2 Samuweli 19:8 - IsiZulu 2020

⁸ Inkosi yayisisuka-ke, yahlala esangweni. Bonke abantu bezwa kuthiwa: “Ake nibheke, inkosi ihleli esangweni.” Bonke abantu beza enkosini, kepha abakwa-Israyeli base bebalekile, yilowo nalowo ebalekele ethendeni lakhe.

IBHAYIBHELI ELINGCWELE

⁸ Yayisisuka inkosi, yahlala esangweni. Kwathiwa kubo bonke abantu: “Bhekani, inkosi ihlezi esangweni.” Base befika abantu bonke phambi kwenkosi. Kepha abakwa-Israyeli babebalekele, kwaba yilowo nalowo etendeni lakhe.

Contemporary Zulu Bible 2024

⁸ Inkosi yayisisukuma, yahlala esangweni; Babikelwa bonke abantu, bathi: “Bhekani, inkosi ihlezi esangweni.” Bonke abantu beza phambi kwenkosi, ngokuba u-Israyeli wayesebalekile, kwaba yilowo nalowo etendeni lakhe.

2 Samuweli 19:8 Jak'a apnaqawi uñst'ayäwi

2 Samuweli 15:2

U-Absalomu wayevuka ekuseni, ame eceleni kwendlela eya esangweni. Kwakuthi uma kwedlula umuntu onecala eya enkosini ukuze linqunywe, u-Absalomu ambize, athi kuye: “Uvela kumuphi umuzi na?” Umuntu aphendule athi: “Inceku yakho ingowesinye sezizwana zakwa-Israyeli.”

2 Samuweli 18:17

Bamthatha u-Absalomu, bamlahla emgodini omkhulu ehlathini, babeka phezu kwakhe inqwaba yamatshe enkulu kakhulu; bonke abakwa-Israyeli, yilowo nalowo, wabalekela ethendeni lakhe.

2 Samuweli 18:24

UDavide wayehlezi phakathi kwamasango, elingaphakathi nelingaphandle; umlindi wakhuphukela ophahleni lwesango ngasogangeni lomuzi, waphakamisa amehlo akhe, wabona umuntu egijima yedwa.

2 Samuweli 18:4

Inkosi yayisithi kubo: “Ngizokwenza lokho enikubona kufanele.” Ngakho-ke inkosi yema ngaseceleni kwesango, wonke amabutho aphuma ngamakhulu nangezinkulungwane.

2 Samuweli 19:3

Abantu bangena benyenya emzini ngalolo lusuku kungathi banamahloni, ngoba bebalekela impi.

1 AmaKhosi 22:36

Selishonile ilanga, kwedluliswa enkanjini isimemezelo sokuthi: “Yilowo nalowo makabuyele emzini wakubo, ezweni lakubo.”

2 AmaKhosi 14:12

UJuda wanqotshwa ngu-Israyeli; babaleka, kwaba yilowo nalowo waya ethendeni lakhe.

2 AmaKhosi 8:21

UJoramu wawelela eSayiri nazo zonke izinqola zakhe. Waphuma ebusuku, wabhubhisa abakwa-Edomi ababemzungeze nhlangothi zonke, nezinduna zezinqola. Kepha abantu babalekela emathendeni abo.

1 Samuweli 4:10

AmaFilisti alwa, u-Israyeli wanqotshwa, wabaleka, kwaba yilowo nalowo waqonda ethendeni lakhe. Kwaba ngukwehlulwa okukhulu kakhulu, kwasala enkundleni abakwa-Israyeli abayizi-30 000 abayimigundatshani.