Números 10:9 - Qullan Arunaka DC

⁹ “Nuwasïwi utjipantix, jumanakan nuwasir mistupxañam wakiskan ukapachasti, uka trompetanak phust'apxäta, ukatsti taqi ch'amamampiw art'asipxäta. Ukhamat naya, Tatit Diosamax jumanakat amtasï, ukatsti uñisirinakamat jumanakarux qhispiyapxäma.

Aymar Bibliia 1986

⁹ “Cunapachatejj uñisirinacamajj quipca orakepan nuwantapjjätpan, jumanacan nuwasiri mistupjjañamataqui, ucqhajj trompetanac phust'apjjam, uqhamarac wali jach'at art'asipjjam. Uqhamatwa naya Tatitu Diosamajj jumanacat amtasï, ucatsti uñisirinacamatwa khespiyapjjäma.

Qullan Arunaca

⁹ “Cunapachatejj uñisirinacamajj quipca orakepan nuwantapjjätpan, jumanacan nuwasiri mistupjjañamataqui, ucqhajj trompetanac phust'apjjam, uqhamarac wali jach'at art'asipjjam. Uqhamatwa naya Tatitu Diosamajj jumanacat amtasï, ucatsti uñisirinacamatwa khespiyapjjäma.

Números 10:9 Jak'a apnaqawi uñst'ayäwi

Génesis 8:1

Diosasti, Noé chachata, jupamp chika arca manqhankapkän taqi uka animalanakat amtasïna. Uraqirusti mä thaya thayt'ayanïna, ukatsti umax wañaqañ qalltxäna;

2 Crónicas 13:12

Amuyasipxam, jiwas nayraqatan Diosampi sacerdotenakapampiw ukankasipki, jumanakamp nuwasiñataki trompetanakan phust'asiñapatakix wakicht'atawa. Ukhamasti israelitanaka, janiy nayra awkinakaman Tatit Diosapampi nuwasipxamti, janiw atipjapkätati” sasa.

2 Crónicas 13:14

Kunapachatix Judänkirinakax qhipäx tuqiru uñtasipkän ukkhaxa, jupanakarux nayräxata, qhipäxat jalxatanipxatap amuyasipxäna. Ukat Tatitur art'asipxäna, sacerdotenakasti trompetanak phust'apxarakïna.

Salmos 106:4

Tatay, markamar munasitam laykuy nayat amtasita, qhispiyir jutkät ukapachay nayar tumpasita,

Salmos 106:42

timanakapax t'aqhisiyänwa, ch'amapampiw axsarayäna.

Salmos 136:23

Aynacht'añasan jiwasanakat amtasiriru, munasiñapax wiñayawa.

Isaías 18:3

Taqi jumanaka, akapachan jakir jaqinaka, kunapachatix qullun mä chimpu aptapkan uk uñjapxäta, kunapachatix trompetax phust'askani uk ist'apxarakïta.

Isaías 58:1

Tatitux situwa: “Jan axsarasa, wali jach'at art'am, kunkamax mä trompetäkaspas ukham art'asim; Israel markaxarusti jan wali luratanakapat juchañcham.

Jeremías 4:19

¡Chuymaxax walpun usutu! ¡Niya phallirpachawa! ¡Janiw inakt'irjamäkti, janirakiw amukt'irjamäktsa! Mä trompetan phust'asitap ist'ta, nuwasiñ arnaqasitanak ist'arakta.

Jeremías 4:21

¿Kunapachkamas uñisirin wiphalap alayar aytat uñjäxa, trompetan atipt'äwi phust'asitapsa ist'arakïxa?

Jeremías 4:5

“Aka arunaksti Jerusalén markana, Judá uraqin yatiyapxam; trompeta phust'as taqi markpachar yatiyapxam, wali jach'at art'apxam: ‘¡Jaqinakax uyuchrantat markanakar imantasir jaltxapxpan!’

Jeremías 49:2

“Jichhax walikiwa, Naya, Tatituw arsta: Amón uraqinkir Rabá markan nuwasiñ art'asïwi ist'añap urux purininiwa; mayjar apthapit t'unjamaw tukuni, markanakapansti ninaw nakharakini. Ukapachaw Israelax markanakap wasitat tumpasxani. Naya, Tatituw uk arsta.

Jeremías 6:1

¡Benjamín tuqin utjir jaqinaka! ¡Imantasiñ thaqtapxam, Jerusalenat jaltxapxam! Tecoa chiqan trompeta phust'apxam, Bet-haquerem chiqansti mä chimpu sayt'ayapxam, mä jach'a jan walt'añampi, mä jach'a aynacht'añampiw, amsta tuqit jutantaski.

