Génesis 2:8 - Qullan Arunaca

⁸ Ucjjarusti Tatitu Diosajj Edenat inti jalsu tokerojj mä huerto waquichäna. Ucaruraquiw uchäna cawquïri jaktejj jupajj lurcatayna ucjja.

Aymar Bibliia 1986

⁸ Ucjjarusti Tatitu Diosajj Edenat inti jalsu tokerojj mä huerto waquichäna. Ucaruraquiw uchäna cawquïri jaktejj jupajj lurcatayna ucjja.

Qullan Arunaka DC

⁸ Ukatsti Diosax Edenat inti jalsu tuqirux achu churir quqanakan mä chiqa wakichäna, ukaruw jupax lurkatayna uka jaqir uchäna.

Génesis 2:8 Jak'a apnaqawi uñst'ayäwi

Génesis 13:10

Lot chachasti take Jordán jawira tokenquir vallenacwa uñatatäna, Zoar sisqui uca jisc'a marcacama, uca vallesti wali umanïnwa, mä jardinjamaraquïnwa. Egiptor uñtasitjamaraquïnwa. (Ucasti uqhamänwa janïra Tatitojj Sodoma, uqhamarac Gomorra sat marcanac t'unjcän ucapacha).

Génesis 3:23

Ucatwa Dios Tatitojj jakerojj Edén huertotjja apsüna, ucatsti cuna lak'at luratäcäntejj uca orake irnakañapataquiw uscüna.

Génesis 3:24

Edén huertot jakeru apsjjasinsti, uca huertot inti jalsu tokerojj querubines sat angelanacwa Diosajj uscüna, ucanacasti mä akquir espada ayt'asitäpjjänwa, take toket muyuntapjjaraquïna, jan qhitis jacañ kokar puriñapataqui.

Génesis 4:16

Cainasti, cawqhantejj Tatitumpi parlascäna uca chekatjja mistuwayjjänwa, ucatsti Nod, sat chekar jaquiriw sarjjäna, ucasti Edén jardinat inti jalsu tokenquiwa.

2 Reyes 19:12

¿Uca marcanacan diosanacapasti khespiyapjjänti nayra awquinacajjajj tucjapcäna ucanacatsti: Gozán, Harán, Resef uca marcanacarusti, uqhamarac Telasar ucan jaquiri Bet-edén jakenacarusa? Janiwa.

Isaías 51:3

Nayaw Sión marcarojj wal qhuyapayä, jupasti k'ala tucjatapunïnwa. Wasaranquir waña orakenacsti mä pankar yapuruw tucuyä, cunjämtejj Tatitojj Edén huerto usccänjja uqhama. Ucanwa cusisiñas, c'uchiquïñas utjani, uqhamaraqui Tatitur yupaychaña k'ochunacasa, suma k'ochunacasa.

Ezequiel 27:23

Harán, Cane, uqhamaraqui Edén ucanacasti jumampiw alaquipa lurapjjaraquïnjja, Sabá, Asiria, uqhamaraqui take Media ucanacasti jumampejj alaquipa luraraquïnwa.

Ezequiel 28:13

Diosan pankar yapupana, Edén chekanwa utjasiraquïyätajja, suma kalanacampi c'achachataraqui: Rubí, crisólito, jade, topacio, cornalina, jaspe, zafiro, granate, esmeralda; ucanacampi, aretenacamasa, yakha yänacamasa koricamaquïnwa, cunürütejj jumajj aca oraken uñstcta uca urutpacha waquichataraqui.

Ezequiel 31:16

Cunapachatejj nayajj juparojj jiwatanacan marcaparu sarakaycä, uqhamat jiwatanacampi jiquintasiñapataqui, ucapachasti jupan liwisitapasti yakha marcanacarojj qhathatiyaniwa. Uca orak mankhanracwa Edenanquiri kokanacajj chuymachasiña jicjjatapjjaraquini, cawquïrinacatejj Líbano kollun wali sumäpqui, suma umanacampisa karpatäpqui ucanacajja.

Ezequiel 31:18

Edenanquiri kokanacatsti janipuniw maynis uca kokampi uñtasirejj utjcänti, sumäñapampi, jach'äñapampisa; ucampisa Edenanquiri yakha kokanacampi chicaw sarakaraquini, uca orake mankhanquir chekaru jan Diosar uñt'irinacampi chica jacañataqui, cawquïri jakenacatejj guerran jiwarapcäna ucanacampi chica jacañataqui: ‘Uca kokasti Faraón reyiwa uqhamaraqui take jakenacapampi. Naya Tatituw ucjja arsta.’ ”

Joel 2:3

Take cun tucuntir ninjamawa, janïr purincasasa, uqhamarac khepatsa naqhantascaquiwa. Aca orakejj, janïra jupanacajj purincän ucqhajja mä paraisjamänwa, sarjjapjjatapatsti ch'usa wasaraquëjjewa. ¡Janiraquiw cunas khespquiti!