Génesis 4:4 - Qullan Arunaca

⁴ Abelasti ovejanacapatjja suma liq'ïquis uca apaniraquïna, ucat qharsusin liq'imppach Diosar loktaraquïna. Diosasti Abelarojj, uqhamarac ofrendaparusa sumwa catokäna;

Aymar Bibliia 1986

⁴ Abelasti ovejanacapatjja suma liq'ïquis uca apaniraquïna, ucat qharsusin liq'imppach Diosar loktaraquïna. Diosasti Abelarojj, uqhamarac ofrendaparusa sumwa catokäna;

Qullan Arunaka DC

⁴ Abelasti ovejanakapat suma lik'ïkis uk aparakïna, ukatsti Tatituruw luqtäna. Diosasti Abelan waxt'aparux sum katuqäna;

Génesis 4:4 Jak'a apnaqawi uñst'ayäwi

Génesis 15:17

Cunapachatejj arumäjjäna, wali ch'amacäjjaraquïn ucapachajj mä hornow wali jek'escäna, mä nina wiyaraquiw uca jaljat animalanac taypin sarnakascäna.

Génesis 4:3

Mä kawkha tiempo pasjjatatjja, mä urojj Cainajj yapupat achunacwa apanïna Diosar ofrenda churañataqui.

1 Reyes 18:24

Ucatjja jumanacajj diosanacamaruwa mayipjjäta, nayasti Tatituruw mayiraquëjja; ¡cawquïr diosatejj nina apayancani, ucawa chekpacha Diosänejja! —Take jakenacaw ucjjarojj sapjjäna: —¡Waliquiwa ucajja! —sasa.

1 Reyes 18:38

Uca horasanwa Tatitun ninapajj sarakanïna, ucatsti nact'ayañatac loktäwirojja k'al naqhantäna, lawanacarusa, uqhamarac kalanacamppacha, lak'amppacha, uqhamarac k'awancqui uca umamppacha wañsuyäna.

1 Crónicas 21:26

Ucatsti uqhamaw Tatitutac mä altar lurayäna, ucatjja loktänwa sumancäwi nact'at ofrendanaca, sacrificionacsa. Ucjjarusti Tatituruw art'äna, ucatsti Tatitojj juparojj ist'änwa alajjpachata nina sarakayanisina altarjjaru, nact'at loktäwinac patjjaru.

2 Crónicas 7:1

Cunapachatï Salomonajj aca oración luraña tucuyäna ucqhajja, alajjpachatwa mä ninajj sarakanisina naqhantäna cuna loktäwitejj naqhantayañataqui waquichatäcäna ucaru, uqhamarac sacrificionaca loktäwinacarusa, ucatsti Tatitun jach'a cancañapasti templonjja phokhantänwa,

Salmos 20:3

takpach loktäwinacamat jupajj amtaspan, wilañcha loktatanacamajj jupar cusisiypan;

Éxodo 13:12

loktjjapjjätawa take jilïr yokall wawanacama, uqhamarac uywanacan nayrïr orko kallunacapsa, take ucanacajja Tatitunquiwa uca laycu.

Proverbios 3:9

“Tatiturojj take kamir cancañamampi jach'añcham, yapumat nayrïri achunac churañampiraqui;

Eclesiastés 4:4

Uñjaractwa irnakañanacansa, uqhamarac suma lurañanacansa envidiasiñaquiw utji mayninac toke, ucasti inamayawa, thayarusa catthapï siscsna uqhama.

Levítico 9:24

Tatitun nayrakatapatsti ninaw mistuniraquïna, cawquïri uywatejj naqhantayatäñapäcäna, uqhamarac cuna liq'itejj altarjjan apnokatäcän take ucanacwa naqhantaraquïna. Take ucanaca uñjasinsti, israelitanacajj takpachaniw cusisiñat wali arnakasipjjaraquïna, ucatsti paranacapampi oraker puriñcamaw alt'apjjaraquïna.

Números 16:15

Ucatsti Moisesajj wal colerasïna, Tatiturusti sänwa: —Jan ofrendanacapjja catokamti. Janiw nayajj jupanacarojj ni mä asnopsa aparcti, janiraquiw cawquïri jupanacarusa jan wali lurcaracti.

Números 16:35

Uqhamaraquiw Tatitojj mä nina apayanïna, ucatsti jiwarayänwa, pä patac pheska tuncan jakenacaru, cawquïrinacatejj incienso loktapcän ucanacaru.

Números 18:12

Uca quipcaraquiw churäma nayrakata achunaca, israelitanacajj sapa mara churapquitu ucanacatsa suma aceite, suma vinota, uqhamarac suma trigota.

Números 18:17

Ucampisa janiraquiw vacanacana, cabritonacana, ovejanacana nayra wawachat kallunacapjja cutsuyasipcaniti, ucanacasti nayatac yakhachatawa, ucanacsti jiwarayaraquïtawa, wilapsa altararuw warjjataraquïta, liq'ipsa naqhayaraquïtawa, nayatac mä suma k'apquiri ofrendjama.

Hebreos 11:4

Iyawsäwi laycuw Abel chachajj Caín jilapat sipansa suma sacrificio Diosarojj loktäna, ucatwa Diosajj catokäna jupan ofrendapjja. Abel satäcäns ucajj jiwatäcchisa, parlascaquiwa iyawsäwip utjatap laycojja.

Hebreos 9:22

Ucatsti leyirjamajj niya take cunanacaw wilampi k'omachatäñapa; janiw juchat k'omachasiñajj utjcaspati, janitejj wilajj wartascaspa ucqhajja.

Apocalipsis 13:8

Take qhitinacatejj aca oraken jacapqui, uqhamarac kalltatpacha sutinacapas jiwquis uca Corderon jacañ libropan jan kellkatäpquis ucanacajja, uca jach'a ajjsarcañ animalaruw yupaychapjjani.

Jueces 6:21

Ucat angelajja aychanacampiru, t'ant'anacampirojj amparapancqui uca thujrumpiw ayjjatäna, ucatsti uca kala janqharatjja ninaw mistsunïna aychanacsa, t'ant'anacsa take naqhantäna. Uccañcamasti Diosan angelapajj Gedeón jac'atjja chhactawayjjänwa.

1 Samuel 15:22

Ucat Samuelojj saraquïna: “Tatitutaquejj arsutanacapar phokhañaw juc'ampi sumajja, sacrificionaca, uqhamarac holocaustonaca loktañat sipansa; arsutap phokhañaw, uqhamarac jupar ist'añawa sumajja, ovej liq'inaca sacrificiot loktañat sipansa.