Números 6:2 - Qullan Arunaca

² “Israelitanacar aqham sam: Mä jakesa, jan ucqhajj mä warmisa, arupampi arsusina Tatituru catuyasiñ munchi ucajja,

Aymar Bibliia 1986

² “Israelitanacar aqham sam: Mä jakesa, jan ucqhajj mä warmisa, arupampi arsusina Tatituru catuyasiñ munchi ucajja,

Qullan Arunaka DC

² “Israelitanakar parlam jupanakarusti sarakim: Maynitix chachäpasa, jan ukax warmïpasa nazireöñatak Tatitur katuyasiñ munchi ukaxa,

Números 6:2 Jak'a apnaqawi uñst'ayäwi

Éxodo 33:16

Jumatejj jan nanacampi sarcasma ucajj ¿cunjämataraqui yatisispasti jakenacamasa, nayasa juman yanapamampi sarasipcatajjatsti? Ucampis juman yanapamampiquiwa jakenacamasa, nayasa take aca oraken jaquir jakenacans uñjcata mayja uñstapjjeristjja —sasa.

Proverbios 18:1

Qhititejj jupataquiqui cuns munqui ucajja, munañaparuquiwa sarnake, ucatsti take suma amtäwinac contraw tucu.

Jeremías 35:6

Jupanacasti ucjjarojj sapjjaraquiwa: “Nanacajj janipuniw vino umapcti, Recab jaken yokapa Jonadab sat nayra awquinacajjaw jaytapjjetu janipuni vino umapjjañajjataqui; janipuniw nanacasa ni wawanacajjasa vino umapcaniti.

Levítico 20:26

Jumanacajj nayataquejj yakhachatäpjjañanacamapuniwa, naya jumanacan Tatitu Diosamasti jumanacataquejj yakhachatätwa, ucampisa yakha marcanacat sipansa yakhachapjjaracsmawa, jumanacajj nayancapjjañanacamataqui.

Levítico 27:2

“Israelitanacarusti aqham saraquim: Cunapachatejj maynejj mä arsüwi phokhañ munasina Tatituru phokhaña munani ucapachasti, mä jakejj kawkhäquitejj uqhamarjamaw churañapa.

Números 30:3

“Cunapachatejj mä tawakojj awquipan utapanccasina Tatituru arupampi mä arsüwi lurani, jan ucajj mä cunsa phokhañataqui arsuni,

Números 6:1

Tatitojj Moisesarojj saraquïnwa:

Lucas 1:15

Aca wawajj Dios nayrakatanjja jach'äniwa. Janiraquiw umcaniti vinsa, ni cuna casta umañanacsa. Jupajj janïr nasquis ucqhatpacha Kollan Ajayun phokt'atäniwa.

Hechos 18:18

Pablojj walja urunacampiw Corinto marcanjj kamarascaquïna. Ucatsti jilatanacar jiquisiñcama sawayasinsti Siria tokenacaruw barcot sarawayjjäna, Priscilamp Aquilamp cuna. Cencrea marcansti Pablojj janïr barcor mantcasinjja, ñic'utapwa k'al mururayasiwayi, mä arsutapar phokhañataqui.

Romanos 1:1

Naya Pablojj Jesucriston sirviripätwa. Apostolöñajjataquejj Diosaw jawsitu, yakhacharaquitu jupan khespiyasiñ arunacap jakenacar yatiyañajjataqui.

2 Corintios 6:16

Jan ucajj ¿mayaquïspacha Diosan templopampi yakha diosanacampejja? Jumanacajj jacquir Diosan templopäpjjtawa, cunjämtï Dios quipcasa sisqui uqhama: “Jupanac taypinwa jacä, uqhamarac sarnakaraquï. Nayajj jupanacan Diosapäyäwa, jupanacasti nayan marcajjaraquïniwa.”

Gálatas 1:15

Ucampis Diosaw nayarojj janïra nascta ucqhatpacha ajllisitu, jach'a munasiñap tokeraquiw jawsitu. Diosajj uqham munasinwa,

Hebreos 7:27

Janiw mayni jilïri sacerdotenacjamäquiti, ucanacasti animalanac jiwayasin sacrificionac sapüru loktapjje, nayrakatajj jupanacan pachpa juchanacapata, ucjjarojj jaken juchanacapatraqui. Ucampis Jesusajj mä cutiquiw wiñayataqui jupa pachpa taketac loktasiwayi.

Jueces 13:14

Jupasti janiwa uvata cuna casta vino luratsa, ni cuna machantayirinacsa umañapäquiti, ni mank'añapäquisa cuna casta k'añunacsa, jan ucasti cuntejj siscta uqhamarjamaw lurañapa —sasa.

Jueces 13:4

Ucampis janiw umätati vino, yakha machañanacsa ni mank'ätasa cuna jan wali k'añunacsa.

Jueces 13:5

Jumasti usuriptasajja mä yokall wawanïyätawa, juparusti janiw ñic'utapjja qhuchhuraraquïtati. Uca wawasti Diosaru loktatäniwa janïra nazqui ucqhatpacha. Jupawa Israel marcajj-jja filisteonacan t'akhesiyatäñatjja khespiyani” sasa.

Jueces 16:17

Khepjjarusti uca jan arscañjja Dalilarojj chekwa yatiyjjäna: —Nayarusti janiw qhitisa cunapachas ñic'utajj-jja mururapquituti, nayasti nazcta ucqhatpachawa mä nazareojama Diosaru loktatätjja. Ucampis ñic'utajjtejj mururapjjetasma ucajja nayajj jan ch'amanïjjeristwa mä cawquïr jacjamaqui —sasa.

1 Samuel 1:28

Nayasti aca wawjja Tatituruw catuyta, take jacañapcamasti juparu catuyatapunïniwa —sasa. Ucatsti Elí sacerdotejj oraker ajanup puriyañcamaw Tatitu nayrakatan alt'asïna.