Jeremías 20:8 - Qullan Arunaca

⁸ Sapa cuti parlatajjasti, nuwasiñampi t'unjatäñampi yatiyañataquiquiwa; nayarusti sapa cutiw jan wali arunacampi jisc'achapjjetu, arunacama yatiyatajjatsti nayatjja larusipjjaraquiwa.

Aymar Bibliia 1986

⁸ Sapa cuti parlatajjasti, nuwasiñampi t'unjatäñampi yatiyañataquiquiwa; nayarusti sapa cutiw jan wali arunacampi jisc'achapjjetu, arunacama yatiyatajjatsti nayatjja larusipjjaraquiwa.

Qullan Arunaka DC

⁸ Sapa kuti parlataxasti, nuwasiñampita t'unjatäñampit yatiyañatakikiwa; nayarusti sapa kutiw jan wali arunakampi jisk'achapxitu, arunakam yatiyataxatsti nayat larusipxarakiwa.

Jeremías 20:8 Jak'a apnaqawi uñst'ayäwi

2 Reyes 2:23

Ucatsti Eliseojj ucqhatjja Betelaruw sarjjäna, cunapachatï thaquinjama maqhatascäna ucqhajja, mä tama waynanacawa marcata mistunisina jupat sawcasiña kalltapjjäna. Jupanacasti arnakapjjänwa: “¡Maqhatanim p'ek k'ara! ¡Maqhatanim p'ek k'ara!” sasa.

2 Crónicas 36:16

Ucampis jupanacajj larusipjjänwa Diosan qhitanacapatjja, yatiyäwinacapjja jisc'achapjjänwa, uqhamarac profetanacapatsa sawcasipjjäna, Tatitun colerapajj marcapataqui tucusjjänwa, khespiyasiajj janiw cunjämatsa utjcjjänti.

Isaías 57:4

¿Qhititsa jumanacajj larusipjjäta? ¿Qhitirus jumanacajj jisc'achañampi uñtapjjta? ¿Qhititaquis lajjranacamsa jiscsupjjaractajja? Jumanacajj juchan wawanacapäpjjtawa, c'ari jakenaca;

Jeremías 15:10

¡Ay cunaquïct nayajja, taycajja, jumaw wawachasista takenimpi waycasiñataqui, uqhamaraqui nuwasiñataquisa! Janiw qhitirus kollke mayt'cti, janiraquiw nayarus mayt'apquituti, ucampisa takeniw nayarojj maldecipjjaraquitu.

Jeremías 15:15

Tatay, jumajj take cuna yattajja, ¡nayat amtasita, ucatsti jutaraquim nayar yanapt'iri! ¡Qhitinacatejj nayaru arcnakapquitu, ucanacarusti catjaraquim! Jan jupanacatjja qhuyapt'ayasimti, nayarusti jiwjjam saraquita; amuyamaya, juma laycuw jisc'achatas uñjasiracta.

Jeremías 17:27

Ucampisa, jumanacatejj nayan arunacajja jan ist'apquitäta, nayan samarañ urojja jan nayar loktasa, uqhamaraqui uca urojj carganacamsa Jerusalén marcan puncunacap cheka apantapcäta ucapachajj nayajj nina uscü Jerusalén puncunacarojja, uca ninasti Jerusalenanquir palacionacjja k'alwa naqhantani, janiraquiw qhitis jiwaraycaspati.’ ”

Jeremías 20:7

Tata, jumaw nayarojj pantjasiyistajja, nayasti pantjasiractwa; jumajj nayat sipansa juc'ampi ch'amanïyätawa, ucat nayarojj atipjaraquista. Nayatjja cunapachas larusisipcaquituwa; takeniw nayatjja larusipjjaraquitu.

Jeremías 28:8

Cawquïri profetanacatejj nayrapachan utjcäna, janïra jumas, nayas nascäyätan ucapacha; ucanacasti guerranacana, t'akhesiñanacana uqhamaraqui cunayman casta usunacan utjañapacwa yatiyapjjäna, walja marcanacataqui uqhamaraqui jach'a ch'amani reinonacataquisa.

Jeremías 5:1

Tatitojj siwa: “Jerusalén callenac muytanipjjam, suma uñatatanipjjam, plaza tokenac thaktanipjjam, inach maynsa jicjjatapjjäta take cunsa chekapar luriri, uqhamaraqui cheka chuymani. Uctejj jicjjatapjjät ucapachasti Jerusalenarojj perdonäwa.

Jeremías 5:6

Ucatwa jichhajj leonanacajj ch'umit mistunisin jiwarayapjjani, wasaranquiri kamakenacaw jisc'a jisc'a tucjapjjaraquini, marcat mistusinquirinacarusti jisc'a jisc'a tucjaraquini, walja jach'a juchanac lurapjjatap laycu, maynir aljantapjjatap laycu.

Jeremías 6:10

Nayasti saractwa: “¿Qhitirac ist'itani, nayan parlatajjarusti, uqhamaraqui aca yatiyäwi churatajjarusa? Tata, jinchunacapajj lluphantatawa, janiw ist'apcaraquiniti; arunacamatsti larusipjjaraquiwa, Arunacamsti janiw munapcaraquiti.

Jeremías 7:9

Lunthatapjjta, jake jiwayapjjta, wachok juchan sarnakapjjta, c'ari juramentonac lurapjjta, Baal diosarusti inciensonaca loktasipjjta, ucatsti yakha diosanacarusa yupaychapjjaracta, ucanacampejj janiw cuna lurañanacamas utjquiti,

Habacuc 1:3

¿Cunatsa ucatak llaquisiñanaca, t'akhesiñanaca uñjayista? Nayajj t'akhesiyañanacampi, tucjañanacampi muyuntatätwa; uqhamarac quejasiñanacasa, ch'ajjwañanacasa, take chekanwa utjejja.

Lucas 11:45

Ucat ley yatichirit mayniw jupar saraqui: —Yatichiri, ac sasajj nanacamppacharuw jan wal sapjjestajja —sasa.

Hebreos 11:26

Jupajj juc'amp kamirjamwa amuyasïna Cristo laycu jisc'achatäsajja, take Egipto marcan utjirininacat sipansa, cuntejj Diosajj churañapäcän uc yatisina.

Hebreos 13:13

Sarapjjañäniy campamentot ankäjjaru Jesusjama jan qhitins yäkata cunjämtejj Jupajj t'akhesiwaycän uqhama.

1 Pedro 4:14

Tatit laycutejj jumanacar jan wali arunacampi tokepjjätam ucajja, cusisiñanïpjjtawa, Diosan Ajayupasti jumanacjjaruw utt'asi. [Jupanacasti uca Ajayu contraw jan wali parlapjje, ucampis jumanacajj uca Ajayurojj jach'añchapjjaractawa.]