Lucas 13:34 - Qullan Arunaka DC

³⁴ “¡Jerusalén, Jerusalén, jumax profetanakaruw jiwaytaxa, Diosax khithanktam ukanakaruw qalampi k'upjtaxa! ¡Qawqha kutiw nayax wawanakamar anthapiñ munäyäta, kunjämtix wallpax chhiwchhinakap chhiqha manqhipar anthapiski ukhama, ukampis jumanakax janiw munapktati!

Aymar Bibliia 1986

³⁴ ¡Jerusalén, Jerusalén, jumajj profetanacarus jiwayta, Diosajj qhitanctam ucanacarus kalampiraquiw c'upjta! ¡Kawkha cutiraquiw nayajj jumanacar anthapiñjj munäyäta, cunjämtejj wallpajj chhiwchhinacapjja chhekhap mankherojj khomjjarusi uqhama, ucampis janiw munctati!

Qullan Arunaca

³⁴ “¡Jerusalén, Jerusalén, jumajj profetanacarus jiwayta, Diosajj qhitanctam ucanacarus kalampiraquiw c'upjta! ¡Kawkha cutiraquiw nayajj jumanacar anthapiñjj munäyäta, cunjämtejj wallpajj chhiwchhinacapjja chhekhap mankherojj khomjjarusi uqhama, ucampis janiw munctati!

Lucas 13:34 Jak'a apnaqawi uñst'ayäwi

Nehemías 9:26

“Ukampis jupanakax jan ist'asirïpxänwa, jumatak sayt'asisin kamachimar jisk'achapxarakïna. Ukxarusti profetanakamarux jupanakar juchañchatapat jiwayapxäna, uka profetanakasti jupanakan jumar wasitat makhatxañapatakiw jupanakar parläna; jach'a juchanakpun jumatak sayt'asisin lurapxäna.

Nehemías 9:30

Walja maranakaw jupanakar llamp'u chuymamp uñch'uktaxa, ajayum tuqisa, profetanakam tuqis iwxt'araktawa; ukampis janiw ist'asipkänti, ukat uraqinkir jaqinakan munañapar jupanakar apnaqapxañapatak katuyaraktaxa.

Salmos 149:2

Israel markax utjayiripat kusispan, Sión markan wawanakapax Reyipat kusisipxpan.

Salmos 17:8

Nayarusti, nayranakaman qalaparjamay imita, chhiqhanakaman ch'iwipar imantita,

Salmos 36:7

7 (8) ¡Dios Tatay, munasiñamax muspharkayawa! ¡Chhiqhanakamampi imantayasiñatakiw jaqinakax jumar thaqhapxtam!

Salmos 57:1

1 (2) Diosaxay, nayat khuyapt'ayasita, jumampi arxatayasiñatakiw thaqsma, nayat khuyapt'ayasipunita. Jan walt'añ nayat jithiqañapkamasti, amparamampi imantayasiñ munta.

Salmos 81:13

13 (14) Markaxatix ist'itasapänxa, Israel markatix thakhixanjam sarnaqasapänxa,

Salmos 91:4

chhiqhanakapampiw imxatätam, chhiqhanakap manqhäxan imantasïta. ¡Amparapax jark'aqasiñar uñtataw imätam!

Isaías 30:15

Israelan Tatit Diosapasti siwa: “Nayar wasitat ist'xapxita, ukatsti nayaw samarañ churapxäma. Nayarutix chiqpach katuyasipxitäta ukaxa, samarañan jikxatapxäta, ukatsti qhispitäsipkätawa” sasa. Ukampis jumanakax janiw munapktati,

Isaías 50:2

¿Kunatsa nayax jutkta ukapachax khitirus jan jikxatktxa? ¿Kunatsa jawsataxarux khitis jan jayskituxa? ¿Janit amuyapktasti nayan ch'amanïtaxa jumanakar qhispiyañatakisti? Nayatakix janiw kunäkis mä aru arsuñaxa, ukhamat quta wañt'ayañatakisa, jawiranakas ch'usa wasarar tukuñapatakisa; ukhamat chawllanakax umatjam jiwarañapataki, umatjam thujsantañapataki.

Jeremías 2:30

Inamayaw wawanakamarux mutuytxa, jan wali luratanakapatxa janiw kuttaniñ munapkiti, jumanakasti qhuru leonanakar uñtataw profetanakamarux jiwarayapxtaxa.

Jeremías 26:23

jupanakasti Urías profetar Egiptot irptanisinxa, Joacín reyin amparaparuw katuyapxäna, reyisti uka profetan jiwayatäñapatakiw arsüna, ukatsti janchipax mä jach'a p'iyar jaquntatäñapatakiw mayirakïna.

Jeremías 35:14

Recab jaqin Jonadab yuqapan wawanakapax kuna arunaktix jupax wawanakapar jaytawaykatayna ukanak phuqhasipki, jupanakarusti “Janipuniw vino umapxätati” sataynawa, ukat jichhürkamax janipuniw vino umapkiti, nayra awkipan arunakapar phuqhasa. Nayasti uka kipkarakiw jumanakarux iwxanaka mayamp mayampi churapxsma, ukampis jumanakax janiw nayarux ist'apkistati.

