Juan 2:19 - Qullan Arunaka DC

¹⁹ Jesusasti jupanakarux sarakïnwa: —Tatitun aka utap t'unjapxam, nayasti kimsürun wasitat sayt'ayä —sasa.

Aymar Bibliia 1986

¹⁹ Jesusasti saraquïnwa: —T'unthapipjjam aca templo, nayasti quimsürunwa machakat sayt'ayä —sasa.

Qullan Arunaca

¹⁹ Jesusasti saraquïnwa: —T'unthapipjjam aca templo, nayasti quimsürunwa machakat sayt'ayä —sasa.

Juan 2:19 Jak'a apnaqawi uñst'ayäwi

Mateo 12:40

Kunjämtix Jonasax kimsa urumpi kimsa arumampix mä jach'a chawllan purakapankänxa, uka kipkarakiw jaqin Yuqapax kimsa urumpi kimsa arumampi uraq manqhankani.

Mateo 16:21

Jesusax uka urut qalltasin yatiqirinakaparux kunatix jupampi luraskani uk qhanañchañ qalltäna, sarakïnwa: “Jerusalén markar sarañaxaw wakisini, ukansti marka apnaqir jilïrinakampi, sacerdotenakan jilïrinakapampi, kamachi yatichirinakampiw wal t'aqhisiyapxitani. Ukan nayarux jiwayapxitani, ukampis kimsüru jiwatat jaktanï” sasa.

Mateo 27:40

akham sasa: —¡Jumax Tatitun utap t'unjasax kimsürun sayt'ayañ munäyätaxa! ¡Diosan Yuqapästa ukax, jumapach qhispiyasim, cruzatsa saraqanirakim! —sasa.

Mateo 27:63

sapxarakïnwa: —Tata, jakaskän ukkhax kuntix uka k'ari jaqix siskäna uk amtasipxta, jupasti sänwa: “Kimsürut jaktawayxä” sasa.

Marcos 14:58

—Nanakax aka jaqirux akham siri ist'apxta: “Nayaw jaqin lurat aka Tatitun utap tinkuyä, ukatsti kimsürut jaqin jan lurat yaqha uta sayt'ayarakï” —sasa.

Marcos 15:29

Uka chiq saririnakasti Jesusarux tuqipxänwa, p'iqinakap khiwisaw sapxäna: —¡Jumax Tatitun utap t'unjasin kimsürut sayt'ayañakxay munchïyätaxa,

Marcos 8:31

Ukxarusti Jesusax yatiqirinakaparuw yatiyañ qalltäna, sarakïnwa: “Naya, Jaqin Yuqapax walpun t'aqhisï. Jilïr jaqinakampi, jilïr sacerdotenakampi, kamachi yatichirinakampiw nayatak sayt'asipxani. Jiwayapxitaniwa, ukampis kimsürut jaktanxä” sasa.

Juan 11:25

Ukat Jesusax sarakïna: —Nayätwa jiwatat jaktañasa, jakañasa. Nayar iyawsirix jiwkanisa, jakaskakiniwa;

Juan 5:19

Jesusasti jupanakarux sänwa: “Qhanak sapxsma, Diosan Yuqapax janiw kunsa jupa pachpat lurkaspati, jan ukasti, kuntix Awkix lurki ukarak luri.

Hechos 2:24

Ukampis Diosax Jesusar jaktayiwa, jiwañar atipjayasa, jiwasti jupar atipañatak janiw kuna ch'amanïkänsa.

Hechos 2:32

Uka Jesusaruw Diosax jiwatat jaktayi, uksti taqiniw sum uñjapxtan.

Hechos 3:15

Ukham jumanakax jakañ churirirux jiwayapxtaxa. Ukampis Diosaw juparux jiwatanak taypit jaktayi, uksti nanakaw uñjapxta.

Hechos 3:26

Diosax Yuqapar jiwatat jaktayasinxa, jumanakaruw nayraqat khithanipxtam, aski waxt'äwinak jumanakar churiri, ukhamat sapaqat mayni jan wali luräwinakam apanukupxañamataki.”

Hechos 6:14

Ukxarusti Nazaretankir Jesusat akham parlir ist'apxta: Jupax Tatitun utap t'unjani, ukatsti Moisesan jaytat saranaksa mayjt'ayarakiniwa —sasa.

Romanos 4:24

jan ukasti, jiwasanakat qillqasirakïna. Diosax jiwasan iyawsäwis uñt'araki, jiwasatix Jesucristo Tatitusar jaktayir Diosar iyawsañän ukkhaxa,

Romanos 6:4

Bautismo tuqiw Cristompix p'amp'achatäxtan, ukatsti jiwatäxaraktanwa, ukat jaktasin machaq jakäwin jakxañataki, kamisatix Cristox Dios Awkin qhapaq ch'amapamp jaktayatäkän ukhama.

Romanos 8:11

Jesusar jaktayki uka Ajayux jumanakan jaki, uka pachpa Cristor jaktayir Ajayux jiwir janchinakamarux machaq jakañ churani, jumanakan jakki uka Diosan Ajayup tuqi.

1 Corintios 15:12

Criston jiwatat jaktataptix jiwasax yatiystanxa, ¿kunatarak jumanakat yaqhipanakasti jiwatanakax janiw jaktapkiti sas parlapxisti?

Colosenses 2:12

Kunapachatix jumanakax bautismo katuqapkta ukkhasti, Cristomp chik p'amp'antataw uñjasipxtaxa, ukatsti jupamp chika jaktayatäpxaraktawa, Tatitur jiwatat jaktayir ch'aman Diosar iyawsapxatam layku.

1 Pedro 3:18

Cristox mä kutikiw juchanakas pampachañatak jiwawayi. Jupax aski jaqïnwa, ukampis juchararanak laykuw t'aqhisiwayi, ukhamat jiwasanakar Diosan ukar irpkatañataki. Jupax janchin jiwawayi; ukampis ajayun jakxañatakiw jaktaniwayi,