Joel 2:16 - Qullan Arunaca

¹⁶ Diosan marcaparusti tantacht'apjjam, ucatsti k'omachapjjaraquim; tantacht'apjjam chuyman jakenacaru, wawanacaru, ñuñusquiri wawanacamppacharu. Jichha casarasirinacasa mistunipjjpan casarasïwi utanacapatjja.

Aymar Bibliia 1986

¹⁶ Diosan marcaparusti tantacht'apjjam, ucatsti k'omachapjjaraquim; tantacht'apjjam chuyman jakenacaru, wawanacaru, ñuñusquiri wawanacamppacharu. Jichha casarasirinacasa mistunipjjpan casarasïwi utanacapatjja.

Qullan Arunaka DC

¹⁶ Tatitun markapar tantacht'apxam, ukatsti q'umachapxarakim; chuyman jaqinakaru, wawanakaru, ñuñuskir wawanakamppachar tantacht'apxam. ¡Jichha jaqichasirinakas jaqichasiñ utapat mistunipxpan!

Joel 2:16 Jak'a apnaqawi uñst'ayäwi

2 Crónicas 20:13

Judá orakenquir take jakenacawa Tatitun nayrakatapancapjjäna, uqhamarac warminacapasa, wawanacapasa, jisc'a wawanacapasa.

2 Crónicas 29:5

ucatsti jupanacarojj aqham sänwa: “Ist'apjjeta levitanaca: jumanacajj jichhpach k'omachasipjjam, uqhamarac k'omachapjjaraquim nayra awquinacaman Tatit Diosapan templopsa. Santuariotjja apsunipjjam take cunatï k'añüqui ucanaca.

2 Crónicas 30:17

Tantachäwi taypinjja waljaniwa jan k'omachasipcänti, ucatsti levitanacajja uywanacjja jiwayapjjänwa Pascuataqui, qhitinacatejj jan k'omachasipcäna ucanac laycu, Tatitur loktatäpjjañapataqui.

2 Crónicas 30:19

nayra awquinacapan Tatit Diosapa, janisa jupanacajj k'omachasipcchi, cunjämtï kollan templojja maycchi uqhamaru ucasa” sasa.

2 Crónicas 35:6

Pascua fiestataqui mä maran orko oveja jiwayasin loktapjjam, ucatsti k'omachasipjjaraquim, uqhamarac cunatejj waquisqui uca waquichapjjam, uqhamata jilanacamajj phokhapjjañapataqui cuntï Tatitojj ewjjawayqui Moisés toke uca” sasa.

Job 1:5

Uca mank'äwi pasatatsti, Job chachajj wawanacapa jawsayasinjja wali alwata sartasinwa sacrificionac nact'ayasin loktirïna, uqhamata sapa mayni jupanacajja juchanacapata k'omachatäñapataqui. Uqhamsti Job chachajja lurirïnwa wawanacapajja inampisa chuymanacapana jan walinaca amtasinjja Dios contra jucha lurapjjaspa uca amuyasina.

Salmos 19:5

Intisti jakechasir waynjamaw utapat mistuni: jaläwin atipt'asir jakjamaw thaquip jali.

Éxodo 19:10

Tatitojj Moisesarojj sascaquïnwa: —Saram, ucatsti marcaru waquichanim jichhüru, kharüru jupanacajj k'omachasipjjpan, uqhamarac isinacapsa t'ajjsusipjjaracpan.

Éxodo 19:15

Moisesasti marcarojj sänwa: —Jurpüru alwataquisti suma waquichasipjjam, jan warminacamampis icthapipjjamti —sasa.

Éxodo 19:22

Uqhamarac sacerdotenacasa nayaru jac'achasiñataquejja k'omachasipjjañaparaquiwa, janiw nayajj jupanacaru tucjañ muncti uca laycu.

Joel 1:14

“Marcarusti tantacht'apjjam ucatsti ayunapjjaraquim; jilïri jakenacarusti, uqhamarac aca marcan jaquir take jakenacarusa Tatit Diosapan templopar tantacht'apjjam, ucatsti Tatitut mayisipjjaraquim.

Mateo 21:16

Jesusarusti sapjjaraquïnwa: —¿Ist'tati cun sasatejj arnakapqui ucjja? —sasa. Jesusasti saraquïnwa: —Jïs, ist'asctwa. Ucampis, ¿janit jumanacasti kellkatanaca leet'apcta take acanacatsti? Ucasti aqham siwa: ‘Jumaw munañamanjja waquichta jisc'a wawanacan cheka yupaychaña churañapa.’

Mateo 9:15

Jesusasti ucjjarojj saraquïnwa: —¿Waliquïspati mä casarasïwiru jawsayata jakenacan luto isin ist'at ucancañapajja, niyaquitejj casarasirejj ucancascchi ucajja? Ucampis jutaniwa mä urojj cunapachatï casarasiri waynajj irparatäcani, ucqhawa waquisini ayunañajja.

1 Corintios 7:5

Jan maynis maynis “janiw” sasipjjamti, jan ucasti oración lurañ laycu, jumanac pura arust'asipjjasma mä tiempo jan jac'asiñataqui ucqhaquiw “janiw” sasipjjasmajja. Uca pasatatsti wasitatwa jumanacajj juntasjjapjjañama, inampis maynejj janchipar jan atipirjamäsajj Supayampi yant'atajja juchar purispa.

Josué 7:13

Sayt'asim ucatsti Israel marcaru tantacht'am: ‘Arumanthejj alwat chuymanacam k'omachasipjjam’ sasa. Naya Israel marcan Tatitu Diosapaw sista: ‘Oh, Israel marcajja, cawquïritejj k'ala t'unjatäñapäcän ucajj jumanac taypincasquiwa, janitï ucaru jumanac taypit ankaru jakonucupcät ucqhajj janiw uñisirinacamampejj nuwasiñ puedipcätati.’

Josué 8:35

Josué chachajj take arsüwinac leet'äna, cawquïri arunactï Moisesajj jaytcäna ucanaca, take Israel marcaru, warminacaru, wawanacaru uqhamaraqui jaya toket jutir jakenacarusa.

1 Samuel 16:5

—Jïsa, uqhamawa. Tatitur mä sacrificio loktiriw jutta. Jichhajj k'omachasipjjam ucatsti nayampi chica sacrificio loktir sarapjjaraquim —sasaw Samuelojj saraquïna. Ucat janc'aquiraquiw Samuelojj Isaí chachampiru, yokanacapampiru k'omachäna, ucat sacrificio loktiri sarañataquiw jupanacarojj jawsaraquïna.