Juan 3:14 - Qullan Arunaka DC

¹⁴ Kunjämtix Moisesax wasaran katari aptäna, ukhamarakiw Jaqin Yuqapax aptatäñapa,

Aymar Bibliia 1986

¹⁴ Cunjämtï Moisesajj wasaran catari aptäna, uqhamaraquiw Jaken Yokapajj aptatäni.

Qullan Arunaca

¹⁴ Cunjämtï Moisesajj wasaran catari aptäna, uqhamaraquiw Jaken Yokapajj aptatäni.

Juan 3:14 Jak'a apnaqawi uñst'ayäwi

2 Reyes 18:4

Jupaw qullu patanakan yupaychañ chiqanak apaqäna, yupaychañ qalanaksa jisk'a jisk'a tukjäna, Astarté diosan lantinakapsa taqpach p'akiräna, ukatsti Moisesax broncet mä katari lurkatayna uksa jisk'a jisk'a tukjarakïna; uka urunakkamasti israelitanakax inciensonak uka katarir yupaychasin nakhayapxäna, Nehustán sasaw sutichapxarakïna.

Salmos 22:16

16 (17) Jan wali jaqinakax anunakjamaw q'al muyuntitu; amparanakaxsa, kayunakaxsa q'al jurqhiritu.

Isaías 11:10

Uka uru purinkan ukkhasti, Davidat mayni saraqiripaw uka marka apnaqañatak qunt'asini, taqi markanakaruw mayawjar tantacht'ani. Markapasti jach'ar aptatäña, ch'amanirakiw tukuni.

Mateo 26:54

Ukhamäspa ukasti, ¿kunjämatarak phuqhasiñapäki uka Qillqatanakasti phuqhasispasti? —sasa.

Mateo 8:20

Jesusasti juparux sarakïnwa: —Qamaqinakax putunakaniwa, jamach'inakas tapanakanirakiwa, ukampis Jaqin Yuqapan janiw kawkhar p'iqip waynuqt'añapas utjkiti —sasa.

Lucas 24:20

ukampis sacerdotenakan jilïrinakapampi, jiwasan jilïrinakasampix jiwayañatakiw juchañchapxi, mä cruzarurakiw ch'akkatapxi.

Juan 18:32

Ukhamaw Jesusan arsutapax phuqhasïna, kunjämtix jiwañapäkän ukxata.

Juan 6:51

Nayätwa alaxpachat saraqanir jakañ churir t'ant'axa; khititix aka t'ant'at manq'kani ukax wiñayatakiw jakani. Nay churkä uka t'ant'ax nayan janchixawa, uksti akapachan jakañanïñapatakiw churä —sasa.

Juan 8:28

Ukat Jesusax jupanakar säna: —Kunapachatix jumanakax Jaqin Yuqapar cruzar ch'akkatapkäta ukkhaw khitïktix nayax uk yatipxäta, jan kunsa nayan munañaxat lurataxa; kuntix Awkix yatichkitu uk arsutaxsa yatipxarakïta.

Hechos 2:23

Uka chacharusti Diosan amtataparjam arsutaparjamaw katuyat uñjasïna; jumanakasti jucharar jaqinakan amparanakap tuqiw jiwayapxtaxa, mä cruzar ch'akkatasa.