ГАБРЭЯЎ 10:38 - Біблія (пераклад В. Сёмухі)

Праведны вераю жыць будзе; а калі хто завагаецца, ня хінецца да таго душа Мая».

Біблія (пераклад А.Бокуна)

«А праведны з веры жыць будзе»; і: «Калі хто будзе хістацца, не ўпадабае яго душа Мая».

Кнігі Святога Пісання - Біблія - Біблія — пераклад Чарняўскага (выданне 2017 года)

Бо “справядлівы з веры жыве; калі б хто хістаўся, не спагадная да таго душа Мая”.

ГАБРЭЯЎ 10:38 Крыжаваныя спасылкі

2 ЦАРСТВАЎ 22:22

Бо я захоўваў шляхі Госпада і ня быў грэшны прад Богам маім,

ПСАЛТЫР 149:4

бо дабраволіць Гасподзь народу Свайму, праслаўляе пакорных ратункам.

ПСАЛТЫР 5:4

Госпадзе! раніцай голас пачуй мой, - раніцай стану прад Табою і буду чакаць.

ПСАЛТЫР 85:8

Няма, Госпадзе, паміж багамі такога, як Ты, і дзеяў няма, як Твае.

ІСАІ 42:1

Вось, Юнак мой, Якога Я трымаю за руку, выбраны Мой, Якому спрыяе душа Мая. Пакладу дух Мой на Яго, і абвесьціць народам суд;

ЕЗЭКІІЛЯ 18:24

І праведнік, калі адступіцца ад праўды сваёй і будзе паводзіцца няправедна, будзе рабіць усе тыя мярзоты, якія робіць беззаконьнік, ці будзе ён жывы? усе добрыя ўчынкі ягоныя, якія ён рабіў, не папомняцца; за беззаконьне сваё, якое робіць, і за грахі свае, у якіх грэшны, ён памрэ.

ЕЗЭКІІЛЯ 3:20

І калі праведнік адступіцца ад справядлівасьці сваёй і ўчыніць крыўду, калі Я пакладу перад ім спатыкненьне, і ён памрэ, дык калі ты не наводзіў яго на розум, ён памрэ за грэх свой, і не згадаюцца яму справядлівыя ўчынкі ягоныя, якія рабіў ён; і Я зышчу кроў яго з рук тваіх.

ЕЗЭКІІЛЯ 33:13

Калі Я скажу праведніку, што ён будзе жывы, а ён паспадзяецца на сваю праведнасьць і ўчыніць няпраўду, дык усе праведныя ўчынкі яго не ўзгадаюцца, - і ён памрэ ад няпраўды сваёй, якую ўчыніў.

АБАКУМА 2:4

Вось, душа пагардлівая не супакоіцца, а праведны сваёю вераю жывы будзе.

САФОНА 1:6

і тых, якія адступіліся ад Госпада, ня шукалі Госпада і ня пыталіся пра Яго.

МАЛАХІІ 1:10

Лепей хто-небудзь з вас замкнуў бы дзьверы, каб дарма ня трымалі агню на ахвярніку Маім. Няма Майго ўпадабаньня да вас, кажа Гасподзь Саваоф, і прынашэньні з рук вашых не да спадобы Мне.

МАЦЬВЕЯ 12:18

«Вось, Юнак Мой, Якога Я выбраў; Любасны Мой, Якога ўпадабала душа Мая. Ускладу Духа Майго на Яго і Ён суд народам абвесьціць;

МАЦЬВЕЯ 13:21

але ня мае кораня ў сабе і нясталы: калі настане ўціск альбо ганеньне за слова, адразу спакушаецца.

РЫМЛЯНАЎ 1:17

Бо ў ім адкрываецца праўда Божая ад веры ў веру, як напісана: «праведны вераю жыць будзе».

ГАЛЯТАЎ 3:11

А што законам ніхто не апраўдваецца перад Богам, гэта ясна, бо «праведны вераю жыць будзе».

1 ФЕСАЛОНІКІЙЦАЎ 2:15

якія забілі і Госпада Ісуса і Ягоных прарокаў, і нас выгналі, і Богу ня годзяць, і ўсім людзям супрацівяцца,

ГАБРЭЯЎ 10:39

А мы ня з тых, што вагаюцца на пагібель, а стаім у веры на ратунак душы.

ЯКАВА 5:6

Вы засудзілі, забілі Праведніка: Ён не супрацівіўся вам.

1 ЯНА 2:19

Яны выйшлі ад нас, але ня былі нашыя; бо, калі б яны былі нашыя, дык засталіся б з намі; але яны выйшлі, і праз гэта адкрылася, што ня ўсе нашыя.