1 ЯНА 3:1 - Біблія (пераклад В. Сёмухі)

Глядзеце, якую любоў даў нам Айцец, каб нам называцца і быць дзецьмі Божымі. Сьвет таму ня ведае нас, што не спазнаў Яго.

Біблія (пераклад А.Бокуна)

Глядзіце, якую любоў даў нам Айцец, каб нам называцца дзецьмі Божымі. Сьвет дзеля таго не пазнае вас, што не пазнаў Яго.

Кнігі Святога Пісання - Біблія - Біблія — пераклад Чарняўскага (выданне 2017 года)

Паглядзіце, якую любоў даў нам Айцец, каб мы называліся дзецьмі Божымі! Свет таму не ведае нас, што не пазнаў Яго.

1 ЯНА 3:1 Крыжаваныя спасылкі

2 ЦАРСТВАЎ 7:19

І гэтага яшчэ мала здалося ў вачах Тваіх, Госпадзе мой, Госпадзе; а Ты абвясьціў яшчэ пра дом раба Твайго наперад. Гэта ўжо па-чалавечы, Госпадзе мой, Госпадзе!

ЕРАМІІ 3:19

І казаў Я: як пастаўлю цябе ў лік дзяцей і дам табе жаданую зямлю, найпрыгажэйшую спадчыну мноства народаў? і сказаў: ты будзеш называць Мяне бацькам тваім і не адступішся ад Мяне.

АСІІ 1:10

Але будзе лік сыноў Ізраілевых як пясок марскі, якога нельга ні вымераць, ні палічыць; і там, дзе казалі ім: вы ня Мой народ, будуць казаць ім: вы сыны Бога жывога.

ЛУКАША 20:36

і памерці ўжо ня могуць, бо яны роўныя анёлам і ёсьць сыны Божыя, будучы сынамі ўваскрэсеньня;

ЯНА 1:12

а тым, якія прынялі Яго, веруючым у імя Ягонае, даў уладу быць дзецьмі Божымі,

ЯНА 11:52

і ня толькі за народ, а каб і расьсеяных дзяцей Божых сабраць усіх разам.

ЯНА 15:21

але ўсё тое зробяць вам за імя Маё, ня ведаюць бо Таго, Хто паслаў Мяне.

ЯНА 16:3

Так будуць рабіць, бо ня зьведалі ні Айца, ні Мяне.

ЯНА 17:25

Войча праведны! і сьвет Цябе не спазнаў; а Я спазнаў Цябе, і гэтыя спазналі, што Ты паслаў Мяне;

ЯНА 3:16

Бо так палюбіў Бог сьвет, што аддаў Сына Свайго Адзінароднага, каб кожны, хто верыць у Яго, не загінуў, а меў жыцьцё вечнае.

РЫМЛЯНАЎ 5:8

А Бог Сваю любоў даказвае нам тым, што, калі мы былі яшчэ грэшнікі, Хрыстос памёр за нас.

РЫМЛЯНАЎ 8:19

Бо стварэньне з надзеяй чакае сыноў Божых, -

РЫМЛЯНАЎ 8:21

што і само стварэньне вызвалена будзе з рабства тленьня ў свабоду славы дзяцей Божых.

РЫМЛЯНАЎ 8:32

Той, Хто Сына Свайго не пашкадаваў, а аддаў Яго за ўсіх нас, як зь Ім не даруе нам і ўсяго?

2 КАРЫНФЯНАЎ 6:18

і буду вам за Айца, і вы будзеце Маімі сынамі і дочкамі, кажа Гасподзь Усеўладны».

ГАЛЯТАЎ 3:26

Бо ўсе вы сыны Божыя па веры ў Хрыста Ісуса;

ГАЛЯТАЎ 3:29

Калі ж вы Хрыстовыя, дык вы нашчадкі Абарагамавыя, і паводле абяцаньня спадкаемцы.

ДРУГІ ЗАКОН 14:1

Вы - сыны Госпада, Бога вашага; не рабеце нарэзаў на целе вашым і не выстрыгайце валасоў над вачыма вашымі па нябожчыку;

КАЛАСЯНАЎ 3:3

Бо вы памерлі, і жыцьцё ваша схавана з Хрыстом у Богу;

1 ЯНА 3:10

Дзеці Божыя і дзеці д'яблавыя пазнаюцца так: кожны, хто ня чыніць праўды, ня ёсьць ад Бога, як і той, хто ня любіць брата свайго.

1 ЯНА 3:2

Любасныя! мы цяпер дзеці Божыя; але яшчэ ня выявілася, чым будзем. Ведаем толькі, што, калі выявіцца, будзем падобныя да Яго, бо ўгледзім Яго, як Ён ёсьць.

1 ЯНА 4:17

Любоў да той дасканаласьці дасягае ў нас, што мы маем адвагу ў дзень судны, бо ўчыняем у сьвеце гэтым, як Ён.

АДКРЫЦЦЁ 21:7

Пераможца спадкуе ўсё, і буду яму Богам, і ён будзе Мне сынам;