Números 6:2 - Qullan Arunaka DC

² “Israelitanakar parlam jupanakarusti sarakim: Maynitix chachäpasa, jan ukax warmïpasa nazireöñatak Tatitur katuyasiñ munchi ukaxa,

Aymar Bibliia 1986

² “Israelitanacar aqham sam: Mä jakesa, jan ucqhajj mä warmisa, arupampi arsusina Tatituru catuyasiñ munchi ucajja,

Qullan Arunaca

² “Israelitanacar aqham sam: Mä jakesa, jan ucqhajj mä warmisa, arupampi arsusina Tatituru catuyasiñ munchi ucajja,

Números 6:2 Jak'a apnaqawi uñst'ayäwi

Éxodo 33:16

Jumatix nanakamp jan sarkasma ukasti ¿kunjämatarak yatipxiriststi markamasa, nayasa juman yanapamamp sarasipkataxsti? Juman yanapamampikiw markamampi, nayampix aka uraqin utjir yaqha markanakat mayjäpxirista —sasa.

Proverbios 18:1

Jupatakik kuns munir jaqix, munañaparukiw sarnaqi, suma iwxt'anaksa janiw katuqaskiti.

Jeremías 35:6

Jupanakasti ukxarux sapxarakiwa: “Nanakax janiw vino umapkti, Recab jaqin yuqapa Jonadab sat nayra awkixaw mä iwxa jaytapxitu: Jumasa, wawanakamasa, janipuniw vino umapxätati sasa.

Levítico 20:26

Jumanakasti nayatakix q'uma jaqinakäpxam, naya Tatit Diosamasti q'umätwa, ukampis yaqha markanakat sipan nayan markaxäpxañamatakiw yaqhachapxsma.

Levítico 27:2

“Israelitanakarux akham sarakim: Kunapachatix maynix Tatitur mä arsüwi phuqhañ munani ukasti, qawqhäkitix mä jaqin alapax ukhamarjamaw churañapa,

Números 30:3

3 (4) “Mä tawaqutix mä kun lurañatak Tatitur arsuni,

Números 6:1

Tatitux Moisesaruw parläna akham sasa:

Lucas 1:15

aka wawax Tatit nayraqatan wali aytatäniwa. Janiw vino umkaniti, janirakiw kuna umañanaksa umkaniti, jupax janïr yurkis ukkhatpach Qullan Ajayun phuqt'atäniwa.

Hechos 18:18

Pablox walja urunakampiw Corinto markan qamaraskakïna. Ukatsti iglesiankir jilatanakamp jikist'awayasin Siria tuqinakaruw barcot sarawayxäna, Priscilamp Aquilampisti jupamp chikaw sarapxäna. Cencrea markansti Pablox barcor janïr makhatkasin, Diosar arskatayna uk phuqhañatak ñik'utap q'al mururayasïna.

Romanos 1:1

Roma markan iglesiankir munat jilatanaka, kullakanaka: Naya Pablox Jesucriston luqtiripa, apostoluparakïtwa, Diosaw nayar ajllisitu suma yatiyäwi arunak jaqinakar qhanañchañaxataki.

2 Corintios 6:16

Janiw Diosan utapampi yaqha diosanakan utapampix mayakïkaspati. Jiwasax jakkir Diosan utapätanwa, kunjämtix Dios kipka siski ukhama: “Jupanak taypin jakä, sarnaqarakï; nayaw jupanakan Diosapäyä, jupanakasti nayan markaxäniwa” sasa.

Gálatas 1:15

Ukampis Diosaw nayarux janïr yurkta ukkhatpach ajllisitu, ukatsti jach'a munasiñap laykuw jawsarakitu. Diosax ukham munasin Yuqapar uñt'ayitu, qhispiyasiñ arunakap jan judiöpkis uka jaqinak taypin qhanañchañaxataki, ukapachasti janiw nayax khitir jiskt'asiris sarkti;

Hebreos 7:27

Janiw maynïr jilïr sacerdotenakjamäkiti, uywanak jiwayasin wilañchanak sapür luqtañapataki, nayraqatax jupanakan pachpa juchanakapata, ukxarusti jaqin juchanakapataraki. Ukampis Jesusax mä kutikiw wiñayatak jupa pachpa luqtasiwayi.

Jueces 13:14

taqi kunatix uva achut mistki ukanak jan umpati, machjayir yaqha umañanaksa jan umpati, janiraki ñanqhachat manq'anaksa manq'pati. Kuntix nayax siskta ukhamarjam phuqhañapawa —sasa.

Jueces 13:4

Ukampis janiw vino umätati, machjayir yaqha umañanaksa, janirakiw ñanqhachat manq'anaksa manq'ätati,

Jueces 13:5

jumax yuqall wawanïyätawa, jupan ñik'utapax janiw khuchhuratäñapäkiti, uka wawax nazireo jaqjam, janïr yurkipan Diosar luqtatäniwa, jupaw Israel markarux filisteonakan amparapat qhispiyani” sasa.

Jueces 16:17

ukat jupax kuntix Dalilar imt'kän uk arsxäna: —Nayarusti janipuniw kunapachas ñik'utax mururapkituti, janïr yurkta ukkhatpach nayax mä nazireo jaqjam Diosar luqtatätwa. Ñik'utaxtix mururapxitaspa ukkhaxa, nayax mä kawkïr jaqjam jan ch'amanikïxiristwa —sasa.

1 Samuel 1:28

Nayax Tatituruw aka yuqall wawa katuyta, jakañapkamasti jupar luqtat wawäñapataki —sasa. Ukatsti Elí sacerdotex Tatit nayraqatan uraqkamaw p'iqip alt'asïna.