Números 6:3 - Qullan Arunaka DC

³ janiw kuna vinonaksa, machjayir umañanaksa umañapäkiti, janirakiw p'usqtat umañanakat lurat vinagre umañapäkiti, uvanakat ch'iwrsut umapsa umañapäkiti; janirakiw uvanak manq'añapäkiti, chhuyüpasa, wañäpasa.

Aymar Bibliia 1986

³ janiw cuna vinonacsa ni t'amantat umañanacsa umañapäquiti, ni vinot lurat vinagre, ni cuna p'osktata umañanacsa, ni uvat lurat umsa, janiraquiw mank'añapäquiti ni uvanacsa, ni waña uvanacsa.

Qullan Arunaca

³ janiw cuna vinonacsa ni t'amantat umañanacsa umañapäquiti, ni vinot lurat vinagre, ni cuna p'osktata umañanacsa, ni uvat lurat umsa, janiraquiw mank'añapäquiti ni uvanacsa, ni waña uvanacsa.

Números 6:3 Jak'a apnaqawi uñst'ayäwi

Levítico 10:9

“Kunapachatix jumasa, yuqanakamasa Tatitump Jikisiñ Carpar mantañatakïpxäta ukapachax, janiw vinsa, kuna p'usqtat umañanaksa umapxätati, jan jiwapxañamataki. Aka arsüwisti, wawanakaman wawanakapatak mä kamachiwa,

Amós 2:11

Israelitanaka, janiw jan yatirix tukupkasmati, jumanak taypit yaqhipanakarux profetanak tukuyta, mayninakarusti nazireonak tukuyarakta.” Ukham siw Tatituxa.

Amós 2:12

“Jumanakax nazireonakar munkir jan munkir vino umayapxtaxa, profetanakarusti nayxat parlir jark'apxaraktaxa.

Números 6:4

Tatitur katuyasiñ arsüwip phuqhasiñapkamasti janiw uva achunakapat kunsa manq'añapäkiti.

Lucas 1:15

aka wawax Tatit nayraqatan wali aytatäniwa. Janiw vino umkaniti, janirakiw kuna umañanaksa umkaniti, jupax janïr yurkis ukkhatpach Qullan Ajayun phuqt'atäniwa.

Lucas 21:34

“Amuyasipxam, chuymanakam janiy qalarayasipxamti; jan wali lurañanakampi, machañanakampi, aka uraqin llakisiñanakampi, ukatarak taqi ukanakax akatjamat sipitar uñtat khä urux katuntasipkiristam, uka urusti akapachan jakir taqi jaqinakxaruw jutani.

Efesios 5:18

Jan machjasipxamti, machjasiñax jan waliruw puriyi; ukatsipana Qullan Ajayumpi phuqhantasipxam.

1 Tesalonicenses 5:22

Taqi ñanqha lurañat jithiqtapxam.

1 Timoteo 5:23

Purak usumpi sapa kuti t'aqhisitam laykusti, jan uma sapak umamti, jan ukasti, mä juk'a vinomp umt'am.

Hebreos 9:10

Uka manq'añanaka, umañanaka, yaqhip q'umachasiñanakax patxa luräwikiwa, ukanakax kunapachatix Diosax machaqar tukuykan ukkhakam ch'amanikiwa.

Jueces 13:14

taqi kunatix uva achut mistki ukanak jan umpati, machjayir yaqha umañanaksa jan umpati, janiraki ñanqhachat manq'anaksa manq'pati. Kuntix nayax siskta ukhamarjam phuqhañapawa —sasa.

Jueces 13:4

Ukampis janiw vino umätati, machjayir yaqha umañanaksa, janirakiw ñanqhachat manq'anaksa manq'ätati,