Rut 3:3 - Qullan Arunaka DC

³ Jichhasti akham luram: Jariqt'asim, suma q'apkir qullanakamp jawirt'asim, sumïr isimamp isthapt'asirakim, ukatsti, kawkhantix Booz chachax cebada khuysuski uka chiqar saram. Ukampis Booz chachampix janiw uñt'ayasïtati janïr manq'aña, umaña tukuykipanxa.

Aymar Bibliia 1986

³ Jumasti jichhajj aqham luram: Jarekasiwayam, suma k'aphinacamp uchasiwayasa, uqhamarac sum isthapt'asiwayam, ucatsti janiw Booz chachampejj uñt'ayasïtati janïr mank'aña, umaña tucuyquipana.

Qullan Arunaca

³ Jumasti jichhajj aqham luram: Jarekasiwayam, suma k'aphinacamp uchasiwayasa, uqhamarac sum isthapt'asiwayam, ucatsti janiw Booz chachampejj uñt'ayasïtati janïr mank'aña, umaña tucuyquipana.

Rut 3:3 Jak'a apnaqawi uñst'ayäwi

2 Samuel 12:20

Ukspachaw Davidax uraqit sartäna, jariqasisinsti, suma q'apkir qullampiw jawsusïna, yaqha isimpiw uchasirakïna. Ukatsti Tatitun utapar mantasin jupat mayisïna. Utapar kuttasinsti manq'a mayïna ukat manq'arakïna.

2 Samuel 14:2

ukhamasti, Tecoa markat mä sallqjir warmi irptayanïna. Ukat jupar sarakïna: “Jumax wali llakt'atäkasmas ukhamaw tuküta, llaki isimpi uchasim; janiw kuna q'apkir qullanaksa uskusïtati, walja urunak ukham llakit sarnaqkasma, wawamas jiwkaspa ukhamaw tuküta.

Ester (hebreo) 5:1

Kimsa urutsti Esterax reina kankañ isipamp isthapt'ataw reyin utapar mantäna. Ukatsti, reyin punku uñkatasi qunuñapan qunt'atäkäna uka nayraqataruw sayt'asïna.

Salmos 104:15

ch'amanchir t'ant'a jikxatañapataki, chuymapar kusisiyir vino apsusiñapataki, ajanupas aceitjam lliphipiñapataki.

Eclesiastés 9:8

Janq'u isimpipun isthapisim; p'iqimarus q'apkir qullanakampipun uchasim.

Ezequiel 16:9

Nayasti jumarux jariqsmawa, janchimat wila pichararaksma, suma q'apkir qullanakampiw jawsuraksma;

Mateo 6:17

Kunapachatix jumax ayunkät ukkhax, ajanum jariqasim, ñik'utamsa sum askicht'asim,

Rut 3:2

Ist'am, Booz wila masisax cebada khuysuriw yapupar jichha arumax sarani, kawkhantix jumax cebada puyanak uywatanakapamp apthapkäyätas uka chiqaru.

Rut 3:4

Ukatsti, kawkharutix ikintkani uk sum uñch'ukïta. Ikjatäxani ukapachasti, jupan jak'aparuw ikkatäta. Ukhamat jupax yatini, jupamp arxatayasiñ mayitamxa, ukatsti jupaw kunatix lurañamax wakiskani uk saskätam —sasa.