Jeremías 14:7 - Qullan Arunaka DC

⁷ ¡Tatay, jan wali luratanakaxas nanakar juchañchapkchitu ukasa, sutim laykusay nanakat arxatt'asipxita! Walja kutiw nanakax jan jumatakjam sarnaqapkti, juma nayraqatan jucha lurapxarakta.

Aymar Bibliia 1986

⁷ ¡Tata, juchanacajjajj nanacatac sayt'cchi ucasa, sutim laycusay nanacat sayt'amjja! Walja cutiw nanacajj jan jumatacjam sarnakapcti, juma nayrakatan jucha lurapjjaracta.

Qullan Arunaca

⁷ ¡Tata, juchanacajjajj nanacatac sayt'cchi ucasa, sutim laycusay nanacat sayt'amjja! Walja cutiw nanacajj jan jumatacjam sarnakapcti, juma nayrakatan jucha lurapjjaracta.

Jeremías 14:7 Jak'a apnaqawi uñst'ayäwi

Esdras 9:15

“¡Tatay, Israel markan Tatit Diosapa, jumax chiqaparuw uñjapxista! Jumarakiw wakt'ayarakta nanak taypit mä tama qhispiyasina jakañapsa, kunjämatix jichhürux uñjapkta ukhama. Nanakasti chiqpachan juma nayraqatan wali juchanïpxtwa; jumar jak'achasiñatakis janiw askïpkti” sasa.

Salmos 115:1

Tatay, qhapaq sutimarux jach'añchasikimaya, janis nanakarux jach'añchapkita; munasiñam layku, chiqapätam laykuy jach'añchasim.

Salmos 25:11

Tatay, juchanakaxax waljapuniwa; sutiman jach'ätap laykuy pampacht'ita.

Salmos 79:9

Qhispiyir Diosaxay, ¡juman jach'a sutim laykuy arxatapxita, qhapaq sutim laykuy qhispiyapxita, juchanakat pampachapxarakita!

Isaías 48:11

Nayan jach'añchäwix laykuw ukham lurta, sutixasti janiw takisitäkaspati. Janirakiw nayar jach'añchañäki uk yaqhar churaykäti.

Isaías 59:12

Nanakaw jumarux chuyma wal usuyapxsma, pachpa juchanakaxaw juchañchasipkitu; nanakan jucha luratanakaxasti nanak chikawa, ñanqha luratanakaxsti uñt'asipxaraktwa.

Jeremías 10:19

Jeremías profetasti sarakïnwa: ¡Ay, nayata, akataqi ust'ataw uñjasta! ¡T'aqhisiñaxas jan tukuskiriwa! Markaxan ñanqha luratapatxa, naya pachpaw janchixan t'aqhista.

Jeremías 2:19

Pachpa ñanqha luratamaw mutuyätam, jan taqi chuymampi sarnaqatamaw juchañchaskätam. Amuyt'asim, ukat uñjarakïta, kunja jan walïkataynatix nayar apanukuñaxa, kunja llakïkataynatix nayar jan yäqatamasa, naya, Tatitu Diosamar apanukutamata. Naya, taqi ch'aman Tatituw uk arsta.

Jeremías 3:25

Jichhax p'inqasiñatsa amuki alt'asipxañäni, wawatpacha jichhakamaxa, jiwasanakasa, awkinakasasa, Tatitu Dios nayraqatan juchanak lurapxtanxa, janirakiw juparux jaysapktanti.”

Jeremías 3:6

Josías reyin urunakapansti, Tatitux sarakituwa: “¿Kuntix nayataki sayt'asir Israelax lurki uk uñjtati? Nayar apanukusin qullu patanakana, jach'a quqanak k'uchun yaqha diosanakaruw yupaychi.

Jeremías 5:25

Ukampis jucha luratanakamaw taqi ukanak mayjt'ayxi, jichhasti janiw juk'ampi uka askinak katuqkxapxätati.

