Joel 2:16 - Qullan Arunaka DC

¹⁶ Tatitun markapar tantacht'apxam, ukatsti q'umachapxarakim; chuyman jaqinakaru, wawanakaru, ñuñuskir wawanakamppachar tantacht'apxam. ¡Jichha jaqichasirinakas jaqichasiñ utapat mistunipxpan!

Aymar Bibliia 1986

¹⁶ Diosan marcaparusti tantacht'apjjam, ucatsti k'omachapjjaraquim; tantacht'apjjam chuyman jakenacaru, wawanacaru, ñuñusquiri wawanacamppacharu. Jichha casarasirinacasa mistunipjjpan casarasïwi utanacapatjja.

Qullan Arunaca

¹⁶ Diosan marcaparusti tantacht'apjjam, ucatsti k'omachapjjaraquim; tantacht'apjjam chuyman jakenacaru, wawanacaru, ñuñusquiri wawanacamppacharu. Jichha casarasirinacasa mistunipjjpan casarasïwi utanacapatjja.

Joel 2:16 Jak'a apnaqawi uñst'ayäwi

2 Crónicas 20:13

Taqpach Judá markaw Tatitun nayraqatapan sayt'ata jikxatasipxäna, warminakasa, wawanakasa, jisk'a wawanakamppach kuna.

2 Crónicas 29:5

jupanakarusti sänwa: “Levitanaka, ist'apxita: jichhpach q'umachasipxam, nayra awkinakaman Tatit Diosapan utap qullanañchapxarakim. Qullan chiqawjat taqi kunatix q'añüki ukanak apsupxam.

2 Crónicas 30:17

Uka tantachäwi taypinkir jaqinakasti waljaniw jan q'umachasipkataynati, ukat levitanakax Pascua urutaki uywanak jiwayapxäna, khitinakatix jan q'umachasipkatayna ukanakan uywanakapa, ukhamat Tatitur luqtatäpxañapataki.

2 Crónicas 30:19

nayra awkinakapan Tatit Diosapa, janisa jupanakax qullana utan saräwiparjam q'umachasipkchi ukasa” sasa.

2 Crónicas 35:6

Pascua uruyañataki mä maran urqu oveja jiwayasin luqtapxam, q'umachasipxam, ukatsti kunatix wakiski uk wakichapxam, ukhamat jilanakaman kuntix Tatitux Moisés tuqi iwxawayki uk phuqhapxañapataki” sasa.

Job 1:5

Uka manq'äwi qhipatsti, Job chachax wawanakap jawsayasinxa, wali willjtat sartasin nakt'at wilañchanak luqtirïna, ukhamat sapa mayni jupanakan juchanakapat q'umachatäñapataki, jupax chuymapan sänwa: “inampisa wawanakaxax jucha lurapxchi chuymanakapan Tatitur ñanqhachasina” sasa.

Salmos 19:5

5 (6) intisti jaqichasir waynjamaw utapat misttani, jalir jaqjamaw thakhip jalañatakix kusisi.

Éxodo 19:10

Tatitusti Moisesarux saskakïnwa: —Saram, ukatsti markar wakichanim jichhüru, qharüru jupanakax q'umachasipxpan. Isinakap t'axsusipxpan,

Éxodo 19:15

Moisesasti jupanakar sänwa: —Jurpürutak sum wakichasipxam, ukchañkamasti warminakamamp jan mayachasipxamti —sasa.

Éxodo 19:22

Nayar jak'achasir sacerdotenakas q'umachasipxpan, jan ukhamäkaspa ukax, jupanakas jiwapxarakispawa —sasa.

Joel 1:14

Markarusti tantacht'apxam, ayuno lurapxam; jilïr jaqinakaru, aka markan jakir taqi jaqinakarusa, Tatit Diosapan utapar tantachapxam, Tatitut mayisipxarakim.

Mateo 21:16

ukat Jesusarux sapxäna: —¿Uka wawanakan arnaqasitap ist'tati? —sasa. Jesusasti jupanakarux sarakïnwa: —Jïsa, ist'twa. Ukampis, ¿janit uka tuqit qillqatanak uñxatapktasti? Ukasti akham siwa: ‘Jisk'a wawanakan lakapata, ñuñuskir wawanakan lakapata, jach'añchañ arunak mistuytaxa’.

Mateo 9:15

Jesusasti sarakïnwa: —¿Jaqichasïwir jawsayat jaqinakax jaqichasir waynan ukankaskatapat llakitakïpxaspati? Ukampis jaqichasir waynar irpasxañ urux purininiwa; ukkhaw ayuno lurañax wakisini.

1 Corintios 7:5

Ukalayku, jan jumanak purax “janiw” sasipxamti, wakischi ukax arust'asipxam mä juk'a pacha jan jak'asiñataki, uka urunakan Diosat mayisiñataki. Uka qhipatsti wakisiw mayachasipxañama; inampis maynix janchipar jan atipirjamäsax, Supayax juchar puriychispa.

Josué 7:13

Sartasim, ukatsti Israel markar tantacham. Jupanakasti wakichasipxpan, nayan nayraqataxan qharüru uñstapxañapataki. Naya, Israelan Tatitu Diosapaw akham arsta: ‘Jumax Israel marka, kunatix taqi tukjatäñapäkän ukat apaqastaxa, janitix jumax ukanak tukjkäta, jaqunukkarakïta ukaxa, janiw uñisirinakamarux saykatkasmati.’

Josué 8:35

Josué chachax Israel marka nayraqatan kawkïr arunaktix Moisesax jaytawaykatayna uka arunak taqpach ullart'äna, jupanak taypinsti warminaka, wawanaka, jayat jutir jaqinakaw ukankapxäna.

1 Samuel 16:5

Samuelux sarakïnwa: —Jïsa, sumankañampiwa. Tatituru mä wilañcha luqtiriw jutta. Jichhax q'umachasipxam, ukatsti nayamp chika wilañcha luqtir sarapxam —sasa. Ukatsti Samuelux jank'akiw Jesé chachampiru, yuqanakapampirux q'umachäna, ukatsti wilañcha luqtir sarañatakiw jawsarakïna.