Lucas 13:35 - Qullan Arunaka DC

³⁵ Uñtapxam, jumanakan utamax apanukutäniwa; nayasti sapxsmawa, janiw uñjapkitätati, kunürutix sapkäta: ‘Tatitun sutipar jutirix qullanäpan’ sasa, ukürkama.”

Aymar Bibliia 1986

³⁵ Uñtapjjamaya, utanacamajj apanucutäniwa; ucatsti sapjjsmawa, janiw uñjapquitätati, cunapachatï sapjjetäta: “Bendicitäpan Tatitun sutipar jutirejja” sasa ucürcama.

Qullan Arunaca

³⁵ Uñtapjjamaya, utanacamajj apanucutäniwa; ucatsti sapjjsmawa, janiw uñjapquitätati, cunapachatï sapjjetäta: ‘Bendicitäpan Tatitun sutipar jutirejja’ sasa ucürcama.’ ”

Lucas 13:35 Jak'a apnaqawi uñst'ayäwi

Salmos 118:26

¡Tatitun sutipar jutirix qullanäpan! Tatitun utapatpach jach'añchanipxsma.

Salmos 69:25

25 (26) Utjäwinakapax ch'usa wasarar tukpan, janirak khitis chhujllanakapan jakpati;

Isaías 52:7

¡Kunja kusiskañas qullu patanakanjam jutaskir uñjañaxa, khititix mä suma yatiyäwi apanki ukaru, khititix sumankañ yatiyäwinak apanki ukaru, khititix qhispiyasiñ yatiyäwinaksa apanki ukaru, Jerusalén markarux sarakiwa: “Diosamax reyiwa”! sasa.

Jeremías 22:5

Ukampisa, janitix aka arunakar ist'apkätaxa, aka reyi utax t'unjataw uñjasini. Naya, Tatituw uk arsta.’ ”

Jeremías 35:17

Ukat naya, Israelan Diosapa taqi ch'aman Tatitux sistxa: Judá uraqina, Jerusalén markan utjasir jaqinakxaruxa kunayman jan walinak apayanï, kuntix jupanakar yatiykäyäta taqi ukanaka. Nayasti jumanakarux parlxayapxsmawa, ukampis janiw nayarux ist'apkistati, jawsapxsmawa, ukampis jumanakax janiw jaysapkistati.’ ”

Miqueas 3:12

Jumanakan juchanakam laykuw Tatitun Jerusalén markapax q'ala tukjata uñjasini, mayjaru willthapitarakïniwa, kawkhankkitix Tatitun utapax uka qullus quran qurantataw uñjasini.

Zacarías 12:10

Davidat saraqiri wila masinakapampiru, Jerusalén markan jakirinakampirux, khuyapayasiñampi mayisiñ ajayumpiw phuqt'ä. Ukkhaw khitirutï chhuxriñchapki ukarux uñkatapxani, ukatsti jupat llakisipxaniwa, jachapxarakiniwa, sapa yuqall wawa jiwayasiri jaqjama, jan ukax jilïr wawan jiwatapatjama.

Zacarías 14:2

Uka uruw Tatitux taqi markanakar tantachthapini, Jerusalenampi nuwasipxañapataki. Markaru katuntasasti, utanakapat yänakap lunthatsupxani, warminakaparus warmisipxaniwa, chikatpach jaqinakaparux katuntat apapxarakini. Jilt'irinakakiw ukan qhiparani.

Mateo 21:9

Jesusan nayrapa, qhipap saririnakasti, akham sasaw art'apxäna: —¡David reyin Yuqapa, qhispiyapxita! ¡Qullanäpan Tatitun sutipar jutirixa! ¡Alaxpachankir Diosay, qhispiyapxita! —sasa.

Mateo 23:37

“¡Jerusalén, Jerusalén, profetanakar jiwayir marka, Diosan khithanitanakapar qalampi k'upjir marka! ¡Qawqha kutiw nayax wawanakamar anthapiñ munäyäta, kunjämtix wallpax chhiwchhinakap chhiqha manqhipar anthapiski ukhama, ukampis jumanakax janiw munapktati!

Lucas 19:41

Jerusalenar jak'achasisinsti, Jesusax marka uñtasaw jachäna,

Lucas 21:24

Yaqhipanakax nuwasïwin jiwarayatäpxaniwa, mayninakarusti yaqha markanakaruw katuntat apayapxani; Jerusalén markasti yaqha markat jutirinakan t'unjatäniwa, uka jaqinakan markar apnaqañapax tukuskani ukapachkama.

Juan 12:13

Ukatsti palmerat layminak khuchhurasin Jesusar katuqiriw mistunipxäna, akham arnaqt'asisa: —¡Diosaxay, qhispiyapxita! ¡Tatitun sutipar jutirix qullanäpan! ¡Israelan Reyipax qullanäpan! —sasa.