Joel 2:17 - Qullan Arunaka DC

¹⁷ Sacerdotenakasti jachapxpan, Tatitur luqtirinakas altarap nayräxan mayipxarakpan: “Dios Tata, markamarux juchanakapat pampacham; janikiy markamat khitin larusiñapsa munamti, yaqha markanakan markamar apnaqañapsa janirak munamti, Diosar jan uñt'ir jaqinakan jan saskañapataki: ‘¿Kawkinkarak Diosamasti?’ ” sasa.

Aymar Bibliia 1986

¹⁷ Sacerdotenacasti jachapjjpan, Tatitur sirvirinacasa Tatitun altarap nayräjjansti sapjjaracpan: ‘Dios Tata, marcamarojj perdonam; janirac munamti marcamatjja qhitin larusiñapsa, uqhamaraqui jan munamti yakha nacionanacan marcamar apnakañapsa, Diosar jan uñt'ir jakenacana jan sasipcañapataqui: ¿Cawquincarac Diosapasti?’ sasa.”

Qullan Arunaca

¹⁷ Sacerdotenacasti jachapjjpan, Tatitur sirvirinacasa Tatitun altarap nayräjjansti sapjjaracpan: “Dios Tata, marcamarojj perdonam; janirac munamti marcamatjja qhitin larusiñapsa, uqhamaraqui jan munamti yakha nacionanacan marcamar apnakañapsa, Diosar jan uñt'ir jakenacana jan sasipcañapataqui: ‘¿Cawquincarac Diosapasti?’ ” sasa.

Joel 2:17 Jak'a apnaqawi uñst'ayäwi

1 Reyes 6:3

Nayräxa tuqit mantañ punkusti sayt'urux llätunka metroni, iranarusti pusi metro chikatanïnwa.

1 Reyes 9:7

nayax Israel markarux jupanakar churat uraqitxa apanuküwa, qullanañchkta uka qullan utsa nayraqataxat apanuküwa, Israel markasti taqi markanakatakis larusiñatakïniwa.

2 Crónicas 7:20

jumanakarux kawkïr uraqtix churapksma ukat apanukupxämawa, nayax kawkïr uttix yaqhachaskta uksa apanukurakïwa, ukatsti taqi markanakaw jumanakat larusipxani.

2 Crónicas 8:12

Salomonax Tatitun utap mantañawja nayräxan Tatitun altarap luraykatayna uka patxaruw nakt'at wilañchanak Tatitur luqtirïna,

Nehemías 9:36

“Jichhürusti nanakax t'aqhisiyat jaqir tukuyatäpxtwa, kawkïr uraqtix nayra awkinakaxaru churkta, achunakapata, utjirinakapat manq'asipxañapataki uka uraqina.

Salmos 115:2

¿Kunatarak ñanqha lurir jaqinakast jiskhisipkitani: “Kawkinkarak Diosamasti” sasasti?

Salmos 42:10

10 (11) Timanakaxan sawkasitanakapatxa, ch'akhanakaxamppachaw usutu, sapa kutiw jiskhipxitu: “¿Kawkinkarak Diosamasti?” sasa.

Salmos 42:11

11 (12) ¿Kunatarak chuym mayjt'ayasïsti? ¿Kunatarak llakthaptästi? Diosarukiw nayax suyt'ä, juparukiw yupaycharakï. ¡Jupaw Qhispiyirixaxa, Diosaxasa!

Salmos 42:3

3 (4) Urus arumas jachaxakiw manq'añaxaxa, ukchañkamasti uñisirinakaxax wal jiskhipxitu: “¿Kawkinkarak Diosamasti?” sasa.

Salmos 42:4

4 (5) Ukanakxat amthapisisasti, jan chuymachkayaw jachta. Diosan utapar jaqinakar irpataxat amtasta, q'uchunakampi, yuspagarañanakampi. ¡Khä urunakax kusiskañ urunakänwa!

Salmos 74:10

Diosaxay, ¿kunapachkamarak nanakar uñisirinakasti t'aqhisiyapxitanisti? ¿Kunapachkamarak sutim jisk'achapxanisti?

Salmos 79:10

¿Kunatarak jucharar jaqinakast sasipkani: “Kawkinkarak Diosapasti?” sasa. Nanakan uñjkañay Diosar jan uñt'irinakax mutupxpan, chiqpach arkirinakamar jiwayapxatapat t'aqhisipxarakpan.

Salmos 79:4

Nanak jak'an utjir markanakan phiskasiñapäpxtwa; nanakar muyuntirinakan larusiñapäpxaraktwa.

Salmos 89:41

41 (42) Taqi jaqiw uka chiq sarakipasax lunthatji; marka jak'a masinakapasti jupat larusipxi.

Salmos 89:51

51 (52) Tatay, ¡timasirinakamax ukham t'aqhisiyapxitu!; ¡ajllitamarux sapa kutiw ukham jisk'achapxi!

