Jeremías 20:8 - Qullan Arunaka DC

⁸ Sapa kuti parlataxasti, nuwasiñampita t'unjatäñampit yatiyañatakikiwa; nayarusti sapa kutiw jan wali arunakampi jisk'achapxitu, arunakam yatiyataxatsti nayat larusipxarakiwa.

Aymar Bibliia 1986

⁸ Sapa cuti parlatajjasti, nuwasiñampi t'unjatäñampi yatiyañataquiquiwa; nayarusti sapa cutiw jan wali arunacampi jisc'achapjjetu, arunacama yatiyatajjatsti nayatjja larusipjjaraquiwa.

Qullan Arunaca

⁸ Sapa cuti parlatajjasti, nuwasiñampi t'unjatäñampi yatiyañataquiquiwa; nayarusti sapa cutiw jan wali arunacampi jisc'achapjjetu, arunacama yatiyatajjatsti nayatjja larusipjjaraquiwa.

Jeremías 20:8 Jak'a apnaqawi uñst'ayäwi

2 Reyes 2:23

Uka qhipatsti Eliseox uka chiqat Betel markaruw sarxäna. Thakhinjam makhataskän ukkhasti, mä tama waynanakaw markat mistunisin jupat sawkasiñ qalltapxäna. Jach'at Eliseorux arnaqapxarakïna: “¡P'iqi q'ara, makhatanim! ¡P'iqi q'ara, makhatanim!” —sasa.

2 Crónicas 36:16

Ukampis jupanakax Diosan khithanakapat larusipxänwa, yatiyäwinakapar janiw yäqapkänti, profetanakapatsa phiskasipxarakïnwa, Tatitun q'apisiñapasti markapatak ninjamaw aqtäna, ukat jupax mutuyañ amtäna.

Isaías 57:4

¿Khititsa jumanakax larusipxta? ¿Khitirus jumanakax jisk'achañampi uñtapxta? ¿Khititakis laxranakamsa jisksupxta? Jumanakax juchan wawanakapäpxtawa, k'ari jaqinakan wawanakapäpxtawa;

Jeremías 15:10

¡Ay kunakïkan nayatxa, taykaxay, jumaw wawachasista taqinimpi nuwasiñaxataki! Janiw khitirus qullqi mayt'kti, janirakiw nayarus mayt'apkituti, ukampis taqiniw nayarux ñanqhachapxitu.

Jeremías 15:15

Tatay, jumax taqi kun yattaxa, juma laykuw jisk'achatas uñjasta. ¡Nayat amtasisax nayar yanapt'iriy jutam! ¡Janikiy ukhamak qhiparamti, khitinakatix nayar arknaqapkitu, ukanakar mutuyam janïr nayar jiwaykipana!

Jeremías 17:27

Ukampisa, jumanakatix nayan arunakax jan ist'apkitäta, nayan sábado samarañ urunsa uka q'ipinakam Jerusalén markan punkunakap chiqa apantasipkakïta ukkhaxa, nayax Jerusalén markan punkunakap ninampiw q'al phichhantä, uka ninasti Jerusalenankir reyin utanakapsa q'al nakhantani, janirakiw khitis uka nin jiwaraykaniti.’ ”

Jeremías 20:7

Tatay, nayarux suma arunakampiw jawsista, nayasti jawsatamarux iyawstwa. Jumax nayat sipansa juk'ampi ch'amanïtawa, ukat nayarux iyawsayista. Jichhax nayat kunapachas larusisipkakiwa; taqiniw nayat phiskasipxitu.

Jeremías 28:8

Kawkïr profetanakatix nayra pachan utjkäna, janïra jumas, nayas yurkäyätan ukapacha; ukanakasti nuwasiñanaka, t'aqhisiñanaka, kunayman usunakan utjañap yatiyapxäna, walja jach'a ch'amani markanakataki.

Jeremías 5:1

Tatitux siwa: “Jerusalén markan thakhinakap muytanipxam, sum uñatatanipxam, plazanakan thaqtanipxam, inach maynirus chiqap lurir jaqi jikxatapxäta, inach chiqa chuymani jaqi jikxatapxarakïta. Uktix jikxatapxät ukapachasti, Jerusalén markarux juchanakap pampachäwa.

Jeremías 5:6

Ukat jichhax leonanakax ch'umit mistunisin jiwarayapxani, wasarankir qamaqinakaw jisk'a jisk'a tukjapxani, markat mistusinkirinakarusti jisk'a jisk'a tukjarakini, walja jach'a juchanak lurapxatap layku, mayninakarus aljantapxatap layku.

Jeremías 6:10

Nayasti saraktwa: “¿Khitirak ist'itani aka yatiyäwixarusti? Tatay, jinchunakapax llupantatawa, janiw ist'irjamäpkiti; arunakamatsti larusipxiwa, janiw arunakam munapkiti.

Jeremías 7:9

Lunthatapxta, jaqi jiwayapxta, wachuqa juchan sarnaqapxta, k'ari juramentonak lurapxta, Baal diosar inciensonak luqtasipxta, ukatsti yaqha diosanakaruw yupaychapxaraktaxa, ukanakampix janiw kuna lurañanakamas utjkiti,

Habacuc 1:3

¿Kunatarak ukataq llakisiñanaka, t'aqhisiñanaksa uñjayistasti? Nayax t'aqhisiyañanakampi, tukjatäñanakampi muyuntatätwa; taqi chiqansa, ch'axwañanakampi, nuwasiñanakampikiw utjaski.

Lucas 11:45

Ukat kamachi yatichirit mayniw jupar sarakïna: —Yatichiri, uk sasax nanakamppacharuw chuyma ust'ayapxista —sasa.

Hebreos 11:26

Jupax Cristo layku t'aqhisiñan askïtap amuyäna, Egipto markan qamir yänakat sipansa; Diosan jupar churañapäkän uk suyt'askäna.

Hebreos 13:13

Ukhamasti Jesusampi chikay campamento anqäxar mistuñäni, ukatsti kunjämtix jupax t'aqhisiwayki uka kipkarak t'aqhisiñäni.

1 Pedro 4:14

Cristo laykutix jumanakar jan wali arunakamp tuqipxätamxa, kusisiñanïpxtawa, Diosan Ajayupax jumanakampïskiwa.