Números 10:9 - Qullan Arunaca

⁹ “Cunapachatejj uñisirinacamajj quipca orakepan nuwantapjjätpan, jumanacan nuwasiri mistupjjañamataqui, ucqhajj trompetanac phust'apjjam, uqhamarac wali jach'at art'asipjjam. Uqhamatwa naya Tatitu Diosamajj jumanacat amtasï, ucatsti uñisirinacamatwa khespiyapjjäma.

Aymar Bibliia 1986

⁹ “Cunapachatejj uñisirinacamajj quipca orakepan nuwantapjjätpan, jumanacan nuwasiri mistupjjañamataqui, ucqhajj trompetanac phust'apjjam, uqhamarac wali jach'at art'asipjjam. Uqhamatwa naya Tatitu Diosamajj jumanacat amtasï, ucatsti uñisirinacamatwa khespiyapjjäma.

Qullan Arunaka DC

⁹ “Nuwasïwi utjipantix, jumanakan nuwasir mistupxañam wakiskan ukapachasti, uka trompetanak phust'apxäta, ukatsti taqi ch'amamampiw art'asipxäta. Ukhamat naya, Tatit Diosamax jumanakat amtasï, ukatsti uñisirinakamat jumanakarux qhispiyapxäma.

Números 10:9 Jak'a apnaqawi uñst'ayäwi

Génesis 8:1

Diosasti, Noë chachatsa uqhamarac jupampi chica arca mankhancapcän uca animalanacatsa amtasiraquïnwa. Orakerusti mä thayaw thayt'aniraquïna, umasti wañakawayjjaraquïnwa.

2 Crónicas 13:12

Jumanacajj amuyasipjjam jiwasana nayrakatasanjja Diosampi sacerdotenacapampiwa ucancasipqui, ucatsti trompetanacajj janc'aquïpjjewa toct'añataqui jumanacampi nuwasiñataqui. Ucatsti israelitanaca jan nuwasipjjamti nayra awquinacaman Tatit Diosap contrajja, jumanacajj janiw atipjapcätati” sasa.

2 Crónicas 13:14

Cunapachatï Judá ucanquirinacajj khepäjja uñtasipjjäna ucqhajja, jupanacajja amuyasipjjänwa nayräjjata khepäjjata nuwantatäpjjatapa. Ucatsti jupanacajj Tatituruw art'asipjjäna, uqhamarac sacerdotenacasa trompetanacapa toct'apjjaraquïna.

Salmos 106:4

Tatay, marcamar munasitam laycuy nayat amtasita, khespiyir jutcät ucapachay nayar tumpasita:

Salmos 106:42

timanacapajj t'akhesiyänwa, ch'amapampiw ajjsarayäna.

Salmos 136:23

Aynacht'añasan jiwasanacat amtasiriru: qhuyapayasiñapajj wiñayawa.

Isaías 18:3

Take jumanaca acapachan jaquiri jakenaca, uñjapjjätaw cunapachatejj kollun mä chimpojj aptatäcan uca, ist'apjjaraquïtawa cunapachatejj trompetajj phust'ascani ucsa.

Isaías 58:1

Tatitojj saraquituwa: “Jan ajjsarasa, wali jach'at art'am, mä trompetäcaspas cuncamajj uqham art'asim; marcajjarusti jan wali luratanacapatjj juchañcharaquim, Jacobon marcaparusti jucha luratanacapat juchañcham.

Jeremías 4:19

¡Usutuw ucat k'ewinaktta! ¡Chuymajjas walpun putuquiraqui! ¡Janiw inact'irjamäcti, janiraquiw amuct'irjamäctsa! Mä trompetan phust'asitapwa ist'ta, guerran arnakasiñanacampi cuna.

Jeremías 4:21

¿Cunapachcamas wiphala altor aytata uñjäjja? ¿Uqhamaraqui trompetan phust'asitapsa ist'araquëjja?

Jeremías 4:5

“Aca arunacsti Jerusalenana, uqhamaraqui Judá oraken yatiyapjjam; trompetanacampi phust'asa take marcpacharu yatiyapjjam, wali jach'at art'apjjam: ‘¡Jina! ¡Tantacht'asipjjañäni! ¡Jach'a perkani marcanacaru!’ sasa.

Jeremías 49:2

“Jichhajj waliquiwa, Naya Tatituw arsta: Amón orakenquiri Rabá marcan guerra toket ist'añap urojj purininiwa, mayjaru apthapit t'unjamaw tucuraquini, marcanacapansti ninaw naqharaquini. Ucapachaw Israelajj wasitat marcanacapa tumpasjjani. Naya Tatituw ucjja arsta.

Jeremías 6:1

¡Benjamín token utjir jakenaca! ¡Imantasiñ thaktapjjam, Jerusalenat jaltjjapjjam! Tecoa chekansti trompeta phust'apjjam, Bet-haquerem chekansti mä chimpu sayt'ayapjjam, mä jach'a jan walt'añampi, mä jach'a aynacht'añampiw, amsta toket ajjsarañapa churasinqui.

