СУДЗЬДЗЯЎ 21:25 - Біблія (пераклад А.Бокуна)

²⁵ У тыя дні не было валадара ў Ізраілі, і кожны рабіў тое, што было слушна ў вачах ягоных.

Біблія (пераклад В. Сёмухі)

²⁵ У тыя дні ня было цара ў Ізраіля; кожны рабіў тое, што яму здавалася правільным.

Кнігі Святога Пісання - Біблія - Біблія — пераклад Чарняўскага (выданне 2017 года)

²⁵ У тыя дні не было цара ў Ізраэлі, але кожны, што яму здавалася слушным, тое і рабіў.

СУДЗЬДЗЯЎ 21:25 Крыжаваныя спасылкі

ПСАЛТЫР 12:4

Няхай адсячэ ГОСПАД усе вусны лісьлівыя, язык, што дзёрзка прамаўляе,

ВЫСЛОЎІ 14:12

Ёсьць шлях, які слушны ў вачах чалавека, але канец яго — шляхі сьмерці.

ВЫСЛОЎІ 3:5

Спадзявайся на ГОСПАДА ўсім сэрцам тваім і не абапірайся на розум твой.

ЭКЛЕЗІЯСТА 11:9

Радуйся, юнача, у маладосьці сваёй, і няхай сэрцу твайму будзе добра ў дні юнацтва твайго, і хадзі шляхамі сэрца твайго і паводле таго, што бачаць вочы твае, і ведай, што за ўсё гэта Бог прывядзе цябе на суд.

ІСАІ 53:6

Усе мы як авечкі заблукалі, кожны з нас зьвярнуў на шлях свой, і ГОСПАД узлажыў на Яго беззаконьне ўсіх нас.

ІСАІ 66:3

[Ёсьць такі,] што забівае ў ахвяру вала і забівае чалавека; ахвяроўвае барана і скручвае галаву сабаку, складае ахвяру хлебную і ўжывае кроў сьвіньні, паліць кадзіла і шануе ідала. Як яны выбралі шляхі свае, і душа іхняя ўпадабала брыдоту,

ДРУГІ ЗАКОН 12:8

Ня будзеце там рабіць таго, што мы тут робім сёньня, калі кожны [робіць] усё, што слушнае ў вачах ягоных,

СУДЗЬДЗЯЎ 17:6

У тыя дні не было валадара ў Ізраілі, і кожны рабіў тое, што было слушным у вачах ягоных.

СУДЗЬДЗЯЎ 18:1

У той час не было валадара ў Ізраілі, а калена Дана шукала сабе зямлі ў спадчыну, бо аж да гэтага дня не была выдзелена ім спадчына сярод каленаў Ізраіля.

СУДЗЬДЗЯЎ 18:7

І пайшлі тыя пяць чалавек, і прыбылі ў Ляіш, і ўбачылі народ, які жыве без аніякага страху па звычаю Сідонцаў, у бясьпецы і ў супакоі, бо не было нікога, хто нападаў бы на зямлю іхнюю. І Сідонцы былі ад іх далёка, і ня мелі яны ніякіх справаў з Асурам.

СУДЗЬДЗЯЎ 19:1

У тыя дні не было валадара ў Ізраілі. І быў нейкі лявіт, які як прыхадзень [жыў] на ўзбоччы гары Эфраіма. І меў ён наложніцу з Бэтлеему Юдэйскага.

СУДЗЬДЗЯЎ 21:24

І сыны Ізраіля вярнуліся адтуль кожны да калена свайго і да сям'і сваёй, і пайшлі кожны ў спадчыну сваю.