Joel 1:12 - Aymar Bibliia 1986

¹² Uva yapunacajj k'alaw wañsuwayjje, higo yapunacas tucusiwayjjaraquiwa. Granado kokanacasa, palmeranacasa, mansanonacasa, uqhamarac take kokanacasa k'alaw wañsuwayjje. ¡Uqhamaraquiw take jakenacana cusisiñapas chhaktawayjje!

Qullan Arunaca

¹² Uva yapunacajj k'alaw wañsuwayjje, higo yapunacas tucusiwayjjaraquiwa. Granado kokanacasa, palmeranacasa, mansanonacasa, uqhamarac take kokanacasa k'alaw wañsuwayjje. ¡Uqhamaraquiw take jakenacana cusisiñapas chhaktawayjje!

Qullan Arunaka DC

¹² Uva yapunakas wañsuwayxiwa higo yapunakas tukusiwayxiwa. Granado quqanakasa, palmeranakasa, manzanonakasa, taqpach quqanakas q'alaw wañsuwayxi. ¡Jaqinakan kusisiñapas chhaqtawayxarakiwa!

Joel 1:12 Jak'a apnaqawi uñst'ayäwi

Salmos 4:7

Jumaw chuymajjarojj juc'amp cusisiñ uchtajja jilarquir trigoninacat sipansa, vinoninacat sipansa.

Salmos 92:12

Asqui jakenacajj palma kokanacjamaw jilapjjani, Líbano orakenquir cedro kokanacjamaw jiltapjjani.

Cantar de los cantares 2:3

Chachanac taypinjja, nayan munatajjajj yakha kokanac taypinquir manzano aljamawa. ¡Cunja sumas nayataquejj ch'iwipar kont'asiñajja! ¡Achupasti lacajjataquejj sinti mojjsaraquiwa!

Cantar de los cantares 4:13

granadanaca achquis uca pankar yapjamätawa, suma mojjsa frutanacani; alheña sat pankaranacas utjqui uca pankar yapjamätawa,

Isaías 16:10

Pampanacanjj cusisiñat arnakasiñajj tucusjjaniwa; janiw juc'ampi cusisiñat arnakasiñajj utjcjjaniti, uva yapunacan k'ochusiñanacas janiw utjcjjaniti, janiraquiw uvanacjja juc'ampi ch'irwcjjapjjaniti vino apsuñataquejja. Arnakasiñanacajj tucusjjewa.

Isaías 24:11

Jakenacasti callenacan jachapjjaraqui vinon pist'atapatjja; take cusisiñasti jiwt'awayjjaraquiwa, aca oraketsti apanucutäjjaraquiwa.

Isaías 24:7

Vinojj pist'jjewa uva yapunacas usutaraquiwa, qhitinacatejj c'uchiqui jacasipcän ucanacajj jichajj llact'atäpjjewa.

Isaías 9:3

Tatitu, mä jach'a cusiscañwa apantajja, cusisiñasti walipuniwa. Jakenacsa waljaptayaractawa, takeniw juma nayrakatanjja cusisipjje, yapu apthapiña urunacanjama, cunjämatejj jakenacajj cusisipqui kamir cancaña jaljasisajj uqhama.

Jeremías 48:3

Horonaim sat chekatsti arnakasitanacaquiw ist'asi: ‘¡Aynacht'añampi, jach'a t'unjatäñampiw utjaraqui!’

Jeremías 48:33

Janiraquiw c'uchiqui arnakasiñanacas ist'ascjjeti, Moab jardinanacanjja. Vinos pist'jjaraquiwa uchañ utanacanjja, janiw qhitis uva taquirejj utjcjjaraquiti, janiraquiw cusisiñat k'ochuñanacas utjcjjeti.

Joel 1:10

Yapunacajj llaccaña tucjatawa, orakejj lutt'ataraquiwa. Trigos janiraquiw utjcjjeti, uva yapunacas k'ala wañsutaraquiwa, olivo kokanacasti k'ala ancuntataraquiwa.

Joel 1:16

Jiwasan uñjcatawa mank'añjja apakapjjestu, Diosasan templopansti cusisiñajj tucusjjaraquiwa.

Jonás 4:7

Ucampis khepa willjta horasarojj Diosajj mä lak'o waquichäna uca ricino aliru t'urjañapataqui, ucatsti pharsuwayjjänwa.

Hageo 2:19

Jichhajj waliquiwa. Wal amuyasipjjam, jichhat ucsarojj janiw jumanacan pirwanacamatjja trigojj pist'caniti. Janïraw uvajj achunïquiti, higosa, granadosa, olivosa; ucampis jichhat ucsarojj nayaw bendicipjjäma.’ ”

Malaquías 3:11

Janiraquiwa cuna lak'onacas yapunacamarojj tucjcaniti ni uva yapunacamas wañscaraquiniti.

Números 13:23

Puripjjänwa Escol sat uma jalscama; ucansti mä uva ali qhuchokapjjäna, ucsti paniniw mä lawar warcuntata apapjjäna. Uqhamaraquiwa granadanaca, higonacsa apthapipjjäna.