веруючых у неабразаньні, каб і ім залічылася праведнасьць,

РЫМЛЯНАЎ 4:13

Бо не законам дадзена Абрагаму, альбо семені ягонаму, абяцаньне - быць спадкаемцам сьвету, а праведнасьцю веры.

РЫМЛЯНАЎ 4:22

Таму і залічылася яму ў праведнасьць.

РЫМЛЯНАЎ 4:9

Дабрашчаснасьць гэтая датычыцца абразаньня, ці неабразаньня? Мы кажам, што Абрагаму вера залічылася ў праведнасьць.

РЫМЛЯНАЎ 5:1

Дык вось, апраўдаўшыся вераю, мы маем мір з Богам праз Госпада нашага Ісуса Хрыста,

РЫМЛЯНАЎ 9:14

Што ж скажам? Няўжо несправядлівасьць у Бога? Зусім не!

РЫМЛЯНАЎ 9:31

а Ізраіль, які шукаў закона праведнасьці, не дайшоў да закона праведнасьці.

ГАЛЯТАЎ 2:16

аднак жа, даведаўшыся, што чалавек апраўдваецца ня дзеямі закона, а толькі вераю ў Ісуса Хрыста, і мы ўверавалі ў Хрыста Ісуса, каб апраўдацца вераю ў Хрыста, а ня дзеямі закона; бо дзеямі закона не апраўдваецца ніякая плоць.

ГАЛЯТАЎ 3:24

Дык вось закон быў для нас павадыром да Хрыста, каб нам апраўдацца вераю;

ГАЛЯТАЎ 3:8

І Пісаньне, прадбачачы, што Бог вераю апраўдае язычнікаў, наперад узьвясьціла Абрагаму: «у табе дабраславяцца ўсе народы».

ГАЛЯТАЎ 5:5

а мы духам чакаем і спадзяёмся на праведнасьць ад веры;

ЭФЭСЯНАЎ 2:12

што вы былі ў той час бяз Хрыста, адсечаныя ад грамадзтва Ізраільскага, чужыя запаветам абяцаньня, ня мелі надзеі і былі бязбожнікі ў сьвеце;

ПІЛІПЯНАЎ 3:9

і знайсьці сябе ў Ім не з маёю праведнасьцю, якая ад закона, а з тою, якая празь веру ў Хрыста, з праведнасьцю ад Бога па веры;

1 ЦІМАФЕЯ 6:11

А ты, чалавеча Божы, пазьбягай гэтага, і шчасьліўся ў праўдзе, пабожнасьці, веры, любові, цярплівасьці, слухмянасьці;

ГАБРЭЯЎ 11:7

Вераю Ной, атрымаўшы абвешчаньне пра тое, што яшчэ ня было бачна, богабаязна збудаваў каўчэг на выратаваньне дому свайго; ёю асудзіў ён (увесь) сьвет і зрабіўся спадкаемцам праведнасьці па веры.

1 ПЯТРА 4:3

Бо досыць, што вы ў мінулым часе жыцьця чынілі волю язычніцкую, аддаючыся нечысьці, пажадзе (мужаложству, скаталожству, непатрэбным помыслам), п'янству, лішніцы ў ежы і пітве і недарэчнаму ідаласлужэньню;