Génesis 2:9 - Qullan Arunaka DC

⁹ Diosasti kunayman achunak churir suma quqanak jilayäna, ukanakasti manq'añatakïnwa. Achu churir quqanakan chika taypirusti jakañ quqa usküna, ukatsti askimpi ñanqhampi yatiñ churir quqa uskurakïna.

Aymar Bibliia 1986

⁹ Uqhamaraqui Diosajj take casta suma frutanac achuri kokanac jilayaraquïna, ucanacasti mank'añataquïnwa. Uca huerto taypirusti jacañ koka uscuraquïna, uqhamaraqui asquimpi ñankhampi yatiñ churir koka uscuraquïna.

Qullan Arunaca

⁹ Uqhamaraqui Diosajj take casta suma frutanac achuri kokanac jilayaraquïna, ucanacasti mank'añataquïnwa. Uca huerto taypirusti jacañ koka uscuraquïna, uqhamaraqui asquimpi ñankhampi yatiñ churir koka uscuraquïna.

Génesis 2:9 Jak'a apnaqawi uñst'ayäwi

Génesis 2:17

ukampisa askimpi, ñanqhampi yatiñ churir quqat janiw manq'ätati. Uka quqan achunakap jan manq'amti, manq'äta ukapachasti, chiqpachan jiwäta” sasa.

Génesis 3:22

sarakïnwa: “Jichhax jaqix jiwasat maynïkaspas ukhamaw tukxi, kunatix askïki, ñanqhäkaraki uksa yatxiwa. Jichhasti jakañ quqan achupatsa manq'antapxakispawa, ukhamat wiñay jakañataki” sasa.

Génesis 3:24

Edén chiqat chachampiru warmimpiru jaqunukusinsti, Diosax uka chiqat inti jalsu tuqirux querubines sat chhiqhaninak usküna, ukansti mä aqkir espada uchäna, ukaw taqi tuqit muytarakïna, ukhamat jan khitis jakañ quqar jak'achasiñapataki.

Génesis 3:3

chika taypinkki uka quqan achunakapak janix manq'apkiristti. Diosasti sapxarakituwa: “Janiw uka quqan achup manq'apxätati, llamkt'apxätasa, uktix lurapxätaxa, jiwapxätawa” —sasa.

Génesis 3:5

Diosax sum yati, kunapachatix jumanakax uka quqan achunakapat manq'apxasma ukkhaxa, kunatix askïki, kunatix ñanqhäki ukanak yatipxasma, ukatsti Diosjamäpxasmawa —sasa.

Proverbios 11:30

Chiqa kankañax jakañ churi, ñanqha lurañasti jakañ apaqi.

Proverbios 3:18

Yatiñ kankañ jikxatiritakix ukax jakañawa; ¡yatiñ kankañ katxäsirinakasti kusisiñaniwa!

Isaías 44:25

Kuntix k'ari profetanakax parlapki ukanakxa janiw phuqhasiykti; uka yatiri jaqinakan amuyt'anakapsa chhaqtaytwa. Nayaw amuyt'ani jaqinakarux jupanakkam ch'axwayta, jupanakan yatiñanakapsa mä luqhi kankañar tukuyarakta.

Isaías 47:10

Jumax ñanqha lurañaman wali sum amuyasïyätaxa, sarakïyätawa: ‘Janiw khitis uñjkituti’ sasa. Yatiñ kankañamasa, ch'ikhi kankañamasa jumarux k'arintapxtamwa. Chuymamansti sarakïyätawa: ‘Nayakïtwa, nayat sipan yaqhax janiw utjkiti’ sasa.

Ezequiel 31:16

Uka urux purinkani ukkhasti, jiwañ manqha pachar liwiranttatamax taqi markanakaruw khathatiyani. Uka manqha pachansti, Edenankir quqanaka, Líbano qullunkir wali suma umampi qarpata quqanakax chuymachataw jikxatasipxani.

Ezequiel 31:18

Edenankir quqanakatsti janipuniw maynis jumampi uñtasirix utjkänti. Janipuniw maynis jumjam jach'a, wali sumasa utjkänti. Ukampisa, Edenankir yaqha quqanakamp chikaw uka manqha pachar jaquranttäta, ukan Tatitur jan uñt'irinakampi, nuwasïwin jiwirinakampi chikax jakarakïta. “ ‘Uka quqasti faraón reyimpi, taqi jaqinakapampiruw uñtasi. Naya, Tatituw uk arsta.’ ”

Ezequiel 47:12

Uka jawir thiyanakansti purapkatan muxsa achunak churir kunayman quqanakaw utjani. Uka quqanakan laphinakapasti janipuniw willirtkaniti, jan samart'asaw uka quqanakax achurakini. Sapa phaxsiw achunak churani, Tatitun utapat misturi umampi qarpatäpxatap layku. Uka achunakasti manq'añatakïniwa, laphinakapasti qullt'asiñatakirakïniwa.

Juan 6:48

Nayätwa jakañ churir t'ant'axa.

1 Corintios 8:1

Jichhasti yaqha diosanakar luqtat manq'anakat parlapxäma. Chiqpachansa sistanwa: taqiniw chiqpach yatiñ kankañanïtan; ukampis uka yatiñ kankañax jach'a jach'a tukuyi, munasiñasti Diosan markaparux jiltayiwa.

Deuteronomio 6:25

Chiqapar uñjatäñäniwa, jiwasatix uka kamachi arunakap axsartañ chuymampi Tatit Diosan nayraqatapan phuqkañäni ukapacha, kunjämtix iwxawaykistu ukhamarjama’ sasa.

Apocalipsis 2:7

¡Khititix jinchunïki ukax, ist'pan kuntix Tatitun Ajayupax iglesianakar siski uka! Jan walt'añanakar atipjirirusti, Diosan suma markapan utjki uka jakañ churir quqan achupat manq'ayä’ sasa.

Apocalipsis 22:14

Jakañ churir quqan achupat manq'asiñatak isinakap t'axsusirinakax kusisiñanïpxiwa, ukhamarak markar punku chiqa mantañ munirinakasa.

Apocalipsis 22:2

umanakapasti markan jach'a thakhip taypi sarakipäna. Purap jawir thiyan quqanakaw utjarakïna; sapa phaxsi achur quqanakänwa, maran tunka payan kuti achur quqanaka. Achunakapax wiñay jakañ chuririwa, laphinakapasti akapach markanakan usunakap qulliriwa.