Joel 1:12 - Qullan Arunaka DC

¹² Uva yapunakas wañsuwayxiwa higo yapunakas tukusiwayxiwa. Granado quqanakasa, palmeranakasa, manzanonakasa, taqpach quqanakas q'alaw wañsuwayxi. ¡Jaqinakan kusisiñapas chhaqtawayxarakiwa!

Aymar Bibliia 1986

¹² Uva yapunacajj k'alaw wañsuwayjje, higo yapunacas tucusiwayjjaraquiwa. Granado kokanacasa, palmeranacasa, mansanonacasa, uqhamarac take kokanacasa k'alaw wañsuwayjje. ¡Uqhamaraquiw take jakenacana cusisiñapas chhaktawayjje!

Qullan Arunaca

¹² Uva yapunacajj k'alaw wañsuwayjje, higo yapunacas tucusiwayjjaraquiwa. Granado kokanacasa, palmeranacasa, mansanonacasa, uqhamarac take kokanacasa k'alaw wañsuwayjje. ¡Uqhamaraquiw take jakenacana cusisiñapas chhaktawayjje!

Joel 1:12 Jak'a apnaqawi uñst'ayäwi

Salmos 4:7

7 (8) Jumaw chuymaxarux juk'amp kusisiñ uchtaxa jilarkir trigoninakat sipansa, vinoninakat sipansa.

Salmos 92:12

12 (13) Aski jaqinakax palma quqanakjamaw jilapxi, Líbano qullunkir cedro quqanakjamaw jiltapxi.

Cantar de los cantares 2:3

Nayan munasitaxax chachanak taypin ch'uminkir quqanak taypin manzano quqar uñtatawa. ¡Kunja sumas nayatakix ch'iwipar qunt'asiñaxa! ¡Achupasti lakaxatakix sinti muxsarakiwa!

Cantar de los cantares 4:13

granadonak achki uka panqar yapur uñtatätawa; alheña panqaranakax utjki,

Isaías 16:10

Uva yapunak taypinakanxa, kusisiñat arnaqasiñax tukusxaniwa; janiw uva apthapirinakan kusisiñat arnaqasiñanakapax utjkxaniti, janirakiw uvat vino ch'irwirinakas kusiskxapxaniti. Kusisiñat arnaqasiñanakax tukusxiwa.

Isaías 24:11

Jaqinakasti marka thakhinakan vinon pist'atapat jachapxi; taqi kusisiñas tukusiwayxiwa, aka uraqitsti apanukutäxarakiwa.

Isaías 24:7

Uva yapunakax q'ala wañsutawa, ukat vinox jan utjkxiti. Khitinakatix kusisiñat q'uchupxirïn ukanakax, jichhax llakisiñatsa jiwirpachäpxiwa.

Isaías 9:3

3 (2) Tatitu, jumaw mä jach'a kusiskañ apantaxa, uka kusisiñasti wali jach'apuniwa. Taqiniw juman nayraqataman kusisipxta, kunjämtix yapu apthapiñanakan nanakax kusisipkta ukhama, kunjämatix jaqinakax qamir kankañ jaljasisax kusisipki ukhama.

Jeremías 48:3

Horonaim sat chiqatsti arnaqasitanakaw ist'asi; ‘¡Aynacht'añampi, q'ala t'unjatäñampiw utjaraki!’

Jeremías 48:33

Moab suma achur pampanakanxa, janirakiw k'uchik arnaqasiñanakas ist'askxiti. Vinos pist'xarakiwa vino uchañ utanakanxa, janiw khitis uva takirix utjkxiti, janirakiw kusisiñat q'uchuñanakas utjkxiti.

Joel 1:10

Yapunakax llakkañ tukjatawa, uraqix lutt'atäkaspas ukhamawa. Trigos pist'awayxiwa, uva yapunakas q'al pharsuwayxi, olivo quqanakasti q'ala wañsutawa.

Joel 1:16

Jiwasan uñjkataw manq'añsa apaqapxistu, Tatitun utapansti kusisiñax tukusxiwa.

Jonás 4:7

Ukampis qhipür willjtasti, Tatitux uka alir t'urjañapatakix mä laq'u wakichäna, uka alisti pharsuwayxänwa.

Hageo 2:19

Walikiwa, wal amuyasipxam, jichhat uksarux janiw jumanakan pirwanakaman trigox pist'kaniti. Janïraw uva alix achunïkiti, janirakiw higosa, granadosa, olivos achunïkiti; ukampis jichhürut uksarux nayaw jumanakar jilarkir achunak churapxäma.’ ”

Malaquías 3:11

Janirakiw kuna laq'unakas yapunakamarux tukjkaniti, uva yapunakamas wañskarakiniti.

Números 13:23

Ukatsti mä jisk'a jawiraruw puripxäna; ukawjan jupanakax uva wayun alip khuchhuqapxäna, uksti paniniw mä lawar warkuntat kallanipxäna, ukatsti granadanaka, higonaka apthapipxarakïna.