Jeremías 6:17

Tatitusti uñjirinac uscu, marcarusti saraquiwa: “Cuna unañchäwtejj churapcäma ucar sum suyapjjam” sasa. Ucampisa marcajj siwa: “Janiw nanacajj ist'apcäti” sasa.

Ezequiel 7:14

“Trompetas toct'asiraquiwa nuwasiñaru jawsasa; takeniw waquichasipjji, ucampis janiw maynis nuwaserejj mistcaraquiti. Israel marcan jach'a jach'a tucutapatsti colerasiñajjampiw mutuyaraquëjja.

Oseas 5:8

¡Gabaa chekanjja guerra pututu phust'apjjam, Ramá chekansti trompetraqui phust'apjjam! ¡Bet-avén chekansti p'arjjtayapjjaraquim! ¡Benjamín casta jakenacarusti: Amuyasipjjam, sapjjaraquim!

Levítico 23:24

“Israelitanacarojj aqham saraquim: Pakallko phajjsi sarakatarusti, jumanacajj samarañ uru uca phajjsi kalltanja lurapjjäta, ucatsti suma kollana tantachasïwi lurapjjaraquïta, amtasiñataqui, trompetanaca uca urojj phust'apjjaraquïta.

Amós 3:6

Cunapachatejj trompetan tuct'asitapajj marcan ist'asi ucqhaw jakejj wal sustjasi; cuns Tatitojj apayani ucqhaw marcanjja jan walinacajj utjejja.

Sofonías 1:16

Uca urojj trompetaw phust'asini, wararipjjaraquiniwa. Uca jach'a suma lurat utanacas, uqhamaraqui jach'a altocam lurata torrenacapas t'unjatäcani ucqhajja.

Números 31:6

Moisesasti qhitänwa nuwasiñataquejj Finees sat Eleazar sacerdoten yokapampi chica, cawquïritejj kollana yänaca, uqhamarac trompetanaca apcäna nuwantañ kalltapjjañapataqui.

1 Corintios 14:8

Guerranccasinjja, trompetatejj jan suma khana phust'ascaspajja, janiw qhitis nuwasiñatac waquichascaspati.

Deuteronomio 20:1

“Cunapachatejj jumanacajj uñisirinacamampi nuwasiñatac mistuwayapjjäta, ucatsti uñjapjjäta jupanacarojj soldadonacapa caballonacar lat'jjatata, nuwasiñ carronacani, uqhamaraqui ejercitopas jumanacat sipansa juc'ampi waljani, ucapachajj jan jupanacaru ajjsarapjjamti; Egipto marcat irpsunipctam uca Tatitu Diosamaw jumanacampïsqui.

Josué 6:5

Cunapachatejj pututu phust'iri ist'apjjät ucqhajj, jumanacaw wali jach'at art'apjjäta, ucatsti take Jericó marcan perkanacapajj tincuraniwa. Ucatwa take jumanacajj chekaqui Jericó marcar mantapjjäta” sasa.

Jueces 10:12

sidonionacana, amalecitanacana, madianitanacana uqhama. Ucampis cunapachatejj nayaru arnakasinipquista ucqhajja nayajj jumanacarojj khespiyapjjsmawa.

Jueces 10:8

Uca urutsti filisteonacampi, amonitanacampejj tunca quimsakallkon maranacaw Galaad sat chekan jaquir israelitanacarojj wali t'akhesiyapjjäna. Aca Galaad sat orakenacasti Jordán jawirat mayscatancänwa amorreonacan orakepana.

Jueces 2:18

Diosasti sapa cuti mä jilïri sayt'aycäna ucarusti yanaparaquïnwa, aca jilïristi jacäwipanjja khespiyänwa israelitanacarojja uñisirinacapan t'akhesiyatäñatjja. Diosasti jupanacatjja qhuyapt'ayasïnwa t'akhesisa sarnakapjjatanacap uñjasa, uqhamarac arnakasipjjatanacap ist'asinjja.

Jueces 3:27

Ucat israelitanacan orakepar purisasti ovej wajjratwa pututt'äna Efraín sat lomanacata israelitanacar jawsañataqui. Uqham pututt'ir ist'asinsti take israelitanacaw lomanacat sarakanipjjäna, Aod chachat irpirini.

Jueces 6:34

Ucampis Diosan ajayupawa Gedeonjjaru jutäna, ucatsti jupajj mä ovejan maysa wajjrapa llamct'äna Abiezer satan familiapanquirinacajja jupampi mayachasipjjañapataqui.

Jueces 6:9

Janiwa egiptonquir jakenacatacjja khespiyapcsmati jan ucasti take jumanacar t'akhesiyirinacatwa khespiyapjjsmajja. Jupanacarusti jumanacan uñjcatawa alisnuctjja, uqhamaraqui orakenacapsa jumanacaruraqui churapjjaracsma, sasa.

1 Samuel 10:18

Ucanwa jupanacar saraquïna: “Israelan Tatitu Diosapajj aqham sänwa: Take israelitanacarusti nayaw Egiptot apsunipjjsma, egiptonquirinacan munañapatwa khespiyanipjjsma, uqhamarac take qhitinacatejj t'akhesiyapcäyätam ucanacan amparanacapatsa.