ГАБРЭЯЎ 10:38 - Біблія (пераклад А.Бокуна)

³⁸ «А праведны з веры жыць будзе»; і: «Калі хто будзе хістацца, не ўпадабае яго душа Мая».

Біблія (пераклад В. Сёмухі)

³⁸ Праведны вераю жыць будзе; а калі хто завагаецца, ня хінецца да таго душа Мая».

Кнігі Святога Пісання - Біблія - Біблія — пераклад Чарняўскага (выданне 2017 года)

³⁸ Бо “справядлівы з веры жыве; калі б хто хістаўся, не спагадная да таго душа Мая”.

ГАБРЭЯЎ 10:38 Крыжаваныя спасылкі

2 ЦАРСТВАЎ 22:22

бо я захоўваў шляхі ГОС­ПАДА, і не адступаў бязбожна ад Бога майго.

ПСАЛТЫР 147:11

але даспадобы ГОСПАДУ тыя, што баяцца Яго, што спадзяюцца на міласэрнасьць Ягоную.

ПСАЛТЫР 149:4

Бо даспадобы ГОСПАДУ народ Ягоны; уцісканым Ён зьявіць збаўленьне.

ПСАЛТЫР 5:4

ГОСПАДЗЕ, раніцаю пачуй голас мой; на досьвітку стану перад Табою і буду ўглядацца.

ПСАЛТЫР 85:8

Дай нам убачыць, ГОСПАДЗЕ, міласэрнасьць Тваю, і збаўленьне Тваё дай нам!

ІСАІ 42:1

Вось, Слуга Мой, Якога Я трымаю, выбраны Мой, у Якім мае ўпадабаньне душа Мая. Я ўсклаў Дух Мой на Яго, і Ён дасьць суд народам.

ЕЗЭКІІЛЯ 18:24

Калі праведнік адвернецца ад праведнасьці сваёй і ўчыніць злачынства, падобнае да ўсіх брыдотаў, якія робіць бязбожнік, ці ж будзе ён жыць? Уся праведнасьць ягоная, якую чыніў, ня будзе залічаная яму. У нявернасьці сваёй, якой быў няверным [Мне], і ў грэху сваім, якім саграшыў, памрэ.

ЕЗЭКІІЛЯ 3:20

Калі праведнік адступіць ад праведнасьці сваёй і ўчыніць грэх, Я дам спатыкненьне перад абліччам ягоным, і ён памрэ, бо ты не перасьцярог яго. За грэх свой ён памрэ, і праведнасьць, якую ён рабіў, ня будзе ўзгадана, але кроў ягоную Я буду шукаць на руках тваіх.

ЕЗЭКІІЛЯ 33:13

Калі Я скажу праведніку: “Жывучы, будзеш жыць!”, і ён паспадзяецца на праведнасьць сваю, і ўчыніць злачынства, уся праведнасьць праведнасьці ягонай ня будзе ўзгадана, і за злачынства сваё, якое ён учыніў, ён памрэ.

АБАКУМА 2:4

Вось, у ганарыстага няшчырая душа ягоная ў ім, а праведны з веры сваёй жыць будзе.

САФОНА 1:6

і тых, якія адступілі ад ГОСПАДА, і тых, якія не шукалі ГОСПАДА і не зьвярталіся да Яго.

МАЛАХІІ 1:10

Няхай нехта з вас замкне дзьверы [сьвятыні], і не распальвайце ахвярнік Мой надарэмна. Я ня маю ўпадабаньня да вас, кажа ГОСПАД Магуцьцяў, і не прыйму дару з рукі вашай.

МАЦЬВЕЯ 12:18

«Вось, Юнак Мой, Якога Я выбраў, Улюбёны Мой, у Якім мае ўпадабаньне душа Мая. Ускладу Дух Мой на Яго, і Ён абвесьціць народам суд.

МАЦЬВЕЯ 13:21

але ня мае ў сабе кораня і нетрывалы: калі надыходзіць прыгнёт ці перасьлед дзеля слова, адразу горшыцца.

РЫМЛЯНАЎ 1:17

Бо ў ім адкрываецца праведнасьць Божая ад веры ў веру, як напісана: «А праведны з веры жыць будзе».

ГАЛЯТАЎ 3:11

А што Законам ніхто не апраўдаецца перад Богам, зразумела, бо: «Праведны з веры жыць будзе».

1 ФЕСАЛОНІКІЙЦАЎ 2:15

якія і Госпада Ісуса забілі, і сваіх прарокаў, і нас павыганялі, і Богу не падабаюцца, і ўсім людзям супрацівяцца,

ГАБРЭЯЎ 10:39

Мы ж ня хісткія на загубу, але [стаім] у веры на здабыцьцё душы.

ЯКАВА 5:6

Вы асудзілі, забілі Праведнага; Ён не супрацьстаў вам.

1 ЯНА 2:19

Яны выйшлі ад нас, але не былі ад нас; бо, калі б яны былі ад нас, засталіся б з намі; але [выйшлі], каб выявілася, што ня ўсе ад нас.