UNehemiya 8:18 - IsiZulu 2020

¹⁸ Nsuku zonke, kusukela osukwini lokuqala lomkhosi kuze kube ngolokugcina, wayefunda encwadini yomthetho kaNkulunkulu. Bawugubha izinsuku eziyisikhombisa, kwathi ngosuku lwesishiyagalombili bahlangana, ukuze bawuvale ngesizotha umkhosi njengoba kubekwe emthethweni.

IBHAYIBHELI ELINGCWELE

¹⁸ Wafunda encwadini yomthetho kaNkulunkulu imihla ngemihla kusukela osukwini lokuqala kuze kube lusuku lokugcina. Bagubha umkhosi izinsuku eziyisikhombisa; ngosuku lwesishiyagalombili kwakungumhlangano ozothileyo njengomthetho.

Contemporary Zulu Bible 2024

¹⁸ Wafunda encwadini yomthetho kaNkulunkulu imihla ngemihla, kusukela osukwini lokuqala kwaze kwaba osukwini lokugcina. Bawenza umkhosi izinsuku eziyisikhombisa; kwathi ngosuku lwesishiyagalombili kwaba khona idili njengomthetho.

UNehemiya 8:18 Jak'a apnaqawi uñst'ayäwi

UNehemiya 8:2

Kwakulusuku lokuqala lwenyanga yesikhombisa. U-Ezra, umphristi, wayiletha incwadi yomthetho phambi kwebandla, abesilisa, nabesifazane nabo bonke ababezwa, baqonde.

UNehemiya 8:3

Wafunda kuyo ebheke ngaseshashalazini elalingaphambi kweSango Lamanzi. Waqala entathakusa kwaze kwaba semini, phambi kwabesilisa nabesifazane nalabo abasebenokuqonda.

ULevitikusi 23:36

Izinsuku eziyisikhombisa niyakunikela ngomnikelo womlilo kuSimakade. Ngosuku lwesishiyagalombili nibe nomhlangano ongcwele, niyonikela ngomnikelo womlilo kuSimakade, ngumhlangano ohloniphekileyo; aniyukwenza msebenzi.

ULevitikusi 23:41

Niyakuwugubha uMkhosi kaSimakade izinsuku eziyikhombisa ngonyaka, lokhu kuyisimiso esiphakade ezizukulwaneni zenu; niyakuwugubha ngenyanga yesikhombisa.

UNumeri 29:35

“ ‘Ngosuku lwesishiyagalombili niyoba nombuthano ozothileyo; aniyukwenza msebenzi,

Johane 7:37

Kepha ngosuku lomkhosi lokugcina, uJesu wasukuma wamemeza, wathi: “Uma kukhona owomileyo, makeze kimi, aphuze.