Génesis 2:8 - Qullan Arunaka DC

⁸ Ukatsti Diosax Edenat inti jalsu tuqirux achu churir quqanakan mä chiqa wakichäna, ukaruw jupax lurkatayna uka jaqir uchäna.

Aymar Bibliia 1986

⁸ Ucjjarusti Tatitu Diosajj Edenat inti jalsu tokerojj mä huerto waquichäna. Ucaruraquiw uchäna cawquïri jaktejj jupajj lurcatayna ucjja.

Qullan Arunaca

⁸ Ucjjarusti Tatitu Diosajj Edenat inti jalsu tokerojj mä huerto waquichäna. Ucaruraquiw uchäna cawquïri jaktejj jupajj lurcatayna ucjja.

Génesis 2:8 Jak'a apnaqawi uñst'ayäwi

Génesis 13:10

Lot chachasti Jordán jawir tuqinkir qhirwa, Sóar sata uka markakamaw uñatatäna, uka qhirwasti wali umanïnwa, mä panqar uyur uñtatänwa. Egipto uraqjamänwa. (Uka uraqisti Tatitux Sodoma, Gomorra sat markanak janïra t'unjkän ukhamänwa).

Génesis 3:23

Ukat Tatit Diosax Edén chiqat jaqirux jaqunuküna, ukatsti kuna laq'at luratäkäntix uka uraqi irnaqañapatakiw usküna.

Génesis 3:24

Edén chiqat chachampiru warmimpiru jaqunukusinsti, Diosax uka chiqat inti jalsu tuqirux querubines sat chhiqhaninak usküna, ukansti mä aqkir espada uchäna, ukaw taqi tuqit muytarakïna, ukhamat jan khitis jakañ quqar jak'achasiñapataki.

Génesis 4:16

Ukatsti kawkhantix Caín chachax Tatitumpi parlaskäna uka chiqat mistuwayxänwa, ukat Nod sata chiqar jakiriw sarxäna, ukasti Edén chiqat inti jalsu tuqinkiwa.

2 Reyes 19:12

¿Nayra awkinakaxax tukjapki uka markanakan diosanakapasti: Gozán, Harán, Résef uka markanakar qhispiyänti, Bet-edén uraqinkir Telasar markan jakir jaqinakarus qhispiyarakïnti?

Isaías 51:3

Jerusalén markasti q'ala tukjatawa, ukat juparux chuymachä. Wasar uraqinakapsti panqaran phuqhantat uraq tukuyä, nayan uskt'ata Edén chiqjama panqaran phuqhantat markäniwa. Ukan k'uchikïñas utjani, kusisiñ q'uchunak q'uchupxani Tatituruw yuspagarapxani —sasa.

Ezequiel 27:23

Mayni alasirinakamasti: Harán, Cané, Edén, Sabá, Asiria, Media uksa markanakankir alakipa jaqinakänwa;

Ezequiel 28:13

Tatitun Edén panqar yapupan utjasïyätaxa, kunayman suma qalanakampi k'achachata: Rubí, crisólito, jade, topacio, cornalina, jaspe, zafiro, granate, esmeralda qalanakampi, aretenakamasa, yaqha yänakamasa qurit luratkamakïnwa, yurïwim urutpach wakichatarakïnwa.

Ezequiel 31:16

Uka urux purinkani ukkhasti, jiwañ manqha pachar liwiranttatamax taqi markanakaruw khathatiyani. Uka manqha pachansti, Edenankir quqanaka, Líbano qullunkir wali suma umampi qarpata quqanakax chuymachataw jikxatasipxani.

Ezequiel 31:18

Edenankir quqanakatsti janipuniw maynis jumampi uñtasirix utjkänti. Janipuniw maynis jumjam jach'a, wali sumasa utjkänti. Ukampisa, Edenankir yaqha quqanakamp chikaw uka manqha pachar jaquranttäta, ukan Tatitur jan uñt'irinakampi, nuwasïwin jiwirinakampi chikax jakarakïta. “ ‘Uka quqasti faraón reyimpi, taqi jaqinakapampiruw uñtasi. Naya, Tatituw uk arsta.’ ”

Joel 2:3

Taqi kun nakhantir ninjamawa, janïr purinkasas niy nakhantxiwa, qhipatsa nakhantaskakiwa. Aka uraqix, janïra t'iju t'ijunak aywintanipkän ukkhaxa, mä suma panqarkir uraqïnwa, sarxapxatapatsti ch'usa wasar uraqikïxiwa. ¡Janirakiw khitis jupanakat qhispkiti!