Jeremías 35:17

Ukat naya, Israelan Diosapa taqi ch'aman Tatitux sistxa: Judá uraqina, Jerusalén markan utjasir jaqinakxaruxa kunayman jan walinak apayanï, kuntix jupanakar yatiykäyäta taqi ukanaka. Nayasti jumanakarux parlxayapxsmawa, ukampis janiw nayarux ist'apkistati, jawsapxsmawa, ukampis jumanakax janiw jaysapkistati.’ ”

Jeremías 6:16

Tatitux markaparux siwa: “Thakhi jak'anakar sayt'asipxam ukatsti uñatatasipxarakim, nayra thakhinakat jiskt'asipxam; kawkïris suma thakhix ukata; ukatsti uka thakhinjam sarapxam, ukapachaw samarañ jikxatapxäta.” Ukampis jupanakax sapxiwa: “Janiwa, janiw uka thakhinjam sarapkiristti” sasa.

Lamentaciones 1:16

Taqi ukanakasti nayaruw jachayitu. Nayraxasti jachampi phuqhantatawa, janiw nayar khiti chuymachiris utjkiti, nayar khiti ch'amañchiris utjkarakiti. Wawanakaxasti t'unjat pirqanak taypin qhiparapxi, uñisirinakaxax nanakat sipansa juk'amp ch'amaniwa.

Lamentaciones 4:13

¡Taqi ukanaksti profetanakapan juchapata, sacerdotenakapan ñanqha luratapata, pachpa marka manqhan jan juchan jaqiru jiwayapxatapat ukham lurasïna!

Oseas 11:2

Kunapachatix nayax juk'ampi jupar jawskäyät ukkhaxa, juk'ampikiw jupax nayat jayarst'awayi. Markaxasti k'ari diosanakaruw wilañchanak luqtasïna, yaqha diosanakarukiw incienso q'aphichäna.

Oseas 11:7

Ukhampachas markaxax nayat jayankañ munaskakiwa; diosanakarus art'asisipkakiwa, ukampis janiw khitis jupanakar yanapt'irix utjkiti.

Joel 2:23

¡Sionan utjir jaqinaka, kusisipxam, Tatitu Diosamampi kusisipxam! Jupaw wakisit urun jallu apayanipxtam, nayra jallsa, qhipa jallsa puriyaraki, kunjämtix nayra pachax apayankän ukhama.

Zacarías 1:4

Jan jumanakax nayra awkinakamjam lurapxamti, jupanakarusti nayra profetanakax parlapxirïnwa, jan wali sarnaqäwinakapa, jan wali luräwinakap jaytxapxañapataki, ukampis jupanakax janiw ist'añsa, jaysañsa munapkänti. Naya, Tatituw arsta.

Mateo 22:3

Uywatanakaparuw jaqichasïwir jawsayatanak jawsir khithäna, ukampis jupanakax janiw jutañ munapkänti.

Mateo 22:6

mayninakasti reyin uywatanakaparux katuntasin jiwayañkamaw nuwjapxäna.

Lucas 15:28

Ukampis jilïr jilax phiñasïnwa, ukatsti janiw utar mantañ munkänti, utar jan mantañ munatapat awkipax mistunisin achikt'äna: ‘Mantxañäniya’ sasa.

Lucas 19:44

ukatsti q'al tukjapxätam. Jaqinakamaruw jiwarayapxani, janirakiw mä qalsa sayt'at jaytapkaniti, Diosax jumar uñjir jutktam ukkha jan katuqatam layku.”

Lucas 23:28

Jesusasti jupanakar uñkatasin säna: —Jerusalenankir warminaka, jan nayat jachapxamti, jan ukasti jumanak pachpata, wawanakamampit jachapxam.

Hechos 7:52

¿Profetanakat kawkïrirusa, nayra awkinakamax jan t'aqhisiyapkänxa? Jupanakax mayni aski jaqin jutañapat yatiyirinakarux jiwayapxänwa. Uka aski jaqin jutxipansti, jumanakax jupar katuntayasin jiwayapxaraktawa.

Hechos 7:59

Qalamp k'upjapkän ukkhasti, Estebanax Tatitut mayisïna: “Tatit Jesús, ¡ajayux katuqt'asxita!” sasa.

Hechos 8:1

Saulosti ukan jikxatasïna, Estebanar jiwayir sum uñjaskäna, ukax jupatakix walikïnwa. Uka urutpach Jerusalenankir iglesiax wali uñisitaw uñjasïna. Taqiniw Judea tuqinakaru, Samaria tuqinakar aywitatawayxapxäna. Apostolunakakiw Jerusalenan qhiparxapxäna.

Deuteronomio 32:29

Jupanakatix yatiñanïpxaspaxa, amuyt'apxaspawa; kunäkanitix ukanaksa yatipxarakispawa.

Deuteronomio 5:29

¡Walïspaw jupanakan ukham amuyunïpxaspa ukaxa, ukatsti jach'añchapxitaspa, kamachi arunakaxsa taqi urunakan phuqhapxarakispa ukaxa, ukhamat wawanakapasa, jupanakas wiñay sum sarnaqapxaspa!

Apocalipsis 11:8

Amayanakapasti, kawkintix Tatitux ch'akkatatäkän uka jach'a markan thakhinakapan jaqtatäskaniwa. Uka markasti mä arunxa Sodoma, ukhamarak Egipto satarakiwa.

Rut 2:12

¡Diosaw luratamat jumar kuttayxätam! ¡Israelan Tatitupat churäwi katuqasxäta, jupar alkatatam layku, jupar thaqhatam laykuraki! —sasa.