Rut 3:3 - Qullan Arunaca

³ Jumasti jichhajj aqham luram: Jarekasiwayam, suma k'aphinacamp uchasiwayasa, uqhamarac sum isthapt'asiwayam, ucatsti janiw Booz chachampejj uñt'ayasïtati janïr mank'aña, umaña tucuyquipana.

Aymar Bibliia 1986

³ Jumasti jichhajj aqham luram: Jarekasiwayam, suma k'aphinacamp uchasiwayasa, uqhamarac sum isthapt'asiwayam, ucatsti janiw Booz chachampejj uñt'ayasïtati janïr mank'aña, umaña tucuyquipana.

Qullan Arunaka DC

³ Jichhasti akham luram: Jariqt'asim, suma q'apkir qullanakamp jawirt'asim, sumïr isimamp isthapt'asirakim, ukatsti, kawkhantix Booz chachax cebada khuysuski uka chiqar saram. Ukampis Booz chachampix janiw uñt'ayasïtati janïr manq'aña, umaña tukuykipanxa.

Rut 3:3 Jak'a apnaqawi uñst'ayäwi

2 Samuel 12:20

Ucapachaw Davidajj oraket sartjjäna, jarekasisinsti, suma k'apquiri kollanacampiw jawsusïna, isinacapsa trocasiraquïna, ucatsti temploruw mantawayi Tatituru yupaychañataqui. Ucatsti utaparuw sarjjäna, mank'a mayisisin mank'asiraquïnwa.

2 Samuel 14:2

Uqhamasti Tecoa marcatjja mä wali ch'iqhi warmi irptayanïna. Ucat saraquïna: “Jumajj llaquinccasmasa uqhamaw tucüta, luto isimpi isthapisiwayam; janiraqui cuna k'apquir kollanacsa uscusimti, jan ucasti walja urunaca uqham llaquita sarnakcasma uqhamaw tucüta, mayni jakes jiwcaspa uqhama.

Ester (hebreo) 5:1

Ucat quimsa uru pasatatsti Ester warmejj palacio saraña suma isipa ucht'asisawa mantäna palacio patio mankheru. Ucatsti sayt'asinwa reyejj cawqha utantejj tronopana kont'atäcäna uca nayrakataru ucasti puncu nayräjjancänwa.

Salmos 104:15

ch'amanchir t'ant'a jicjjatañapataqui, chuymapar cusisiyir vino apsusiñapataqui, ajanupar lliphipiyir aceite jicjjatañapataqui.

Eclesiastés 9:8

Jank'o isimpipuni isthapisim; p'ekemarusa k'apquir kollanacampi uchasipunim.

Ezequiel 16:9

Nayasti jumarojj jareksmawa, wilamsa pichararacsmawa, suma k'apquiri kollanacampiw jawsuracsma.

Mateo 6:17

Cunapachatejj jumajj ayuncät ucqhajj ajanum jarekasim, ñic'utamsti sumrac asquicht'asim,

Rut 3:2

Ist'am, Booz familiasajj jichha arumajj saraniwa cebada qhuysuri, cawqhantï jumajj uywatanacapampi irnakcäyätajj uca chekana.

Rut 3:4

Ucatsti sum uñch'uquïta cawqharutï iquintcani uca. Ucat saram, cayunacapat janaram, ucatsti ucqharu ict'am. Jupaw sascätam cuna lurañamäquitejj ucjja.