Jeremías 20:9 - Qullan Arunaka DC

⁹ Nayatix siristxa: “Janiw juk'ampi Tatitut amtkxäti, janirakiw jupan sutipatsa parlkxäti” sasa, ukapachasti arunakamax chuymaxan ninjamaw nakhantitu, ch'akhanakaxamppach nakhantitu. Janiw arunakam parlkxäti sistwa, ukampis janiw amukt'añjamäkiti.

Aymar Bibliia 1986

⁹ Nayajj saractwa: “Janiw juc'ampi Tatitut amtcjjäti, janiraquiw jupan sutipatsa parlcjjäti” sasa, ucapachasti arunacamajj chuymajjanjja ninjamaw naqhantitu, ch'aqhanacamppacha jawk'jaraquitu. Nayajj uca ninjja pachparu imt'añ munta, ucampis janiw imt'añjamäquiti.

Qullan Arunaca

⁹ Nayajj saractwa: “Janiw juc'ampi Tatitut amtcjjäti, janiraquiw jupan sutipatsa parlcjjäti” sasa, ucapachasti arunacamajj chuymajjanjja ninjamaw naqhantitu, ch'aqhanacamppacha jawk'jaraquitu. Nayajj uca ninjja pachparu imt'añ munta, ucampis janiw imt'añjamäquiti.

Jeremías 20:9 Jak'a apnaqawi uñst'ayäwi

Salmos 39:3

3 (4) ¡chuymaxax ninjamaw nakhäna! Ukxat lup'kasasti, juk'ampiw nakhantitu, ukham uñjasisaw jach'at jupar art'asta:

Jeremías 23:9

Profetanakxat arunaka: Tatituw mä aski yatiyäw churitu, ukat chuymaxax mayjt'at jikxatasi, janchixasti wal khathatiraki, machat jaqir uñtatätwa, vinompi q'ala machjatäkiristsa ukhama.

Jeremías 4:19

¡Chuymaxax walpun usutu! ¡Niya phallirpachawa! ¡Janiw inakt'irjamäkti, janirakiw amukt'irjamäktsa! Mä trompetan phust'asitap ist'ta, nuwasiñ arnaqasitanak ist'arakta.

Jeremías 6:11

Tatay, phiñasiñaman phuqhantatätwa; janiw juk'ampi kunsa lurirjamäkxti” sasa. Tatitusti sarakituwa: “Uka phiñasiñam waynanakxar warxatam, tam tama sarnaqki uka waynanakxaru. Chachanakarux warminakapamppach katuntasin apapxani, ukhamaraki sinti chuymani jaqinakarusa.

Ezequiel 3:14

Tatitun ch'amapaw nayarux aptitu ukatsti uka chiqat apsunirakitu, nayasti wali llakt'ata mayjt'ataw sarxarakta, ukchañkamasti Tatitux amparapampiw wali waythapirakitu.

Ezequiel 3:3

Ukatsti sarakituwa: “Jichhasti nayax churksma uka qillqat manq'antam, ukampirak sist'asim” sasa. Nayasti manq'anttwa, uka qillqatasti misk'it sipansa juk'ampi muxsapunïnwa.

Amós 3:8

¿Khitirak jan sustjaskaspa leonan wararitap ist'asasti? Tatitutix parlam saspaxa, ¿khitirak jutir urunakat jan yatiykaspasti?

Jonás 1:2

“Sartam, Nínive jach'a markar saram, ukatsti yatiyanim, ñanqha luratanakapax nayraqataxaruw purini, ukat jupanakar q'al tukjä” sasa.

Jonás 1:3

Jonás chachasti Tatitur ist'kpachaxa, nayraqatapat jayar jaltañ amtäna, ukatsti Jope puertor purisin Tarsis tuqir mistuskir mä barco jikxatäna; pasajep alasisinsti, uka barcoruw sarxatawayxäna.

Lucas 9:62

Jesusasti juparux sänwa: —Khititix qhulliñ arma katxarusin qhipäx uñch'ukiskaki ukax, janiw Diosan qhapaq markapatak askïkiti —sasa.

Hechos 17:16

Pablox Atenas markan Silasampiru Timoteompir suykasinxa, wali mayjt'ataw jikxatasïna, markan walja idolonak phuqhantat uñjasa.

Hechos 18:5

Silasampi Timoteompix, Macedonia markat purinipkän ukapachasti, Pablox Tatitun arunakap yatiyañarukipuniw uchasxäna, judionakar qhanpach uñacht'ayarakïna Jesusan Mesiasätapa.

Hechos 4:20

Nanakax janipuniw amukt'apkiristti kuntix uñjapkta ist'apkarakta ukanakat arsuñxa —sasa.