Jeremías 6:17

Tatitusti uñjirinak usku, markarusti sarakiwa: “Kuna unañchäwtix churapkäma uk sum amuyapxam” sasa. Ukampis markax siwa: “Janiw nanakax ist'apkäti” sasa.

Ezequiel 7:14

“Trompetsa nuwasiñar jawsañatak phust'asiskpan; taqinis wakichasiskpan, janiw maynis nuwasïwirux mistkaniti. Israel markan jach'a jach'a tukutapatsti phiñasiñaxampiw mutuyarakï.

Oseas 5:8

¡Guibeá chiqan nuwasiñatak putut phust'apxam, Ramá chiqansti trompet phust'apxarakim! ¡Bet-avén chiqansti p'arxtayapxam! ¡Benjamín ayllunkirinakarusti, amuyasipxpan sapxarakim!

Levítico 23:24

israelitanakar akham sañapataki: “Paqallqüri phaxsina nayrïr uru saraqatarux jumanakax samarañ uru uruyapxäta, ukatsti suma qullan tantachasïwi lurapxarakïta trompetanak phust'asa.

Amós 3:6

trompetan phust'asitap markan ist'aski ukkhaw jaqix wal sustjasi; Tatitux kuns apayanki ukkhaw jan walinakax markan utji.

Sofonías 1:16

uka urux trompet phust'añampi, warariñampiw ist'asini, suma uyuchrantat markanakaru, jach'a alaykam lurat pukaranakar t'unjañataki.

Números 31:6

Moisesasti jupanakar nuwasïwiruw khithäna, Finees chachamp chika, Eleazar sacerdoten yuqapa. Finees chachax qullan yänak apäna, nuwasïwi qallantañ yatiyañatakisti trompetanak aparakïna.

1 Corintios 14:8

Mä nuwasiñantix trompetax jan suma qhana phust'askaspa ukasti, janiw khitis nuwasiñatak wakichaskaspati.

Deuteronomio 20:1

Moisesasti saskakïnwa: “Kunapachatix jumanakax uñisirinakamamp nuwasir sarantapkät ukapachaxa, janiw jupanakar axsarapxätati. Uñisirinakamax jumanakat sipan juk'amp ch'amanïskpasa, walja caballonakani, walja nuwasiñ carronakanïskpasa; Egipto uraqit irpsunipktam uka Tatit Diosamaw jumanakampïskani.

Josué 6:5

Kunapachatix jumanakax trompetanakan mä suma phust'asitap ist'apkät ukkhaxa, wali jach'at art'asipxäta, Jericó markan uyu pirqapasti tinkuraniwa. Ukatsti sapa mayniw chiqaki Jericó markar mantaranttapxäta” sasa.

Jueces 10:12

sidonionakana, amalecitanakana, madianitanakan t'aqhisiyataw uñjasipxäyätaxa; ukampis kunapachatix nayar art'asinipkista ukkhaxa, nayax jumanakar qhispiyapxsmawa.

Jueces 10:8

Uka urutsti filisteonakampi, amonitanakampix tunka kimsaqallqun maraw israelitanakarux walpun t'aqhisiyäna, khitinakatix Galaad chiqana, Jordán jawirat mayskatana, amorreonakan uraqipan jakapkän ukanakaru.

Jueces 2:18

Tatitusti sapa kuti mä jilïrir sayt'aykän ukarusti yanapt'arakïnwa, uka jilïrin jakañapkamasti Tatitux israelitanakarux uñisirinakapan amparapat qhispiyäna, jupanakan art'asitapa, t'aqhisitanakap ist'asax khuyapt'ayasïnwa.

Jueces 3:27

Israelita uraqir purisinsti, Efraín qullun trompet phust'äna, israelitanakar jawsañataki, uk ist'asasti jupanakax taqpachaniw Ehud chachan qhipap qullunakat saraqanipxäna.

Jueces 6:34

Ukampis Tatitun ajayupaw Gedeonxar jutäna, ukatsti jupax trompet phust'äna, Abiézer wila masi tamanakapan jupampi mayacht'asipxañapataki;

Jueces 6:9

janiw egiptonkir jaqinakatakti qhispiyapksma, jan ukasti taqi khitinakatix jumanakar t'aqhisiyapkäyätam ukanakamppachat qhispiyapxsma. Jupanakarux jumanakan uñjkataw alisnukta, uraqinakapsa jumanakaruw churapxsma.

1 Samuel 10:18

ukansti jupanakarux sarakïnwa: —Israelan Tatitu Diosapax akham siwa: ‘Nayaw jumanak israelitanakarux Egipto markat irpsunipxsma, egiptonkirinakan amparapat qhispiyanipxsma, jumanakar t'aqhisiyir markanakan amparapat antutayanipxsma’ sasa.