Éxodo 34:9

—¡Tatay! ¡Tatay! Chiqpachapun khuyapayasiñam jikxatsta ukax, nanakamp chikay saram. Chiqpachansa aka jaqinakax jan ist'asirïpxiwa, ukampis nanakan juchanakaxata, jan wali luratanakaxatsa pampachapxitaya, jumatakjam tukt'ayasay katuqt'asxapxita —sasa.

Isaías 22:12

Uka urusti taqi ch'aman Tatitux jachapxañamataki, wararipxañamatakiw jawsapxtam, p'iqinakamsa q'ararasipxañamataki, ayquñ uñacht'ayañatakisti chhankha isinakamp isthapisipxañamataki.

Isaías 37:20

Nanakan Dios Tatituxay, munañan asirionakat qhispiyapxita, ukhamat taqi markanakax juman sapa Diosakïtam yatipxani” sasa.

Ezequiel 20:9

Ukampis sutixan jach'ätap laykuw Egiptot irpsunta, ukhamat yaqha markanak nayraqatan sutixan jan jisk'achatäñapataki, kawkïr markanak taypintix israelitanakax jakapkän uka markanak nayraqatana, uka markanak nayräxan jupanakarux uñstäyäta, Egiptot irpsunxañatakis arsurakïyäta.

Ezequiel 8:16

Ukatsti jupax Tatitun utapan manqhäxa chiqaruw irparakitu, ukatsti Tatitun qullan utjäwipar mantañäki uka chiqa, altaräkis uka chiqa taypinsti, pä tunka phisqan jaqinak uñjta, jupanakax Qullan Chiqa satäkis ukatxa, qhipa tuqir uñtata, inti jalsu tuqir uñtasin alt'ataw intir yupaychasipkäna.

Oseas 14:2

2 (3) Tatitur kuttanxapxam, akham mayt'asisa: “Taqi ñanqha luratanakaxat pampacht'apxita, nanakan jumar yupaychatanakaxsa, suma chuymampirak katuqt'apxita.

Joel 1:13

Sacerdotenaka, Tatitun altarapan irnaqirinaka, chhankha isinakampi isthapisipxam, llakisiñat jachapxarakim, Tatitun utapanxa trigosa, vinosa waxt'äwi churañatakix janiw utjkxiti.

Joel 1:9

ukhamaw sacerdotenakax jachapxi, Diosan utapanxa janiw vinos, trigos Tatitur luqtañatakix utjkxiti.

Amós 7:2

Kunapachatix t'iju t'ijunakax qhipa ch'uxñanakamppacha manq'antkäna ukkhaw sista: —¡Tatay, pampacht'apxita! ¿Kamisarak taqi akanak mutupxästi? Nanakax mä jisk'a markakïpxstxaya —sasa.

Amós 7:5

Ukat Tatitur mayta: —Tatay, suyt'akim, ¿kamisarak Jacob jisk'a markamasti uka taripäwim mutunisti? —sasa.

Miqueas 7:10

Uñisirixas ukxa uñjarakiniwa, ukasti p'inqachjatarakïniwa. Uñisirixasti nayarux sarakitänwa: “¿Kawkinkarak Tatit Diosamasti?” sasa, ukampis nayatakix jupar ñiq'ir uñtat takichasita uñjañax sumäniwa.

Malaquías 1:9

Jumanakasti jichhax Diosaruy mayisipxam, jiwasat khuyapt'ayasiñapataki. Ukampis jumanakatix ukhama jan wali waxt'äwinak churasipkäta ukkhaxa, jan amuyapxamti Tatitun uka waxt'äwinaka suma chuymampi jumanakat katuqasitapa.

Números 25:6

Ukampis Moisesampi israelitanakampix qullan utjäwir mantañan jacht'asisa jikxatasipkän ukchañkamasti, mä israelita jaqix chujllaparuw mä madianita warmir jupanakan uñjkat irpantasiskäna.

Mateo 23:35

Ukhamasti jan juchan jaqinakan jiwaratapat jumanakaw juchañchatäpxäta, Abel sat aski jaqit qalltasa, Berequiasan Zacarías sat yuqapkama, juparusti jumanakaw Diosan utap altar taypin jiwayapxtaxa.

Mateo 27:43

Diosaruxay jupax alkatchixa, munaschi ukax jichhax jupar qhispiypanaya. Jupasti: “Diosan Yuqapätwa” sischixaya —sasa.

Deuteronomio 28:37

Ukatsti kawkha markarutix Diosax irpkätam uka markanakan p'inqachata, axtasita, jaqin parlasitaw sarnaqäta.

Deuteronomio 32:27

Ukampis uñisirinakaxampi jan lart'ayasiñ laykuw jan lurkti; uñisirinakaxan jach'a jach'a tukuñapsa munkaraktti, jupanakax sapxaspawa: Jiwasaw ch'amasamp atipjtanxa; janiw Diosax taqi ukanak lurkiti’ sasa.

Josué 7:9

Cananeonakasa, uka chiqan jakir jaqinakasa ukanak yatipxaniwa, ukatsti jupanakax mayacht'asisin nanakar chhaqtayañkamaw tukjapxitani. Jumasti, ¿kunarak luräta jach'a sutiman jan p'inqachatäñapatakisti? —sasa.