Lucas 13:34 - Qullan Arunaca

³⁴ “¡Jerusalén, Jerusalén, jumajj profetanacarus jiwayta, Diosajj qhitanctam ucanacarus kalampiraquiw c'upjta! ¡Kawkha cutiraquiw nayajj jumanacar anthapiñjj munäyäta, cunjämtejj wallpajj chhiwchhinacapjja chhekhap mankherojj khomjjarusi uqhama, ucampis janiw munctati!

Aymar Bibliia 1986

³⁴ ¡Jerusalén, Jerusalén, jumajj profetanacarus jiwayta, Diosajj qhitanctam ucanacarus kalampiraquiw c'upjta! ¡Kawkha cutiraquiw nayajj jumanacar anthapiñjj munäyäta, cunjämtejj wallpajj chhiwchhinacapjja chhekhap mankherojj khomjjarusi uqhama, ucampis janiw munctati!

Qullan Arunaka DC

³⁴ “¡Jerusalén, Jerusalén, jumax profetanakaruw jiwaytaxa, Diosax khithanktam ukanakaruw qalampi k'upjtaxa! ¡Qawqha kutiw nayax wawanakamar anthapiñ munäyäta, kunjämtix wallpax chhiwchhinakap chhiqha manqhipar anthapiski ukhama, ukampis jumanakax janiw munapktati!

Lucas 13:34 Jak'a apnaqawi uñst'ayäwi

Nehemías 9:26

“Ucampis jupanacajj jan ist'asirinacäpjjänwa, juma contraw tucupjjäna, uqhamarac leyimarusa jisc'achapjjaraquïnwa. Ucjjarusti jiwayapjjänwa profetanacamarojja jupanacar juchañchatapata jumar cutt'anjjañapataqui, ucatjja jach'a juchanacwa juma nayrakatan lurapjjäna.

Nehemías 9:30

Walja maranacawa jupanacarojj pacienciampi uñch'uctajja, ucatsti ajayuma tokes ewjjt'aractawa, uqhamarac profetanacam tokesa; ucampis janiw ist'apcäyätamti, ucatwa catuyaractajja aca orakenquir jakenacan apnakapjjañapataqui.

Salmos 149:2

Israel marcajj utjayiripat cusispan, Sión marcan wawanacapajj Reyipat cusisipjjpan.

Salmos 17:8

Nayarusti, nayranacaman kalaparjamay imita, chhekhanacaman ch'iwipar imantita,

Salmos 36:7

¡Diosay, munasiñamajj muspharcayawa! Chhekhanacamamp imantayasiñataquiw jakenacajj jumar thakapjjtam,

Salmos 57:1

Nayat qhuyapt'ayasit Diosajjay, nayat qhuyapt'ayasita, jumamp arjjatayasiñataquiw thaksma. Jan walt'añ nayat jithekañapcamasti amparamamp imantayasiñ munta.

Salmos 81:13

Marcajjatejj ist'itasapänjja, Israel marcatejj thaquejjanjam sarasapänjja,

Salmos 91:4

chhekhanacapampiw imjjatätam, chhekhanacap mankhäjjan imantasïta. Amparapajj jarc'acasiñar uñtataw imätam.

Isaías 30:15

Tatitusti, Israelan kollan Diosapajj siwa: “Cuttanjjapjjam, samaratäquïpjjaraquim, khespitäsipcätawa. Samarañampin, iyawsañampina ch'amajj utji.” Ucampis jumanacajj janiw munapctati,

Isaías 50:2

¿Cunatsa nayajj jutcta ucapachajj jan qhitirus jicjjatctjja? ¿Cunatsa jawsatajjarojj jan qhitis jaysquitojja? ¿Janit jumanacasti nayan khespiyañajjsti iyawsapcta? ¿Janit amuyctasti nayajj ch'amanïtajja jumanacar khespiyañataquejja? Nayataquejj janiw cunäquis mä aru arsuñajja, uqhamat kotar wañt'ayañataqui, uqhamaraqui jawiranacasa ch'usa wasarar tucupjjañapataqui, uqhamat chawllanacajj umatjam jiwarapjjañapataqui, umatjamasa ñusantapjjañapataquiraqui.

Jeremías 2:30

Inamayaw jumanacan wawanacamarojj mutuytjja, janiraquiw jan wali luratanacapat cuttaniñsa munapcaraquiti, jumanacasti mä khoru leonanacar uñtataraquiw pachpa profetanacamarojj jiwarayapjjtajja.

Jeremías 26:23

ucanacasti Egiptota irptanisinjja Urías profetarojj Joacim reyin amparaparuw catuyapjjaraquïna, reyisti uca profetarojj jiwayatäñapataquiw arsuraquïna, ucat mä jach'a p'iyaru janchipajj jakontatäñapataqui.

Jeremías 35:14

Recab jaken Jonadab sat wawapan wawanacapajj cuntejj awquipajj jaytawaycatayna uca arunacjja phokhapjjewa, jupanacarusti ‘Janipuniw vino umapjjätati’ satänwa, ucatsti jichhürcama janiw umapquiti, nayra awquipan arunacaparu phokhasa, uqhamaraqui uca arunaca ist'apjjatap laycu. Nayasti uca quipcaraquiw jumanacarojj ewjjanaca mayampi, mayampi churapjjsma ucampis jumanacajj janiw nayarojj ist'apquistati.

