Juan 3:13 - Qullan Arunaka DC

¹³ Janiw khitis alaxpacharux makhatkiti, jan ukasti khititix alaxpachat saraqanki ukakiw makhati, ukasti alaxpachankir Jaqin Yuqapawa.

Aymar Bibliia 1986

¹³ Janiw qhitis alajjpacharojj maqhatquiti, jan ucasti qhititejj alajjpachat sarakanqui ucaquiwa, ucasti Jaken Yokapawa, [alajjpachancaraquiwa].

Qullan Arunaca

¹³ Janiw qhitis alajjpacharojj maqhatquiti, jan ucasti qhititejj alajjpachat sarakanqui ucaquiwa, ucasti Jaken Yokapawa, [alajjpachancaraquiwa].

Juan 3:13 Jak'a apnaqawi uñst'ayäwi

Proverbios 30:4

¿Khitirak alaxpachar makhatasin saraqanisti? ¿Khitirak thayar amparapar q'apxäsispasti? ¿Khitirak lamar qutar isipampi llawuntaspasti? ¿Khitirak uraqin qurpanakap utt'ayisti? ¿Jumax sutip yattati, wawapan sutipsa yatiraktati?

Mateo 28:20

Taqi kuntix nayax jumanakar yatichapksma ukanak phuqhañ yatichapxam. Nayasti sapürupuniw akapachan tukusiñapkam jumanakampïskä —sasa.

Mateo 8:20

Jesusasti juparux sarakïnwa: —Qamaqinakax putunakaniwa, jamach'inakas tapanakanirakiwa, ukampis Jaqin Yuqapan janiw kawkhar p'iqip waynuqt'añapas utjkiti —sasa.

Juan 1:18

Janipuniw Diosarux khitis uñjkiti; ukampis Awkimpi chika jakasir Diosan Yuqapakiw jupar uñt'ayistu.

Juan 17:5

Jichhax Awkixay, juman jak'aman kunjäm jach'a kankañanïkäyättix janïra akapacha utjkipana, uka pachpa jach'a kankañay churxita.

Juan 3:12

Aka uraqin yänakapat parlapksma uktix jan iyawsapkätaxa, ¿kunjämarak alaxpach yänakat parlapxäma uk iyawsapxätasti?

Juan 3:31

Alaxpachat jutirix taqi jaqxankiwa. Akapachat sartiristi akapachankiriwa, akapach yänakatarak parli. Ukampis khititix alaxpachat jutki ukax taqi jaqinakxankiwa,

Juan 6:33

Diosax churki uka t'ant'ax alaxpachat saraqani, jupasti akapacharux jakañ churaraki —sasa.

Juan 6:38

Nayasti janiw alaxpachat munañax lurasir jutkti, jan ukasti, khithankitu uka Awkixan munañap luririw jutta.

Juan 6:42

Sapxarakïnwa: —¿Janit jupasti Josean Jesús yuqapäkisti? Jiwasanakax awkiparusa, taykaparus uñt'apxtanwa. ¿Kamisarak sanisti: “Alaxpachat saraqanta” sasasti?

Juan 6:46

Janiw khitis Awkirux uñjkiti; jan ukasti, khititix Diosat jutki ukakiw jupar uñji.

Juan 6:51

Nayätwa alaxpachat saraqanir jakañ churir t'ant'axa; khititix aka t'ant'at manq'kani ukax wiñayatakiw jakani. Nay churkä uka t'ant'ax nayan janchixawa, uksti akapachan jakañanïñapatakiw churä —sasa.

Juan 6:62

Ukhamasti ¿kunarakïspa Jaqin Yuqapar kawkhantix nayrax utjkän ukar makhatir uñjapxasma ukasti?

Juan 8:42

Jesusasti jupanakarux sänwa: —Chiqpachan Diosatix awkimäspa ukaxa, jumanakax munapxitasmawa, nayax Diosat jutta ukat akankarakta. Janiw nayax munañaxat jutkti, jan ukasti Diosaw nayarux khithanitu.

Hechos 2:34

Janiw Davidax alaxpachar makhatkänti, ukampis jupa kipkaw säna: “Diosax Mesías Tatituxar siwa: Kupïxaxar qunt'asim,

Hechos 20:28

Ukhamasti, jumanak pachpa amuyasipxam, iyawsirinakarus taqpachanir uñjapxarakim, Qullan Ajayuw jumanakar Tatitun iglesiap awatipxañamatak uchapxtam, wilapampiw uka iglesiap alasiwayi.

Romanos 10:6

Ukampis iyawsañxar utt'ayat chiqa kankañatxa akham siwa: “Jan chuymaman samti: ¿Khitirak alaxpachar makhatanisti?” sasa, ukax Cristor saraqayaniñatakiwa;

1 Corintios 15:47

Nayrïr chachax laq'at luratänwa; payïr chachasti alaxpachat jutiriwa.

Efesios 1:23

Ukhamasti iglesiax Criston janchipar uñtatawa, iglesiax Cristot aski kankañap katuqi, Cristox taqi kun phuqt'araki.

Deuteronomio 30:12

Janiw alaxpachankkiti, juman sañamataki: ‘¿Khitis jiwas lanti alaxpachar makhataspa, ukatsti apaqanisin jiwasar uñacht'ayistaspa ukat ukarjam sarnaqañasatakisti?’ sasa.