Juan 3:13 - Aymar Bibliia 1986

¹³ Janiw qhitis alajjpacharojj maqhatquiti, jan ucasti qhititejj alajjpachat sarakanqui ucaquiwa, ucasti Jaken Yokapawa, [alajjpachancaraquiwa].

Qullan Arunaca

¹³ Janiw qhitis alajjpacharojj maqhatquiti, jan ucasti qhititejj alajjpachat sarakanqui ucaquiwa, ucasti Jaken Yokapawa, [alajjpachancaraquiwa].

Qullan Arunaka DC

¹³ Janiw khitis alaxpacharux makhatkiti, jan ukasti khititix alaxpachat saraqanki ukakiw makhati, ukasti alaxpachankir Jaqin Yuqapawa.

Juan 3:13 Jak'a apnaqawi uñst'ayäwi

Proverbios 30:4

¿Qhitis alajjpacharu maqhati, sarakanisa? ¿Qhitis thayarojj amparapar k'apjjäsispajja? ¿Qhitis lamar kotarojj isipampi llawuntaspajja? ¿Qhitis oraken korpanacapjja utt'ayejja? ¿Jumajj yattati jupan sutipjja, uqhamarac wawapan sutipsa?

Mateo 28:20

Yatichapjjaraquim take cuntejj nayajj jumanacar yatichapcsma ucanaca phokhaña. Amtasipjjapunim, nayajj sapürupuniw jumanacampïscta acapachan tucusiñapcama.”

Mateo 8:20

Jesusasti juparojj saraquïnwa: —Kamakenacas putunacaniwa, jamach'inacasti tapanacaniraquiwa, ucampis Jaken Yokapajj janiw cawqharu p'ekepa samart'añataquis mä chekajj utjquiti —sasa.

Juan 1:18

Janiw cunapachas Diosarojj qhitis uñjquiti, ucampis mä sapa Yokapa, cawquïritejj Awquipa jac'ana kont'atäquis ucawa uñt'ayistu cunjamäquitejj Diosajj ucjja.

Juan 13:3

Jesusasti yatïnwa Diosat jutatapa, uqhamarac Diosar cutt'jjañapsa, ucatsti Awquina take munañanïña cancañ churatapsa yatiraquïnwa.

Juan 17:5

Jichhajj Awqui, utjäwimanjja cunjäm jach'a cancañamanccäyättejj janïra aca orake utjquipana, uca pachpa jach'a cancañay churjjeta.

Juan 3:12

Aca oraken yänacapat parlapjjsma ucsti janiw iyawsapquistati, ¿Cunjämaraqui iyawsapjjetasmasti alajjpacha yänacat parlapjjerisma ucsti?

Juan 3:31

“Qhititejj alajjpachat jutqui ucajja take jakenacjjanquiriwa. Qhititejj acapachat jutqui ucajja, acapachanquiriwa, acapachan yänacapataracwa parli. Ucampis qhititejj alajjpachat jutqui ucajja take jakenacjjanquiwa.

Juan 6:33

Diosajj t'ant'a churqui ucajja, alajjpachatwa sarakani, jupasti acapacharojj jacañwa churaraqui —sasa.

Juan 6:38

Nayasti janiw alajjpachat munañajj lurasir jutcti, jan ucasti qhitanquitu ucan munañap luririw jutta.

Juan 6:42

Sapjjaraquïnwa: —¿Janit acasti Josean Jesús yokapäqui? Jiwasanacajj awquiparus taycaparus uñt'tanwa. ¿Cunats uqham parli: “Alajjpachat sarakanta” sasajja?

Juan 6:46

Janiw qhitis uñjquiti Awquirojja, jan ucasti qhititejj Diosat jutqui ucaquiw jupar uñji.

Juan 6:51

Nayätwa alajjpachat sarakanir jacañ churir t'ant'ajja. Qhititejj aca t'ant'at mank'cani ucajja wiñayataquiw jacani. Naya churcä uca t'ant'ajja nayan janchejjawa; ucsti churäwa acapachajj jacañanïñapataqui —sasa.

Juan 6:62

Uqhamasti ¿cunas pasaspa Jaken Yokaparu cawquinccäntejj ucaru maqhatquiri uñjapjjasma ucajja?

Juan 8:42

Jesusajj jupanacarojj sänwa: —Chekpachan Diosajj awquimäspa ucajja, jumanacajj munapjjetasmawa, nayasti Diosatwa jutta ucatwa acancaractjja. Janiw nayajj munañajjatti jutctjja, jan ucasti Diosaw nayaru qhitanitu.

Hechos 2:34

Chekpachansa janiw Davidajj alajjpachar maqhatcänti. Ucampis jupa quicpaw säna: Tatitojj Tatitojjarojj siwa: “Cupëjjajjar kont'asim,

Hechos 20:28

Uqhamasti jumanac quicpa amuyasipjjam, take iyawsirinacarus uñjapjjaraquim. Ucataquiw Kollan Ajayojj Tatitun iglesiap uñjapjjañamataqui ajllipjjtamjja. Tatitusti wilapampiw uca iglesiap alasiwayi.

Romanos 10:6

Ucampis cunjämtejj Diosampi catokatäcaspa iyawsäwi toke ucatjja aqham siwa: “Jan chuymamanjja samti ¿qhitirac alajjpach marcarusti maqhatani? sasa, ucasti Cristo sarakayaniñataquiraquiwa.

1 Corintios 15:47

Nayrïri jakejj lak'at luratajja lak'änwa; ucjjar jakëqui ucasti Tatituwa, alajjpachanquiriraquiwa.

Efesios 1:23

Uqhamajj iglesiajj pachpa Criston cuerpopawa, Cristojj take cunawa, Cristojj take cunwa phokt'araqui.

Deuteronomio 30:12

Janiw alajjpachanccaraquisa, juman sañamataquejja: ‘Qhitis alajjpacharu maqhataspa jiwas lanti, ucatsti apakanispa, jiwasaru uñacht'ayañataqui uqhamaru sarnakañataqui’ sasa.