Jeremías 14:8 - Qullan Arunaka DC

⁸ Israelan suyt'äwipa, jan walt'añanakan nanakar qhispiyiri, ¿kunatsa nanakatakix mä jaya jaqïkasmas ukham tukta, thakhi sarir jaqix mä jayp'uki ikt'awayi ukhama?

Aymar Bibliia 1986

⁸ Israelan suyt'äwipa, jan walt'aña horasanacan nanacar khespiyiri, ¿cunatsa nanacataquejj mä jaya jakëcasmas uqham tucta, thaqui sarir jakejj mä jayp'u ict'awayi uqhama?

Qullan Arunaca

⁸ Israelan suyt'äwipa, jan walt'aña horasanacan nanacar khespiyiri, ¿cunatsa nanacataquejj mä jaya jakëcasmas uqham tucta, thaqui sarir jakejj mä jayp'u ict'awayi uqhama?

Jeremías 14:8 Jak'a apnaqawi uñst'ayäwi

Salmos 10:1

Tatay, ¿kunatarak nayat jayanktasti? ¿Kunatarak t'aqhisiñaxan nayat imantastasti?

Salmos 138:7

Chijinakar purkta ukapachaxa, jumaw jakañaxar imtaxa; ch'amamampiw timanakaxan amparapat qhispiyistaxa.

Salmos 46:1

1 (2) Diosaw imantasiñasaxa, juparakiw ch'amañchirisasa, jupaw chijinakan arxatirisaxa.

Salmos 46:2

2 (3) Ukat jan axsarapkañäniti, uraqis khathatiskpan, qullunakas lamar qutar tinkuntaskpan,

Salmos 50:15

Llakitäkät ukkhax nayar jawsita; nayasti qhispiyämawa, jumax jach'aruw aptarakitäta” sasa.

Salmos 71:5

Tatay, jumaw nayan suyt'añaxätaxa, wayna kankañaxatpach alkatañaxätasa.

Salmos 9:9

9 (10) T'aqhisiyat jaqinakarux Tatituw arxataski, jupaw llakisiñ pachanakan imaski.

Salmos 91:15

Nayar art'asitan ukapachaxa, mayisitaparux jaysäwa. Jupamp chikaw t'aqhisiñankä, llakisiñat irpsü, jach'aruw aptä;

Isaías 33:2

Tatay, nanakat khuyapt'ayasipxita, jumarukiw suyt'apxsma. Sapa qhantatiy ch'ama churapxita, jan walt'añansti yanapt'apxitaya.

Isaías 43:11

Naya sapakïtwa Tatituxa, naya sapakiw qhispiyapxirisma.”

Isaías 43:3

Nayätwa juman Tatitumaxa, qhispiyirimasa, Israelan Qullan Diosapätwa. Nayaw jumarux alasinsma. Egipto, Etiopía, Sabá uka markanakata.

Isaías 45:15

Ukampisa jumax jan uñjkaya Diosätawa, Israel markan qhispiyir Diosapätawa.

Isaías 45:21

Parlapxam, arsusipxarakim, munapxsta ukapachax jumanakpura jiskt'asipxam: ¿Khitis nayratpacha taqi akanak arsünxa? ¿Khitis nayra urunakatpach yatiyänxa? ¿Janit naya Tatitu ukanak lurktxa? Janiw yaqha Diosax nayat sipan utjkiti. Nayat sipan yaqha atipjiri, qhispiyiri Diosax janiw utjkiti.

Isaías 63:8

Tatitux siwa: “Jupanakax nayan markaxawa, aka wawanakaxax janiw ch'uxña lurapkitaniti” sasa.

Jeremías 16:19

Tatay, nayar ch'am churiri, nayar arxatiri; jan walt'añ pachansa nayar imirïtawa; aka uraqi tukusitpach markanakax juman ukaru jutapxani, ukatsti sapxarakïtamwa: “Nanakan awkinakaxax, k'ari diosanaka, jan ch'amani, jan kunatak inamay diosanakak katuqapxäna.

Jeremías 17:13

Tatay, jumaw Israelan suyt'añapätaxa. Taqi jumar apanukuristi p'inqachjatäniwa. Taqi jumat jayarst'iristi thayan apat laq'jamaw chhaqtxani, juma, suma jalir umjam Tatitur apanukutapata.

Jeremías 30:7

¡Mä axsarkañ uruw jak'achasini, uka urjamasti janiw yaqha urux utjkiti! Uka urusti Jacobun markapatakix mä llakiskañ urüniwa, ukampis nayaw jupanakarux qhispiyä.

Jeremías 50:7

Uñisirinakapasti jupanakar uñjasax p'inqachjapxänwa, ukatsti sapxarakïnwa: ‘Janiw nanakan juchaxäkiti, jupanakaw Tatitu nayraqatan jucha lurasipki, taqi kunsa churir Tatit tuqi, nayra awkinakapan suyt'äwipäkän uka Tatit nayraqatana’ sasa.

Joel 3:16

16 (16) Uka urun Tatitux Sión qulluta, Jerusalenatpach art'atap ist'asiyani, ukkhasti, alaxpachas, akapachas khathatiniwa. Ukampis israelitanakarux Tatitun markapätapatxa, arxataniwa.

Zacarías 9:12

ukatsti suyt'äwi chuyman phuqt'ataw kutt'anxapxani, suma uyuchrantat markanakaru. Sapxsmawa, nayasti taqi t'aqhisitanakamatxa aski waxt'äwinakampi phuqt'apxäma, kusisiñanakxa pä ukkhampi katuqapxarakïta.

Hechos 28:20

Ukat jichhax jumanakar jawsayapxsma, jumanakamp jikisisin parlt'asiñataki. Jiwas israelitanakan suyt'äwiw utjkistu, uka suyt'äwi laykuw aka cadenanakamp ñach'antat uñjasta —sasa.

1 Timoteo 1:1

Munat Timoteo: Jumaruw aruntansma. Naya Pablox, Jesucriston apostolupätwa, Qhispiyir Diosampi, jiwasan suyt'äwisa Tatit Jesucristompiw aka qillqat jumar yatiyir khithanipxitu. Timoteo, nayatakix jumax iyawsäwin chiqpach wawaxätawa. Ukat Dios Awkisaru, Tatit Jesucristosarux mayta jumar munañapataki, taqi kunan yanapañapataki, samarañapsa churañapataki.

Jueces 19:17

Uka awkix uka sarir jaqir plazan qunt'atäskir uñjasinxa, sänwa: —¿Kawkitsa jutta, ukat kawkirus saräta? —sasa.