Jeremías 14:9 - Qullan Arunaka DC

⁹ ¿Kunatsa mä luqhirat jaqjam tukta, ch'axwan nuwasir jaqir uñtat jan yanapt'asa? Ukampis Tatay, jumax nanak taypinkasktawa, nanakan juman markamätax taqiniw yatipxaraki; ¡janikiy nanakar apanukt'asipxistati!

Aymar Bibliia 1986

⁹ ¿Cunatsa mä lokherat jakjam tucta, guerran nuwasir jaker uñtata jan yanapt'asa? Ucampisa Tata, jumajj nanaca taypincasctawa, takeniw yatipjjaraqui nanacajj juman marcamätajj-jja; ¡Janiquiy nanacar apanuct'asipjjestati!

Qullan Arunaca

⁹ ¿Cunatsa mä lokherat jakjam tucta, guerran nuwasir jaker uñtata jan yanapt'asa? Ucampisa Tata, jumajj nanaca taypincasctawa, takeniw yatipjjaraqui nanacajj juman marcamätajj-jja; ¡Janiquiy nanacar apanuct'asipjjestati!

Jeremías 14:9 Jak'a apnaqawi uñst'ayäwi

2 Crónicas 7:14

ukampis sutix apki uka markaxatix jisk'ar tukt'asin mayisitani, nayar thaqtitani, jan wali sarnaqatanakapsa apanukuni ukkhaxa, nayax alaxpachatpach juparux ist'ä, juchanakapsa pampacharakï, ukatsti markapan nayraqatar sartañapsa kuttayxarakïwa.

Salmos 10:1

Tatay, ¿kunatarak nayat jayanktasti? ¿Kunatarak t'aqhisiñaxan nayat imantastasti?

Salmos 27:9

¡Janikiy nayatak imantasimti! ¡Janikiy q'apisiñampi jaqunukustati! ¡Jumakiw nayan arxatirixätaxa! Janikiy jan arxatirin sapak jaytanukustati, jumätaw Diosaxaxa, qhispiyirixasa.

Salmos 46:5

5 (6) Tatit Diosax markap taypinkiwa, jupaw imaskani; Diosaw qhanjtatpach markaparux yanapaskani.

Isaías 12:6

Jerusalén markan utjasirinaka, kusisiñat arnaqasipxam, Israelan Qullan Diosapax taqi jach'a ch'amapampiw jumanak taypinki.”

Isaías 43:7

Nayaw jupanakarux lurt'asta, nayar jach'añchañapatakiw irnuqt'asta, nayar yupaychañapatakiw lurt'asta’ sasa.

Isaías 51:9

Israelitanakasti akham sasaw arnaqasipxäna: ¡Tatitu, sartasimaya! ¡Sartasimaya, ch'amañcht'asimaya! Kunjämtix nayrapachanakan sartasirïkta ukhama, egipcio jaqinakar tukjkta ukhama.

Isaías 59:1

Tatitux qhispiyañatakix taqi ch'amaniwa, ist'añatakis jank'akirakiwa.

Isaías 63:19

Janis jumax kunapachas apnaqapkitasamän ukhamäpxtwa, janis kunapachas sutim apapkiriskäyät ukhamäpxtwa.

Jeremías 15:16

Jumax nayar parlxaykista ukapachaxa, arunakam nayax manq'jam manq'antäyäta; uka arunakamaw chuymaxarux kusisiyarakïna, taqi ch'amani Dios Tatitu, nayax juman wawamätwa.

Jeremías 51:5

Israel markampi, Judá markampix taqiniw naya nayraqatan juchañchjasipxi, markanakapsa juchampiw phuqhantapxi, ukampis naya, taqi ch'amani Tatitu, Israelan Qullan Diosapaxa, janiw jupanakarux apanukkti.

Jeremías 8:19

Markaxan ayqutanakapasti taqi chiqan ist'asi: “¿Janit Tatitux Jerusalén markankxpacha? ¿Janit reyipas ukankxpacha?” sasa. Tatitusti sarakiwa: “¿Kunatsa nayarux ñanqha lurapxista, yaqha diosanakar yupaychasaxa?”

Lamentaciones 5:20

¿Kunatarak wiñayatak armapxitätasti? ¿Kunatarak walja maranak apanukupxitätasti?

Ezequiel 48:35

Marka muyta pirqasti taqpachax sayt'urux llätunka waranqa metronïniwa, akat uksarusti uka markan sutipax: ‘Tatitun Utapa’ satäniwa.”

Habacuc 1:2

Tatay, ¿kunapachkamarak juman jan ist'kata yanapt'am mayisa arnaqasïmasti? ¿Kunapachkamarak nuwasiñ jan utjañapatak arnaqasïma, qhispiyir jan jutkät ukasti?

Zacarías 2:5

5 (9) Naya kipkaw mä nina uyur uñtat Jerusalén markaxar muyuntä, marka taypinsti jach'a kankañax uñacht'ayä. Naya Tatituw uk arsta.’ ”

Zacarías 8:3

Jerusalén markar jakiriw kutt'anï. Ukapachasti Jerusalenax Chiqa Marka satäniwa; taqi ch'amani Tatitun qullupasa Qullan Qullu satarakïniwa.

Números 11:23

Ukampis Tatitux Moisesar sänwa: —¿Janis nayax ch'amanïkirista ukhamti amuyista? Jichhaw uñjäta, arsutaxax phuqhasiniti, janich phuqhaskani uka —sasa.

Hechos 15:17

Ukapachasti, yaqha markankir jaqinakaw nayan ukar jutani, jupanakasti nayan ajllitanakaxäniwa.

2 Corintios 6:16

Janiw Diosan utapampi yaqha diosanakan utapampix mayakïkaspati. Jiwasax jakkir Diosan utapätanwa, kunjämtix Dios kipka siski ukhama: “Jupanak taypin jakä, sarnaqarakï; nayaw jupanakan Diosapäyä, jupanakasti nayan markaxäniwa” sasa.

Deuteronomio 23:14

14 (15) Jumanakan Tatit Diosamax jumanak taypin campamenton sarnaqi, jumanakar imañataki, ukhamat uñisirinakamar atipjayañataki, ukhamasti, jumanakan campamentomax qullan chiqäñapawa, ukhamat jan kuna q'añunak Diosan uñjañapataki; janitix ukhamäkaspa ukasti, Diosax janiw jumanakampïkaspati.

Deuteronomio 28:10

Taqi akapach uraqin utjir markanakasti Tatitun sutipan jumampïtap uñjapxani, ukat jumar axsarapxätam.

Hebreos 13:5

Jan qullqirux munapxamti; qawqhatix utjapktam ukampix kusisitakïpxam, Diosasti siwa: “Janiw jaytjkämati, janirakiw armkämasa” sasa.

Apocalipsis 21:3

Ukatsti jach'a aru ist'arakta qhapaq qunuñat art'asiniri: “¡Akaxay, Diosax jichhax jaqinak taypin jaki! Jupanakampiw jakani, jupanakasti markapäniwa, Dios kipkarakiw jupanakampïni, jupanakan Diosaparakïniwa.

1 Samuel 12:22

Tatitusti sutipan sinti jach'ätap laykux janiw apanukupkätamti, jupasti jumanakarux markapa tukuyasiñ munapxtam.