Joel 1:13 - Qullan Arunaka DC

¹³ Sacerdotenaka, Tatitun altarapan irnaqirinaka, chhankha isinakampi isthapisipxam, llakisiñat jachapxarakim, Tatitun utapanxa trigosa, vinosa waxt'äwi churañatakix janiw utjkxiti.

Aymar Bibliia 1986

¹³ Jumanacasti sacerdotenaca, Diosan altarapan irnakerinaca, chhanqha isinacampi isthapisipjjam, llaquisiñatsa jachapjjaraquim, Diosan templopana jan trigosa, ni vinosa ofrenda churañataqui utjatap laycu.

Qullan Arunaca

¹³ Jumanacasti sacerdotenaca, Diosan altarapan irnakerinaca, chhanqha isinacampi isthapisipjjam, llaquisiñatsa jachapjjaraquim, Diosan templopana jan trigosa, ni vinosa ofrenda churañataqui utjatap laycu.

Joel 1:13 Jak'a apnaqawi uñst'ayäwi

2 Samuel 12:16

Ukapachaw Davidax wawatak Tatitur achikt'asïna, janiw kuns manq'känti, arumanakasti uraqir jipt'ataw qhantatïna.

1 Reyes 21:27

Ahab reyisti Eliasan taqi uka arunakap ist'asinxa, isip ch'iyanuqasïna, ukatsti chhankha isinak uchasisin ayuno luräna. Uka isimpiw ikïna, wali llakitaw sarnaqarakïna.

Isaías 22:12

Uka urusti taqi ch'aman Tatitux jachapxañamataki, wararipxañamatakiw jawsapxtam, p'iqinakamsa q'ararasipxañamataki, ayquñ uñacht'ayañatakisti chhankha isinakamp isthapisipxañamataki.

Isaías 61:6

Jumanakarusti: “Tatitun sacerdotenakapa” sasaw sutichapxätam, Tatitun luqtirinakapa sasaraki. Yaqha markanakankir qamir yänakapampiw kusisipxäta, uka k'ajkir yänakapampiw k'achachasipxäta.

Jeremías 4:8

Jichhasti, chhankha isinakampi isthapisipxam, jachapxam, usuyasiñatsa ayqupxarakim, Tatitun aqkiri phiñasiñapasti janiw jiwasat jithiqtkiti” sasa.

Jeremías 9:10

10 (9) “Qullunakata, wasaranakat jachapxam, ayqupxarakim, suma ch'uxña uraqinakat jachapxam, ukanakasti q'ala nakhantatäxiwa, janirakiw khitis uka chiqa sarakipkxiti, janiw uywanakan wararitapas ist'askxiti, jamach'inakasa, monte laq'unakasa jayaruw sarxapxatayna.

Ezequiel 21:12

12 (17) Jumasti, ¡arnaqasim, wararirakim, ukasti markaxar jiwarayañatak uchatawa, Israel markan taqi irpirinakapar jiwarayañataki! Jupanakasti markaxampi chika jiwarañatak juchañchatäpxiwa, ukhamax uka ayquñat chuymam liq'isim.

Ezequiel 27:31

Jumatjamasti ñik'utanakapsa mururasipxaniwa, llaki isinakampiw isthapisipxani, chuyma kawkst'ataw jachapxarakini.

Ezequiel 7:18

Llakisiñatsti chhankha isinakampiw isthapisipxani; janchinakapas inakiw khathatxani, p'inqasiñatsa ajanunakapax wilar tukuta, ñik'utanakapas mururataw sarapxani.

Oseas 9:5

¿Kunsa jumanakax jach'a phunchhäwi urun lurapxäta, Tatitun uka jach'a phunchhäwi urupanxa?

Joel 2:12

“Tatitux akham siwa: —Taqi chuymampi nayan ukar kuttanxapxam. ¡Ayunapxam, Tatitur art'asipxam, jachapxarakim!” —sasa.

Joel 2:14

Tatitux inas juchanakamat mutuyañ jan amtaskxchiniti, inas suma waxt'äwinak apayanchini: trigompi, vinompi jupar luqtäwinak churañataki.

Joel 2:17

Sacerdotenakasti jachapxpan, Tatitur luqtirinakas altarap nayräxan mayipxarakpan: “Dios Tata, markamarux juchanakapat pampacham; janikiy markamat khitin larusiñapsa munamti, yaqha markanakan markamar apnaqañapsa janirak munamti, Diosar jan uñt'ir jaqinakan jan saskañapataki: ‘¿Kawkinkarak Diosamasti?’ ” sasa.

Números 28:14

Vino waxt'asti, pä litro vino sapaqat vaca qalluta, mä litro chikatan sapaqat urqu ovejata, mä litro sapaqat mä maran oveja qalluta. Taqi aka nakt'ayat waxt'anak luqtapxäta, marpacha, sapa phaxsina.

Números 28:4

Willjta tuqirux maya luqtapxani, mayïrsti jayp'thapiruw luqtapxarakini.

Números 28:7

Vino waxt'atsti sapa ovejat mä litro vino luqtapxani. Uka vinompiw Tatitur jach'añchasa qullan utjäwir warakipapxani.

Números 29:6

sapa phaxsi nakt'ayat luqtata, sapür nakt'ayat luqtat sipana, grano juyra waxt'apampi, vino waxt'apampi, Tatitun arsutaparjama. Aka luqtax Tatitutak nakt'ayat mä suma q'apkir waxt'äniwa.

1 Corintios 4:1

Jumanakasti nanakarux Criston yanapiripjamak uñjapxañama, Diosan jan amuyt'kay amtäwinakap yatichañataki.

1 Corintios 9:13

Jumanakax yatipxtawa, khitinakatix Tatitun utapan irnaqapki ukanakaxa, Tatitun utapat jakapxi. Ukampix sañ munta, khitinakatix altaran wilañchanak luqtapki jupanakax luqtat uywanakan aychap manq'apxi.

2 Corintios 11:23

¿Jupanakax Criston irnaqiripäpxiti? Nayax jupanakatsa juk'ampïtwa, ukham parlasax inas mä luqhi jaqjam parlsta. Nayax jupanakat sipan juk'ampi irnaqawayta, nayarux jupanakat sipan walja kutiw carcelar jist'antapxitu, nayax jupanakat sipan juk'ampi jawq'jataw uñjasta, walja kutiw jiwayat niy uñjasta.

2 Corintios 3:6

jupaw machaq arust'äwin luqtiritak yatichapxitu. Uka machaq arust'äwisti janiw mä kamachiru jaysañäkiti, jan ukasti Ajayun luräwiparjam jakañawa. Kamachix jiwañaruw puriyi, ukampis Diosan Ajayupax jakañ churi.

2 Corintios 6:4

Ukat sipana, taqi kunan nanakax Diosan irnaqiripäpxatax uñacht'ayapxta, wali llamp'u chuymampiw t'aqhisipxta, pist'ayasiñanakana, jan walt'añanakansa.

Apocalipsis 11:3

Nayasti pani profetanakaruw khithanï nayan chiqpach yatiyäwix parlapxañapataki. Jupanakarusti chhankha isinakampi isthapit khithanï, profecía arunak uka waranqa pä pataka suxta tunkani urun yatiyapxañapataki” sasa.