Lucas 2:4 - Qullan Arunaka DC

⁴ Ukat Joseax Galileankir Nazaret markat mistusinxa Judeankir Belén markaruw saräna, kawkhantix Davidax yurkatayna ukaru, Josean Davidan wila masipat jutirïtap layku.

Aymar Bibliia 1986

⁴ Ucatwa Joseajj Galileanquiri Nazaret marcata mistusinjja Judea tokeruw saräna Belén marcaru, cawqhantejj Davidajj nascatayna ucaru, Joseasti Davidan familiapat jutirïtap laycu.

Qullan Arunaca

⁴ Ucatwa Joseajj Galileanquiri Nazaret marcata mistusinjja Judea tokeruw saräna Belén marcaru, cawqhantejj Davidajj nascatayna ucaru, Joseasti Davidan familiapat jutirïtap laycu.

Lucas 2:4 Jak'a apnaqawi uñst'ayäwi

Génesis 35:19

Ukhamaw Raquelax jiwxäna, juparusti Efrata thakhin imt'xapxäna, ukasti jichhax Belén markäxiwa.

Génesis 48:7

Nayax Padán-aram chiqat kuttasinkayät ukkhaw Raquel taykamax thakhin jiwxi; Canaán uraqina, Efrata markar jak'achkasa, ukat nayax thakhi thiyar jupar imt'xarakta, jichhasti uka markax Belén satäxarakiwa —sasa.

Miqueas 5:2

2 (1) Jumasti, Belén Efrata, Judá uraqinkir markanakatxa jisk'akïtawa, jumat Israel markar mayni apnaqirix mistuni, ukasti nayra wila masinak taypit saraqiriwa.”

Mateo 1:20

Ukham lup'iskiriruw, Tatitun angelapax samkan uñstäna, ukat sarakïna: “José, Davidan yuqapa, Mariar warmimat katuqañ jan axsaramti, yurkani uka wawax Qullan Ajay tuqiw utji.

Mateo 2:23

Galilea markar purisinsti, Nazaret markar jakiriw sarxäna. Ukasti kuntix Diosax profetanak tuqi arskäna ukarjamaw phuqhasiskäna: “Nazaretankir Jesús satäñapataki”.

Lucas 2:3

Sapaqat mayniw markaparkam qillqayasir sarapxañapäna.

Lucas 2:5

Jupasti khitimpitix jaqichasiñatak parlatäkän uka Mariampiw Belén markar qillqayasir saräna, Mariasti usurïxänwa.

Lucas 4:16

Jesusax Nazaret markaruw sarxäna, kawkhantix jupax jilkatayna ukaru. Sábado urunsti, saraparjamaw sinagogar mantäna, ukatsti Qillqatanak ullart'añatakiw sayt'asïna.

Juan 1:46

Natanaelasti sarakïnwa: —Nazaret markat ¿kuna sumarak mistuspasti? —sasa. Felipesti sarakïnwa: —Jutam uñjiri —sasa.

Juan 7:42

Qillqatan siwa: “Cristox David reyit saraqirïñapawa, Belenankirïñaparakiwa Davidan pachpa markapata” —sasa.

Rut 1:19

Ukhamaw jupanakax panpachani sarapxäna, Belén markar puriñkama. Belén markar mantapkän ukkhasti, markpachaw jupanakar uñjasax chuymanakap ch'allxtayasipxäna. Warminakasti sapxänwa: —¿Janit akasti Noemí warmïkisti? —sasa.

Rut 2:4

Ukürusti Booz chachax Belén markat yapup uñjiriw purïna, yawthapirinakarusti aruntarakïnwa: —Tatitux jumanakampïpan —sasa. Jupanakasti: —Tatitux askinakap jumar churpan —sasaw aruntapxarakïna.

Rut 4:11

Taqi ukankirinakasti arsupxarakïnwa akham sasa: —Nanakaw taqi akanakat arsupxä. ¡Tatitusti munpan utamar mantkani uka warmix Raquel, Lea warminakjamäñapa, jiwasa israelit jaqinakax jupanakan wawanakapäpxtanwa! Jumasti, Belén markanxa, suma uñt'ata, aytat jaqirakïma.

Rut 4:17

Ukham uñjasinxa, uta jak'ankir warminakax sapxänwa: —¡Noemí mamax mä wawanïxiwa! —sasa. Jupanakasti wawarux Obed sutimpiw uchapxäna. Obed chachax Jesé chachan awkipänwa, David reyin achachilaparaki.

1 Samuel 16:1

Tatitusti Samuelurux sänwa: —¿Kunapachkamarak Saúl reyit llakisïtasti? Janiw nayax jupan Israel markan reyikïskañap munkxti. Jichhax uka waxraru aceitempi phuqhantam, ukatsti Belenankir Jesé chachan utapar sarañam munta, nayasti maynïr wawaparuw reyïñapatak ajllista —sasa.

1 Samuel 16:4

Samuelusti kuntix Tatitux siskatayna uk luräna. Kunapachatix Belenar purkän ukkhaxa, markankir jilïri jaqinakax jupar katuqiriw mistunipxäna, juparusti jiskt'apxarakïnwa: —¿Sumankañampit jutta? —sasa.

1 Samuel 17:12

Mä jaqiw Belén markan utjäna Jesé sutini, Saúl reyin urunakapansti jupax niya awkïxänwa. Uka jaqisti kimsaqallqu yuqanakanïnwa, maynïristi David satänwa.

1 Samuel 17:58

Saúl reyisti jiskt'änwa: —Wayna, sitaya, ¿khitin yuqapätasa? —sasa. Davidasti sarakïnwa: —Nayax Belenankiri Jesé luqtiriman yuqapätwa —sasa.

1 Samuel 20:6

awkimatix nayat jiskt'asïtam ukkhaxa, Belén markaxaru nayan sarañaxatak jumar achikt'asitax yatiyam, khayansti taqpacha wila masixaw mara wilañcha luqtañ amtapxani, sasa.