Jeremías 35:17

Ucatwa, naya Israel Diosapa take ch'amani Diosajj sistjja: Judá oraken uqhamaraqui Jerusalén marcan utjasiri jakenacjjarojja cunayman jan walinacwa apayanëjja, cuntejj jupanacaru yatiycta take ucanaca. Nayasti jumanacarojj parljjayapjjsmawa, ucampis jumanacajj janiw nayarojj ist'apquistati, jumanacarojj jawsapjjsmawa, ucampis jumanacajj janiw jaysapquistati.’ ”

Jeremías 6:16

Tatitojj marcaparojj siwa: “Thaqui jac'anacaru sayt'asipjjam ucatsti uñatatasipjjaraquim, nayra thaquinacat jisct'apjjam; cawquïrisa suma thaquejja ucata; ucatsti uca thaquinjam sarapjjam, ucapachaw samarapjjaraquïta.” Ucampisa jupanacajj sapjjewa: “Janiwa, janiw uca thaquinjam sarapquiristti” sasa.

Lamentaciones 1:16

Take ucanacasti nayarojj jachayituwa, nayrajjasti jachampi phokhantataraquiwa, janiraquiw nayar qhiti chuymachiris utjquiti, janiw nayar qhiti ch'amañchiris utjquiti. Wawanacajjasti t'unjata perkanac taypincasquiwa, uñisirinacasti nanacat sipansa juc'ampi ch'amaniraquiwa.

Lamentaciones 4:13

¡Take ucanacasti profetanacapana, uqhamaraqui sacerdotenacapan juchanacap laycuw lurasi, jupanacasti pachpa marca mankhanwa jan juchani jakeru jiwayapjjaraquïnjja!

Oseas 11:2

Ucampis cunapachatejj nayajj juc'ampi jupar jawsayät ucqhajja, juc'ampiraquiw jupajj nayatjja jayarst'awayi. Marcajjasti c'ari diosanacaruquiw sacrificionac loktasïnjja, yakha diosanacaruquiraquiw incienso nact'ayasïnjja.

Oseas 11:7

Uqhampachas marcajjajj nayat jayancañjja munascaquiwa; arnakasisipcaraquiwa, ucampis janiw qhitis jupanacan arnakasitapjja ist'quiti.

Joel 2:23

¡Sionan utjir jakenaca, cusisipjjam jumanacajja, cusisipjjam Tatitu Diosamana! Jupaw jalljja horasaparu apayanipjjtam, nayra jallu, uqhamarac khepa jallsa, cunjämtejj nayran apayancän uqhama.

Zacarías 1:4

Jan nayra awquinacamjam lurapjjamti, qhitinacarutï nayra profetanacajj naya toket jupanacaru sänjja jan wali sarnakäwinacapa, jan wali luräwinacapa jaytjjañapataqui, ucampis jupanacajja janiw ist'añsa, jaysañsa munapcänti. Naya Tatituw arstjja.

Mateo 22:3

Uywatanacapampisti casarasïwi fiestar jawsayata jakenacwa jawsayani, ucampis jawsayata jakenacajj janiw jutapcänti.

Mateo 22:6

Mayninacasti uca uywatanacarojj catuntasinjja jiwayañcamaw nuwjapjjäna.

Lucas 15:28

Ucampis jilïr jilajj colerasïnwa, ucatsti janiw mantañ muncänti. Uqham jan utar mantañ munatapat, awquipajj mistunisin achict'äna: ‘Mantjjañäniy’ sasa.

Lucas 19:44

Pamparuw tucuyapjjätam. Jakenacamarusti jiwarayapjjaraquiniwa, uqhamaraquiw jupanacajj ni mä kalsa yakha kaljjar uchat jaytapcaniti, Diosajj jumar uñjir jutctam ucqhajj jan catokatam laycu —sasa.

Lucas 23:28

Jesusasti jupanacar uñtasin saraqui: —Jerusalenanquir warminaca, jan nayat jachapjjamti, jan ucasti jumanac pachpata, uqhamarac wawanacamampit jachapjjam.

Hechos 7:52

¿Cawquïr profetanacarus awquinacamajj jan t'akhesiyapcänjja? Ucatsipana mayni asqui jaken jutañapat yatiyirinacarusa jiwayapjjaraquïnwa. Jichhasti jup jutjjepanjja, jumanacajj juparojj catuntasinwa jiwayapjjaractajja.

Hechos 7:59

Estebanajj kalamp c'upjatäcäns ucqhajja, aqham sasaw oracionan mayisïna: “Tatit Jesús, ¡ajayojj catokt'asjjeta!”

Hechos 8:1

Saulojj: “Walic jiwayapjjtajj” sänwa. Uca urutpachaw Jerusalenanquir iglesiajj wali uñisita uñjasïna. Takeniraquiw Judea tokenacaru, Samaria tokenacampirus alisnucutäjjapjjäna. Apostolonacaquiw Jerusalenan kheparjjapjjäna.

Deuteronomio 32:29

Jupanacatejj yatiñanïpjjaspa ucqhajj amuyt'apjjaspawa; ucatsti yatipjjaraquispawa cunanacatï suyqui ucanacsa.

Deuteronomio 5:29

¡Inampich jupanacajj uqham amuyunïpjjaspa, ucatsti jach'añchapjjetaspa, take urunacana camachinacajjsa phokhapjjaraquispa, uqhamatwa wawanacapasa, jupanacasa wiñayataqui sum sarapjjaspa!

Apocalipsis 11:8

Amayanacapasti, cawquintejj Tatitojj ch'accatatäcäna uca jach'a marcan callenacapanwa jiwat jaktatäscani. Uca marcasti mä arunjja Sodoma, uqhamarac Egipto sataraquiwa.

Rut 2:12

¡Diosaw jumar cuttayjjätam! ¡Israel marcan Diosaparu thakctajja ucaw bendicïtam take luratanacamata!