Jeremías 5:6

Ukat jichhax leonanakax ch'umit mistunisin jiwarayapxani, wasarankir qamaqinakaw jisk'a jisk'a tukjapxani, markat mistusinkirinakarusti jisk'a jisk'a tukjarakini, walja jach'a juchanak lurapxatap layku, mayninakarus aljantapxatap layku.

Jeremías 8:14

Markasti sarakiniwa: “¿Kunatakis akar qhiparaskakiñäni? ¡Taqinis jach'a pirqan markanakar sarxañäni, ukan mäpita jiwarayistpan! Tatitu Diosasax jiwarayistaniwa; umt'añatakis jiwayir qullani uma churistu, jupa tuqi jucha luratas layku.

Jeremías 8:5

Ukampis aka markax nayar apanukutuwa janiw nayan ukar kuttaniñ munkiti. Jerusalenankirinakax nayar apanukuñpin munitu; k'ari diosanakarukiw arkañ munapxi, janiw naya chiqpach Diosan ukar kuttaniñ munapkiti.

Ezequiel 20:14

ukampis sutixan jach'ätap laykuw uk jan lurkti, jupanak Egiptot irpsunir uñjapkitu uka markanak nayraqatan jan jisk'achat uñjasiskañaxataki.

Ezequiel 20:22

ukampis sutixan jach'ätap laykuw uk jan lurkti, ukhamat yaqha markanak nayraqatan jan jisk'achat uñjasiskañaxataki, uka markanakasti Israel markar Egiptot irpsunir uñjapxarakitänwa.

Ezequiel 20:9

Ukampis sutixan jach'ätap laykuw Egiptot irpsunta, ukhamat yaqha markanak nayraqatan sutixan jan jisk'achatäñapataki, kawkïr markanak taypintix israelitanakax jakapkän uka markanak nayraqatana, uka markanak nayräxan jupanakarux uñstäyäta, Egiptot irpsunxañatakis arsurakïyäta.

Oseas 5:5

Jumanakax jach'a jach'a tukur jaqinakäpxtawa, ukat q'al t'unjatäpxäta; ¡Judá markankirinakas ukham t'unjatäpxarakiniwa!

Oseas 7:10

Jach'a jach'a tukutapaw Israelarux aynacht'ayaski, ukhamäkipansa, janiw Tatit Diosapar kuttanipkiti, janirakiw thaqtapkisa.

Amós 7:2

Kunapachatix t'iju t'ijunakax qhipa ch'uxñanakamppacha manq'antkäna ukkhaw sista: —¡Tatay, pampacht'apxita! ¿Kamisarak taqi akanak mutupxästi? Nanakax mä jisk'a markakïpxstxaya —sasa.

Miqueas 7:9

Tatit nayraqatan juch lurta, ukat q'apisiñapsa amuk muturakïxa; ukchañkamasti, jupaw nayarux uñjitani, chiqaparuw uñjarakitani. Tatitux qhanaparuw irpitani, atipjañapsti uñjayarakitaniwa.

Efesios 1:12

Jupasti jiwasanakan nayrïrïñas muni, Criston suyt'äwi tuqi jakañasataki, ukhamat taqpachani muspharkañ ch'amapat jach'añchañasataki.

Efesios 1:6

Diosan muspharkañ khuyapayasiñapat jach'añchañasataki, uka pachpa khuyapayasiñapampiw munat Wawap tuqi askinak waxt'istu.

Deuteronomio 32:27

Ukampis uñisirinakaxampi jan lart'ayasiñ laykuw jan lurkti; uñisirinakaxan jach'a jach'a tukuñapsa munkaraktti, jupanakax sapxaspawa: Jiwasaw ch'amasamp atipjtanxa; janiw Diosax taqi ukanak lurkiti’ sasa.

Josué 7:9

Cananeonakasa, uka chiqan jakir jaqinakasa ukanak yatipxaniwa, ukatsti jupanakax mayacht'asisin nanakar chhaqtayañkamaw tukjapxitani. Jumasti, ¿kunarak luräta jach'a sutiman jan p'inqachatäñapatakisti? —sasa.