Juan 2:18 - Qullan Arunaka DC

¹⁸ Judionakasti uk uñjasax Jesusaruw jiskt'apxäna: —¿Kuna munañanïñampirak ak lurtasti? —sasa.

Aymar Bibliia 1986

¹⁸ Uca pasatatsti judionacajj jisct'apjjänwa: —¿Cuna munañampitï acanac lurcta ucatjja uñachayapjjetasmati? —sasa.

Qullan Arunaca

¹⁸ Uca pasatatsti judionacajj jisct'apjjänwa: —¿Cuna munañampitï acanac lurcta ucatjja uñachayapjjetasmati? —sasa.

Juan 2:18 Jak'a apnaqawi uñst'ayäwi

1 Reyes 13:3

Ukürpachaw profetax muspharkay mä chimpu uñacht'ayäna. Sarakïnwa: “Tatitun yatiyat qhanañchäwi chimpupax akawa: Altarax jisk'a jisk'aruw tukuni; uka altar patxankki uka qhillasti willitattaniwa” sasa.

Éxodo 7:9

—Faraonatix “mä muspharkañ luräwi lurapxam” sapxätam ukaxa, jumax Aaronaruw säta: “Thujrum faraonan nayraqatapar liwnuqam” sasa, ukhamat uka thujrux mä katarir tukuni —sasa.

Mateo 21:23

Uka qhipatsti, Jesusax Tatitun utaparuw mantäna. Ukan yatichkipansti, sacerdotenakan jilïripampi, judionakan jilïripampiw jupar jak'achasisin jiskt'apxäna: ¿Kuna munañanïñampis jumax uk lurtaxa? ¿Khitirak uka munañanïñ churtamsti? —sasa.

Marcos 8:11

Fariseonakax Jesusan ukar purinisax jupampiw jiskhintasipxäna. Jesusar yant'añatakisti, mä unañcha uñacht'ayañapatakiw mayipxäna, ukampix Jesusan Diosat jutatap uñacht'ayañapataki.

Lucas 11:29

Jaqinakasti Jesusan jak'aparuw arunakap ist'añatak tantacht'asïna, ukat jupax parlañ qalltäna: “Jichha urunakan jaqinakax wali qhurüpxiwa; jupanakasti mä unañcha mayipxi, ukampis janiw Jonasan unañchapat sipan yaqha unañchampix churaskxaniti.

Juan 1:19

Jerusalenankir judionakax Juanan ukaruw sacerdotenakampiru levitanakampir khithapxäna, khitïpachasa jupax uk jiskt'ayiri.

Juan 1:25

Juanarusti jiskt'apxänwa: —Ukhamasti jan Cristöksta, jan Eliasäksta, janirak profetäksta ukax, ¿kunatarak bautistasti? —sasa.

Juan 6:30

Ukatsti jiskt'asipkakïnwa: —Nanakan jumar iyawsañatakisti, ¿kuna unañchäwinakarak uñachayapxitasmasti? ¿Kunarak luräwinakamasti?

Hechos 4:7

Ukatsti Pedrompiru, Juanampiruw irptayanipxäna, ukatsti jupanak taypir puriyanisin, jiskt'apxäna: —¿Kuna ch'aman kankañampisa, jan ukax, khitin sutipxarus jumanakax akanak lurapxtaxa? —sasa.

Hechos 5:28

—Nanakax qhan jumanakarux sapxsma, uka Jesusxat janipun yatichapxañamataki. Jichhasti, ¿kunarak lurapxtasti? Jumanakax Jerusalén markpacharuw uka yatichäwinakamamp phuqhantayapxtaxa, ukhamarus nanakarukiw uka jaqin jiwatapat juchañchañ munapxistaxa —sasa.