РУТ 1:1 - Біблія (пераклад А.Бокуна)

І было ў дні, калі судзілі судзьдзі, і быў голад на зямлі, і пайшоў чалавек з Бэтлеему Юдэйскага жыць на палях Мааву, ён, і жонка ягоная, і два сыны ягоныя.

Біблія (пераклад В. Сёмухі)

У тыя дні, калі кіравалі судзьдзі, стаўся голад на зямлі. І пайшоў адзін чалавек зь Віфляема Юдэйскага з сваёю жонкаю і двума сынамі жыць на палях Маавіцкіх.

Кнігі Святога Пісання - Біблія - Біблія — пераклад Чарняўскага (выданне 2017 года)

У часы, калі судзілі суддзі, запанаваў голад на зямлі. І адзін чалавек з Бэтлехэма Юдэйскага пайшоў з жонка? сваёй і двума сынамі, каб пасяліцца ў зямлі Мааб.

РУТ 1:1 Крыжаваныя спасылкі

БЫЦЦЁ 12:10

І стаўся голад у той зямлі. І зыйшоў Абрам у Эгіпет, каб пажыць там, бо вялікі голад быў у той зямлі.

БЫЦЦЁ 26:1

I быў голад у зямлі той, ня лічачы першага голаду, які быў у дні Абрагама. І пайшоў Ісаак да Абімэлеха, валадара Філістынскага, у Герар.

БЫЦЦЁ 43:1

А голад цяжэў на зямлі.

2 ЦАРСТВАЎ 21:1

І стаўся голад у дні Давіда тры гады, год за годам. І раіўся Давід перад абліччам ГОСПАДА, і ГОСПАД сказаў: «На Саўле і на доме ягоным [цяжэе] кроў, бо ён забіў Гібэонцаў».

3 ЦАРСТВАЎ 18:2

І пайшоў Ільля, каб зьявіцца Ахаву. А ў Самарыі [быў] моцны голад.

1 ЛЕТАПІСАЎ 2:51

Сальма, бацька Бэтлеема, Харэф, бацька Бэт-Гадэра.

1 ЛЕТАПІСАЎ 2:54

Сыны Сальмы: Бэтлеем і Нэтафацяне, Атрот, Бэт-Ёваў і палова Мэнахцічаў, і Царане.

ПСАЛТЫР 105:16

I паклікаў Ён голад на зямлю, усякую падпору хлеба зламаў,

ПСАЛТЫР 107:34

і ўрадлівую зямлю — у салёную, за ліхоту тых, што жывуць на ёй.

ЕРАМІІ 14:1

Слова ГОСПАДА, якое было да Ярэміі ў справе засухі:

ЕЗЭКІІЛЯ 14:13

«Сыне чалавечы, калі якая зямля саграшыць супраць Мяне нявернасьцю, Я выцягну руку Маю супраць яе і зламлю падпору хлеба, і спашлю на яе голад, і вынішчу на ёй чалавека і быдла.

ЕЗЭКІІЛЯ 14:21

Бо гэта кажа Госпад ГОСПАД: “Нават калі Я прывяду на Ерусалім гэтыя чатыры зьнішчальныя плягі Мае: меч, голад, дзікіх зьвяроў і заразу, каб зьнішчыць у ім чалавека і быдла,

ЛЯВІТ 26:19

і зьнішчу пыхлівасьць сілы вашай, і зраблю для вас неба як жалеза, а зямлю — як медзь.

АМОСА 4:6

І Я даў вам чысьціню зубоў у-ва ўсіх гарадах вашых і нястачу хлеба ў-ва ўсіх месцах вашых; але вы не навярнуліся да Мяне, кажа ГОСПАД.

МІХЕЯ 5:2

Ты, Бэтлеем-Эфрата, — найменшы сярод тысячаў Юды, з цябе выйдзе для Мяне Той, Які будзе Правадыром у Ізраілі, Які паходзіць здаўна, ад дзён старадаўніх.

ДРУГІ ЗАКОН 28:38

Насеньня шмат кінеш у поле, а зьбярэш мала, бо саранча паесьць яго.

СУДЗЬДЗЯЎ 12:8

Пасьля яго судзіў Ізраіля Ібцан з Бэтлеему.

СУДЗЬДЗЯЎ 17:7

Быў адзін юнак у Бэтлееме Юдэйскім у пакаленьні Юды, а быў ён лявіт і жыў там як прыхадзень.

СУДЗЬДЗЯЎ 17:8

І чалавек той пакінуў горад Бэтлеем Юдэйскі, і пайшоў вандраваць дзе прыдзецца. І вандруючы, дайшоў ён аж да гары Эфраіма ў дом Міхі.