Génesis 4:4 - Qullan Arunaka DC

⁴ Abelasti ovejanakapat suma lik'ïkis uk aparakïna, ukatsti Tatituruw luqtäna. Diosasti Abelan waxt'aparux sum katuqäna;

Aymar Bibliia 1986

⁴ Abelasti ovejanacapatjja suma liq'ïquis uca apaniraquïna, ucat qharsusin liq'imppach Diosar loktaraquïna. Diosasti Abelarojj, uqhamarac ofrendaparusa sumwa catokäna;

Qullan Arunaca

⁴ Abelasti ovejanacapatjja suma liq'ïquis uca apaniraquïna, ucat qharsusin liq'imppach Diosar loktaraquïna. Diosasti Abelarojj, uqhamarac ofrendaparusa sumwa catokäna;

Génesis 4:4 Jak'a apnaqawi uñst'ayäwi

Génesis 15:17

Kunapachatix arumäxäna, wali ch'amakäxarakïna, ukapachax mä hornow wali jiq'iskir uñstäna, mä nina wiyarakiw uka jaljat animalanak taypi sarakipäna.

Génesis 4:3

Mä qawqha pachatsti, mä urux Caín chachax Tatitur waxt'a chuririw yapupat achunak apäna.

1 Reyes 18:24

Ukatsti jumanakax diosanakamaruw art'asipxäta, nayasti Israelan Tatituparuw art'asirakï: ¡kawkïr diosatix nina apayankani, ukäniw chiqpach Diosaxa! —sasa. Taqi jaqinakaw ukxarux sapxäna: —¡Walikiw ukaxa! —sasa.

1 Reyes 18:38

Ukapachaw Tatitun ninapax saraqanïna, ukatsti wilañcha luqtarux q'al nakhantäna, ukhamaraki lawanakamppacha, qalanakamppacha, laq'amppacha, q'awankkän uka umsa q'al wañsuyäna.

1 Crónicas 21:26

ukatsti ukawjan Tatitutakix mä altar luräna, ukatsti nakt'äwinaka, sumankañ wilañchanak luqtäna. Ukat ukspachaw Tatitur art'äna, Tatitusti alaxpachatpach altärxarux nina apayanïna.

2 Crónicas 7:1

Salomonax mayisiñ tukuyxän ukkhaxa, alaxpachat mä ninaw saraqanïna, nakt'at luqtäwinaksa, wilañchanaksa q'al nakhantäna, ukatsti pachpa Tatitun jach'a kankañapaw utaparux phuqhantäna,

Salmos 20:3

3 (4) Taqpach luqtäwinakamat jupax amtaspan, wilañcha luqtatanakamax jupar kusisiypan.

Éxodo 13:12

jumanakax tayna yuqall wawanakam yaqhachapxätawa, uywanakaman nayrïr urqu qallunakapsa yaqhachapxarakïtawa, ukanakasti Tatitunkiwa.

Proverbios 3:9

Taqi yänakamamp Tatitur jach'añcham, yapu apthapitamat nayrïr achunak churañampirak waqaycham;

Eclesiastés 4:4

Jan inakt'as irnaqaña, nayraqatar sartañax maynit maynikam jilankañ thaqhatapak uñjarakta, ukasti inamayarakikiwa, thayarus katthapiñ munksna ukhamakiwa.

Levítico 9:24

Tatitun nayraqatapatsti ninaw mistüna, uka ninasti kawkïri uywatix nakhantayatäñapäkäna, kuna lik'itix altarxan apnuqatäkän taqi ukanak nakhantäna. Taqi ukanak uñjasinsti, israelitanakax taqpachaniw kusisiñat wal arnaqasipxäna, ukatsti killt'asisin paranakapsa uraqir puriyañkamaw alt'apxarakïna.

Números 16:15

Moisesasti wali q'apisitaw Tatitur säna: —¡Jupanakan waxt'anakap jan katuqamti! Janiw nayax jupanakan mä asnopaksa mayirïkti, janirakiw jupanakat maynirusa jan walinak lurkti —sasa.

Números 16:35

Ukxarusti, Tatitux mä nina apayanïna, uka ninasti incienso luqtapkatayna uka pä patak phisqa tunkan levita jaqinakaruw nakhantas jiwarayäna.

Números 18:12

Israelitanakax nayrïr achunak sapa mara apanirapipkitu ukanakat churarakïmawa: sumïr aceite, sumïr vino, sumïr trigo.

Números 18:17

Ukampis janiw vacanakan nayrïr qallunakap yaqha waxt'amp kutsuyätati, janirakiw cabritonakan nayrïr qallupsa kutsuyätati, janirakiw ovejanakan nayrïr wawachat qallunakapsa kutsuyätati. Ukanakasti nayatak yaqhachatawa, nayatakiw jiwarayäta; ukatsti altarxaruw wilap warxatäta, lik'ipsti nayatak mä suma q'apkir waxt'äñapatakiw nakt'ayäta.

Hebreos 11:4

Abel chachax iyawsäwi laykuw Caín jilapat sipan Diosarux suma waxt'äwi luqtäna, ukat Diosax juparux askit uñt'äna, waxt'äwinakapsti katuqarakïnwa. Ukhamasti Abel chachax jiwatäkchisa, iyawsañap tuqix parlaskakiwa.

Hebreos 9:22

Kamachirjamasti, taqi kunaw wilampi q'umachatäñapa; janitix wilax wartaskaspa ukax janiw juchat q'umachasiñax utjkaspati.

Apocalipsis 13:8

Taqi khitinakatix aka uraqin jakapki, ukatsti uraqi qalltatpacha luqtat Corderon jakañ qillqatapan sutinakapas jan qillqatäpki ukanakaxa, uka jach'a axsarkañ animalaruw yupaychapxani.

Jueces 6:21

angelasti amparapankkän uka thujrumpiw aychampiru, t'ant'anakampirux junt'äna, ukatsti uka jach'a qalat ninaw mistsunïna, ukaw aychsa t'ant'anaksa q'al nakhantäna; ukatsti Tatitun angelapax Gedeón chachan nayraqatapat ukspachaw chhaqtawayxäna.

1 Samuel 15:22

Ukat Samuelux sarakïna: “Tatitutakix arsutanakapar phuqhañaw juk'ampi sumaxa, wilañchanaka, nakt'at luqtäwinakat sipansa; arsutap phuqhaña, jupar ist'añaw sumaxa, ovej lik'inaka wilañchanak luqtañat sipansa.