2 ЛЕТАПІСАЎ 12:15 - Біблія (пераклад А.Бокуна)

І дзеяньні Рэхабаама, першыя і апошнія, вось, яны запісаныя ў дзеях Шэмаі прарока і Іддо відушчага ў сьпісах радаводных. І [былі] войны ў Рэхабаама з Ерабаамам усе дні.

Біблія (пераклад В. Сёмухі)

Дзеі Раваамавыя, першыя і апошнія, апісаны ў запісах Самэя прарока і Ады празорліўца пры радаводах. І былі войны ў Раваама зь Ераваамам ва ўсе дні.

Кнігі Святога Пісання - Біблія - Біблія — пераклад Чарняўскага (выданне 2017 года)

А дзеянні Рабаама першыя і апошнія, апісаны ў Словах прарока Сямэі і Адо прадракальніка, а таксама радаводы і войны, якія ўзніклі між Рабаамам і Ерабаамам за ўвесь час.

2 ЛЕТАПІСАЎ 12:15 Крыжаваныя спасылкі

3 ЦАРСТВАЎ 12:22

І было слова Божае да Шэмаі, чалавека Божага, кажучы:

1 ЛЕТАПІСАЎ 29:29

І справы Давіда валадара, першыя і апошнія, вось, яны запісаныя ў летапісах Самуэля, відушчага, і ў летапісах Натана, прарока, і ў летапісах Гада, відушчага,

2 ЛЕТАПІСАЎ 11:2

І было слова ГОСПАДА да Шэмаі, чалавека Божага, кажучы:

2 ЛЕТАПІСАЎ 12:5

І Шэмая прарок прыйшоў да Рэхабаама і князёў Юды, якія сабраліся ў Ерусаліме, [уцякаючы] перад абліччам Шышака, і сказаў ім: «Гэта кажа ГОСПАД. Вы пакінулі Мяне, і таму Я пакіну вас у руцэ Шышака».

2 ЛЕТАПІСАЎ 13:1

У васямнаццатым годзе валадара Ерабаама заваладарыў Абія над Юдаю.

2 ЛЕТАПІСАЎ 13:2

Тры гады ён валадарыў у Ерусаліме; імя маці ягонай — Міхая, дачка Урыэля з Гівы. І была вайна паміж Абіям і Ерабаамам.

2 ЛЕТАПІСАЎ 13:22

А рэшта дзеяньняў Абіі, і шляхі ягоныя, і словы ягоныя запісаныя ў гісторыі прарока Іддо.

2 ЛЕТАПІСАЎ 16:11

І вось дзеяньні Асы, першыя і апошнія, і вось, яны запісаныя ў Кнізе валадароў Юды і Ізраілю.

2 ЛЕТАПІСАЎ 20:34

А рэшта дзеяньняў Язафата, першыя і апошнія, вось, яны запісаныя ў дзеях Егу, сына Ханані, якая далучана да Кнігі валадароў Ізраіля.

2 ЛЕТАПІСАЎ 28:26

А іншыя дзеяньні ягоныя і ўсе ўчынкі ягоныя, першыя і апошнія, вось, яны запісаныя ў Кнізе валадароў Юды і Ізраілю.

2 ЛЕТАПІСАЎ 35:27

і дзеяньні ягоныя, першыя і апошнія, запісаныя ў Кнізе валадароў Ізраіля і Юды.

2 ЛЕТАПІСАЎ 9:29

А рэшта дзеяньняў Салямона, першых і апошніх, вось, яны запісаныя ў дзеях Натана прарока, і ў прароцтве Ахіі з Шыло, і ў відзежах Іддо відушчага пра Ерабаама, сына Навата.